ദിവസവും ഉറങ്ങുന്നതിനു മുമ്പ് ഇത് പുരട്ടൂ, ചുളിവുകളും പാടുകളും ഇല്ലാത്ത ചർമ്മം സ്വന്തമാക്കാം

ചർമ്മത്തിൽ അടിഞ്ഞുകൂടിയിരിക്കുന്ന അമിതമായ എണ്ണയും മറ്റ് അഴുക്കുകളും, മേക്കപ്പും നീക്കം ചെയ്യുന്നതിന് വെളിച്ചെണ്ണ കൊണ്ടുള്ള ക്ലെൻസിങ് ബാം സഹായിക്കും. ചർമ്മത്തെ പോഷിപ്പിക്കാൻ സഹായിക്കുന്ന ചേരുവകളാണ് അതിൽ അടങ്ങിയിരിക്കുന്നത്. അതിനാൽ മങ്ങിയ ചർമ്മം തിളക്കമുള്ളതാക്കി തീർക്കും. 

Also Read: 50കളിലും ആരോഗ്യമുള്ള ചർമ്മവും മുടിയിഴകളും, ഖുശ്ബുവിൻ്റെ രഹസ്യക്കൂട്ടിൽ പ്രധാനം ഈ പഴമാണ്

ചേരുവകൾ

• വെളിച്ചെണ്ണ- 1/2  കപ്പ്
• ബീവാക്സ്- 2 ടേബിൾസ്പൂൺ
• ബദാം എണ്ണ- 1 ടേബിൾസ്പൂൺ
• എസെൻഷ്യൽ ഓയിൽ- 5 തുള്ളി

തയ്യാറാക്കുന്ന വിധം

ഒരു പാനിൽ വെള്ളമെടുത്ത് തിളപ്പിക്കാം. മറ്റൊരു പാത്രത്തിൽ വെളിച്ചെണ്ണയെടുത്ത് അതിലേയ്ക്ക് ഇറക്കി വച്ച് ചൂടാക്കാം. ഇതേ മാതൃകയിൽ ബീവാക്സും അലിയിച്ചെടുക്കാം. വെളിച്ചെണ്ണയും ബീവാക്സും ഒരുമിച്ചു ചേർത്തിളക്കി യോജിപ്പിക്കാം. അതിലേയ്ക്ക് ബദാം എണ്ണയും എസെൻഷ്യൽ ഓയിലും ചേർത്തിളക്കി യോജിപ്പിക്കാം. ഇത് തണുക്കാനായി മാറ്റി വയ്ക്കാം. ശേഷം വൃത്തിയുള്ള ഈർപ്പം കലരാത്ത പാത്രത്തിൽ സൂക്ഷിക്കാം, ആവശ്യാനുസരണം ഉപയോഗിക്കാം.

Also Read: ടാനും മറ്റ് പാടുകളും അകറ്റി തിളക്കമുള്ള ചർമ്മം നേടാം, കടലമാവ് ഉപയോഗിക്കൂ

വെളിച്ചെണ്ണ സ്ഥിരമായി കണ്ണിനടിയിൽ പുരട്ടുന്നതിൻ്റെ ഗുണങ്ങൾ

കറുപ്പ് നിറം കുറയ്ക്കും

പ്രകൃതിദത്തമായ ബ്ലീച്ചിങ് സവിശേഷതകൾ വെളിച്ചെണ്ണയിൽ ഉണ്ട്. അതിനാൽ കണ്ണിനടിയിലെ കറുപ്പ് നിറം മങ്ങുന്നതിന് ഇത് സഹായിക്കും.

തടിപ്പ് കുറയ്ക്കുന്നു

വെളിച്ചെണ്ണയ്ക്ക് ആൻ്റി ഇൻഫ്ലമേറ്ററി സവിശേഷതകൾ ഉണ്ട്. കണ്ണിനടിയിൽ ഉണ്ടാകുന്ന തടിപ്പ് കുറയ്ക്കാൻ അത് ഗുണകരമാകുന്നു.

മോയ്സ്ച്യുറൈസ് ചെയ്യുന്നു

ഫാറ്റി ആസിഡുകളുടെ സമ്പന്നമായ ഉറവിടമാണ് വെളിച്ചെണ്ണ. ഇത് ആഴത്തിൽ തന്നെ ചർമ്മത്തെ ഹൈഡ്രേറ്റ് ചെയ്യുന്നു. വരൾച്ച, ചുളിവകുൾ എന്നിവ കുറയ്ക്കുന്നു.

Also Read: ഒരു സ്പൂൺ വെളിച്ചെണ്ണ മതി, ചുണ്ടിനു ചുറ്റുമുള്ള കറുപ്പ് നിറം കുറയ്ക്കാൻ ഇതാ ഒരു പൊടിക്കൈ

കൊളാജൻ ഉത്പാദനം

വെളിച്ചെണ്ണ കൊളാജൻ ഉത്പാദനം മെച്ചപ്പെടുത്തുന്നു. ചർമ്മത്തിൻ്റെ ഇലാസ്തികതയ്ക്ക് കൊളാജൻ അത്യന്താപേക്ഷിതമാണ്.

മുകളിലുള്ള ലേഖനം അറിവ് നൽകുന്നതിന് മാത്രമുള്ളതാണ്, പ്രൊഫഷണൽ മെഡിക്കൽ നിർദേശത്തിന് പകരമാകാൻ ഉദ്ദേശിച്ചുള്ളതല്ല. നിങ്ങളുടെ ആരോഗ്യത്തെക്കുറിച്ചോ ആരോഗ്യസ്ഥിതിയെക്കുറിച്ചോ ഉണ്ടായേക്കാവുന്ന എന്തെങ്കിലും ചോദ്യങ്ങൾക്ക് എല്ലായിപ്പോഴും നിങ്ങളുടെ ഡോക്ടറുടെയോ മറ്റ് യോഗ്യതയുള്ള ആരോഗ്യ പ്രൊഫഷണലിന്റെയോ മാർഗ്ഗനിർദ്ദേശം തേടുക.

Read More: വേദനയില്ലാതെ ബ്ലാക്ക്‌ഹെഡ്‌സ് കളയാം ഒരു സ്പൂൺ തേൻ ഉപയോഗിച്ച്