ഒരു സ്പൂൺ വെളിച്ചെണ്ണ മതി, ചുണ്ടിനു ചുറ്റുമുള്ള കറുപ്പ് നിറം കുറയ്ക്കാൻ ഇതാ ഒരു പൊടിക്കൈ

ചുണ്ടിനു ചുറ്റുമുള്ള കറുപ്പ് പലരെയും ബാധിക്കുന്ന ഒരു സാധാരണ സൗന്ദര്യ പ്രശ്നമാണ്. ചർമ്മത്തിന്റെ നിറം മാറൽ, ഹൈപ്പർപിഗ്മെന്റേഷൻ, സൂര്യപ്രകാശം ഏൽക്കുന്നത്, ഹോർമോൺ മാറ്റങ്ങൾ, അല്ലെങ്കിൽ ഈർപ്പം കുറയുന്നത് എന്നിവ ഇതിന് കാരണമാകാം. ഇത് മുഖത്തിന്റെ തിളക്കം കുറയ്ക്കുകയും ആത്മവിശ്വാസത്തെ ബാധിക്കുകയും ചെയ്യും.

Also Read: ഒരു സ്പൂൺ പാൽ ഇങ്ങനെ കണ്ണിനടിയിൽ പുരട്ടൂ, ഗുണങ്ങൾ ഏറെയാണ്

എന്നാൽ അത് നീക്കം ചെയ്യാനുള്ള പ്രകൃതിദത്തവും എളുപ്പവുമായ ഒരു മാർഗ്ഗമുണ്ട്. അതിന് സഹായകരമായ മൂന്ന് പ്രകൃതിദത്ത ചേരുവകളുണ്ട്.

ചേരുവകൾ

• വെളിച്ചെണ്ണ- 1 ടീസ്പൂൺ 
• കറ്റാർ വാഴ ജെൽ- 1 ടീസ്പൂൺ
• തേൻ- ½ ടീസ്പൂൺ 

തയ്യാറാക്കുന്ന വിധം

ഒരു ചെറിയ ബൗളിൽ ഒരു ടീസ്പൂൺ വെളിച്ചെണ്ണയെടുക്കാം. അതിലേയ്ക്ക് ഒരു ടീസ്പൂൺ കറ്റാർവാഴ ജെല്ലെടുക്കാം. ഒപ്പം അര ടീസ്പൂൺ ശുദ്ധമായ തേൻ കൂടി ചേർത്തിളക്കി യോജിപ്പിക്കാം. 

Also Read: കക്ഷത്തിലെ കറുപ്പ് നിറം അകറ്റാം ദിവസങ്ങൾക്കുള്ളിൽ, ഈ രണ്ട് ചേരുവകൾ മതി

ഉപയോഗിക്കേണ്ട വിധം

രാത്രി ഉറങ്ങാൻ കിടക്കുന്നതിനു മുമ്പ് തയ്യാറാക്കിയ മിശ്രിതം ചുണ്ടിലും ചുറ്റും നിറ വ്യത്യാസം ഉള്ളിടത്തും പുരട്ടാം. ഏകദേശം 15 മുതൽ 20 മിനിറ്റ് വരെ വിശ്രമിക്കാം. ഇത് തണുത്ത വെള്ളത്തിൽ കഴുകി കളയാം. ആഴ്ചയിൽ മൂന്ന് തവണ ഇത് ഉപയോഗിച്ചാൽ ചർമ്മത്തിൽ വ്യക്തമായ മാറ്റം കാണാം.

Also Read: ഉരുളക്കിഴങ്ങ് ഒരെണ്ണം മതി, വിണ്ടുകീറിയ പരുക്കൻ ഉപ്പൂറ്റി പഞ്ഞിപോലെ സോഫ്റ്റാകും

View this post on Instagram

A post shared by Mansi Sagar (@mansiisagar2000)

ഗുണങ്ങൾ

വെളിച്ചെണ്ണ

ചർമ്മത്തിന് ഈർപ്പം നൽകുകയും വരൾച്ച മൂലമുണ്ടാകുന്ന കറുത്ത പാടുകൾ കുറയ്ക്കുകയും ചെയ്യുന്നു. ഇത് ചർമ്മത്തിലെ മൃതകോശങ്ങളെ നീക്കം ചെയ്യുകയും പുതിയ കോശങ്ങൾ രൂപപ്പെടുന്നതിന് സഹായിക്കുകയും ചെയ്യുന്നു.

കറ്റാർ വാഴ ജെൽ 

ഇതിന്റെ സ്വാഭാവിക തണുപ്പിക്കൽ ഗുണങ്ങൾ ചർമ്മത്തിലെ വീക്കം കുറയ്ക്കുകയും പാടുകളും കറുത്ത പാടുകളും ക്രമേണ കുറയ്ക്കുകയും ചെയ്യുന്നു.

Also Read: പിങ്ക് നിറത്തിലുള്ള സോഫ്റ്റ് ചുണ്ടുകൾ നേടാൻ ഇനി ഒരു നുള്ള് പഞ്ചസാര മതി

തേൻ

സ്വാഭാവിക ബ്ലീച്ചിംഗ് ഗുണങ്ങളുണ്ട്. ഇത് ചർമ്മത്തിന് തിളക്കം നൽകുകയും മൃദുവാക്കുകയും ചെയ്യും. 

ഈ മിശ്രിതം 100% പ്രകൃതിദത്ത ചേരുവകൾ കൊണ്ട് നിർമ്മിച്ചതിനാൽ പാർശ്വഫലങ്ങൾ കുറവായിരിക്കും. ആദ്യം ഉപയോഗിക്കുമ്പോൾ പാച്ച് ടെസ്റ്റ് ചെയ്തു നോക്കൻ മറക്കരുത്.  

അമിതമായ കറുപ്പ്, ഹോർമോൺ മാറ്റങ്ങൾ അല്ലെങ്കിൽ മെഡിക്കൽ കാരണങ്ങളാൽ ചർമ്മത്തിന്റെ നിറം മാറിയിട്ടുണ്ടെങ്കിൽ വിദഗ്ധോപദേശം തേടണം. 

മിശ്രിതം ഉൾപ്പെടുത്തുന്നതിലൂടെ, നിങ്ങളുടെ മുഖത്തിന്റെ തിളക്കം, സൗന്ദര്യം, ആത്മവിശ്വാസം, എന്നിവ സ്വാഭാവികമായി നിലനിർത്താൻ കഴിയും.

Read More: ടാനും മറ്റ് പാടുകളും അകറ്റി തിളക്കമുള്ള ചർമ്മം നേടാം, കടലമാവ് ഉപയോഗിക്കൂ