തേങ്ങാപ്പാലും കറ്റാർവാഴയുമുണ്ടോ? എങ്കിൽ വരണ്ടതും കട്ടി കുറഞ്ഞതുമായ തലമുടിക്ക് വിട

മുടി കൊഴിച്ചിൽ നിങ്ങളെ ബുദ്ധിമുട്ടിക്കുന്നുവോ? അമിതമായി വരണ്ട മുടിയും തലയോട്ടിയും ആകാം അതിനു പിന്നിലെ ഒരു കാരണം. അന്തരീക്ഷവും പരിചരണക്കുറവും മുടി വരണ്ടു പോകുന്നതിലേയ്ക്കു നയിച്ചേക്കും. തുടക്കത്തിൽ തന്നെ ശ്രദ്ധിച്ചില്ലെങ്കിൽ മുടി കൊഴിച്ചിൽ അമിതമാകും. ധാരാളം കെമിക്കൽ ട്രീറ്റ്മെൻ്റുകൾ ഇതിനു പരിഹാരമായി ഉണ്ട്. എന്നാൽ അവയ്ക്ക് പാർശ്വഫലങ്ങളും ഉണ്ടായിരിക്കും. തലമുടിയുടെ ആരോഗ്യത്തിന് പ്രകൃതിദത്തമായ പരിചരണമായിരിക്കും ഗുണപ്രദം. അതിനായി ആദ്യം പരിഗണിക്കേണ്ടത് നിങ്ങളുടെ തലമുടിക്ക് അനുയോജ്യമായ മോയ്സ്ചറൈസർ ആണ്. അവ വീട്ടിൽ തന്നെ തയ്യാറാക്കാവുന്ന ചില ഹെയർമാസ്ക്കുകൾ ഉണ്ട്.

ഫലപ്രദവും വളരെ എളുപ്പത്തിൽ തയ്യാറാക്കാവുന്നതുമായ ഹെയർ മാസ്ക്കുകൾ പരിചയപ്പെടാം

വെളിച്ചെണ്ണ തേൻ ഹെയർമാസ്ക്ക്

രണ്ട് ടേബിൾസ്പൂൺ വെളിച്ചെണ്ണയിലേയ്ക്ക് ഒരു ടേബിൾസ്പൂൺ​ തേൻ ചേർത്തിളക്കി യോജിപ്പിക്കാം. അത് തലമുടിയിൽ പുരട്ടുക. 30 മിനിറ്റിനു ശേഷം കഴുകി കളയാം. 

കറ്റാർവാഴ ഒലിവ് എണ്ണ ഹെയർ മാസ്ക്

കാൽ കപ്പ് കറ്റാർവാഴ ജെല്ലിലേയ്ക്ക് രണ്ട് ടേബിൾസ്പൂൺ ഒലിവ് എണ്ണ ചേർത്തിളക്കി യോജിപ്പിക്കാം. അത് തലമുടിയിൽ പുരട്ടി 30 മിനിറ്റ് വിശ്രമിക്കാം. ശേഷം തണുത്ത വെള്ളത്തിൽ കഴുകി കളയാം.

പഴം തൈര് ഹെയർ മാസ്ക്

നന്നായി പഴുത്ത ഒരു പഴത്തിലേയ്ക്ക് കാൽ കപ്പ് തൈര് ചേർത്തിളക്കി യോജിപ്പിക്കാം. ഈ മിശ്രിതം മുടിയിൽ പുരട്ടി 30 മിനിറ്റിനു ശേഷം കഴുകി കളയാം.

തേങ്ങാപ്പാൽ ഹെയർമാസ്ക്

തലമുടി ഷാമ്പൂവും കണ്ടീഷ്ണറും ഉപയോഗിച്ച് കഴുകാം. ശേഷം കട്ടിയുള്ള തേങ്ങാപ്പാൽ ഒരു കപ്പ് മുടി കഴുകാൻ ഉപയോഗിക്കാം. 2 മിനിറ്റിനു ശേഷം തണുത്ത വെള്ളത്തിൽ മുടി ഒന്നു കൂടി കഴുകാവുന്നതാണ്. 

മുട്ട തൈര് ഹെയർ മാസ്ക്

ഒരു മുട്ട പൊട്ടിച്ചൊഴിച്ചതിലേയ്ക്ക് കാൽ കപ്പ് തൈര് ചേർത്തിളക്കി യോജിപ്പിക്കാം. ആ മിശ്രിതം തലമുടിയിൽ പുരട്ടി 30 മിനിറ്റിനു ശേഷം തിളപ്പിച്ച് ചൂടാറിയ വെള്ളത്തിൽ കഴുകാം. 

മുകളിലുള്ള ലേഖനം അറിവ് നൽകുന്നതിന് മാത്രമുള്ളതാണ്, പ്രൊഫഷണൽ മെഡിക്കൽ നിർദേശത്തിന് പകരമാകാൻ ഉദ്ദേശിച്ചുള്ളതല്ല. നിങ്ങളുടെ ആരോഗ്യത്തെക്കുറിച്ചോ ആരോഗ്യസ്ഥിതിയെക്കുറിച്ചോ ഉണ്ടായേക്കാവുന്ന എന്തെങ്കിലും ചോദ്യങ്ങൾക്ക് എല്ലായ്പ്പോഴും നിങ്ങളുടെ ഡോക്ടറുടെയോ മറ്റ് യോഗ്യതയുള്ള ആരോഗ്യ പ്രൊഫഷണലിന്റെയോ മാർഗ്ഗനിർദ്ദേശം തേടുക.

Read More

• ചർമ്മ പരിചരണത്തിന് മികച്ച 5 ടോണർ വീട്ടിൽ തയ്യാറാക്കാം
• ടാൻ നീക്കം ചെയ്യാൻ ഇതിൽ ഏതു ഫെയ്സ്മാസ്ക് നിങ്ങൾ തിരഞ്ഞെടുക്കും?
• കൈമുട്ടിലെ കറുപ്പ് നിറം അകറ്റാൻ ഇതാ ഒരു കിടിലൻ വിദ്യ
• യുവത്വം തുളുമ്പുന്ന ചർമ്മം ഇനി വിരൽത്തുമ്പിൽ, നെയ്യ് പുരട്ടൂ