ചർമ്മ പരിചരണത്തിന് മികച്ച 5 ടോണർ വീട്ടിൽ തയ്യാറാക്കാം

ചർമ്മ പരിചരണത്തിൽ ടോണർ ഉപയോഗിക്കുന്നതു കൊണ്ട് ഒട്ടേറെ പ്രയോജനങ്ങളുണ്ട്. അതിൽ തന്നെ എണ്ണ മയമുള്ള ചർമ്മത്തിന് ഉചിതമായ ടോണർ തിരഞ്ഞെടുക്കേണ്ടതുണ്ട്. അത് വീട്ടിൽ തന്നെ തയ്യാറാക്കുന്നതാണ് ഉചിതം. സെബത്തിൻ്റെ അമിതമായ ഉത്പാദനം കുറയ്ക്കുകയും, ചർമ്മ സുഷിരങ്ങളിൽ അടിഞ്ഞു കൂടിയിരിക്കുന്ന അഴുക്കും, മേക്കപ്പിൻ്റെ അംശങ്ങൾ നീക്കം ചെയ്യുന്നതിനും അത് ഉപയോഗിക്കാവുന്നതാണ്. ചർമ്മത്തിൻ്റെ പിഎച്ച് ബാലൻസ് നിലനിർത്തുന്നതിനും ടോണർ സഹായിക്കും.

എണ്ണ മയമുള്ള ചർമ്മത്തിൽ ഉപയോഗിക്കാവുന്ന മികച്ച അഞ്ച് നാച്വറൽ ടോണറുകൾ എങ്ങനെ വീട്ടിൽ തയ്യാറാക്കാം എന്ന് പരിചയപ്പെടാം.
 
റോസ് വാട്ടർ വിച്ച് ഹേസൽ ടോണർ

ചേരുവകൾ

• റോസ് വാട്ടർ- 2 ടേബിൾസ്പൂൺ
• വിച്ച് ഹേസൽ- 2 ടേബിൾസ്പൂൺ
• കറ്റാർവാഴ ജെൽ- 1 ടേബിൾസ്പൂൺ

തയ്യാറാക്കുന്ന വിധം

റോസ് വാട്ടറും, വിച്ച് ഹേസലും, കറ്റാർവാഴയുടെ ജെല്ലും ഒരുമിച്ച് ചേർത്തിളക്കി യോജിപ്പിക്കാം. അതിൽ ഒരു പഞ്ഞി മുക്കി മുഖം വൃത്തിയാക്കാൻ ഉപയോഗിക്കാവുന്നതാണ്. 

ഗുണങ്ങൾ

റോസ് വാട്ടർ ചർമ്മം ഹൈഡ്രേറ്റ് ചെയ്യുന്നതു കൂടാതെ മൃദുവാക്കുന്നു. വിച്ച് ഹേസലും കറ്റാർവാഴയും അമിതമായ എണ്ണ ഉത്പാദനത്തെ തടയുന്നതു കൂടാതെ വീക്കം, ചുവന്ന പാടുകൾ എന്നിവ തടയുന്നു. 

ആപ്പിൾ സിഡാർ വിനാഗിരി ടോണർ

ചേരുവകൾ

• ആപ്പിൾ സിഡാർ വിനാഗിരി-1 ടേബിൾസ്പൂൺ
• വെള്ളം- 2 ടേബിൾസ്പൂൺ

തയ്യാറാക്കുന്ന വിധം

ഒരു ടേബിൾസ്പൂൺ ആപ്പിൾ സിഡാർ വിനാഗിരിയിലേയ്ക്ക് മൂന്ന് ടേബിൾസ്പൂൺ വെള്ളം ചേർത്തിളക്കി യോജിപ്പിക്കാം. അതിൽ ഒരു പഞ്ഞി മുക്കി മുഖം വൃത്തിയാക്കാൻ ഉപയോഗിക്കാം. 

ഗുണങ്ങൾ

ആപ്പിൾ സിഡാർ വിനാഗിരി ചർമ്മത്തിൻ്റെ പിഎച്ച് ലെവൽ നിയന്ത്രിക്കാൻ സഹായിക്കും. കൂടാതെ അതിൻ്റെ ആൻ്റി ബാക്ടീരിയൽ സവിശേഷത മുഖക്കുരുവിനെ തടയുന്നു. 

ഗ്രീൻ ടീ നീരങ്ങ ടോണർ

ചേരുവകൾ

• ഗ്രീൻ ടീ- 1 കപ്പ്
• നാരങ്ങ ജ്യൂസ്- 1 ടേബിൾസ്പൂൺ

തയ്യാറാക്കുന്ന വിധം

ഗ്രീൻ ടീ തയ്യാറാക്കിയത് ഒരു കപ്പ് തണുക്കാൻ മാറ്റി വയ്ക്കാം. അതിലേയ്ക്ക് ഒരു ടേബിൾസ്പൂൺ നാരങ്ങാ നീര് ചേർത്തിളക്കി യോജിപ്പിക്കാം. പഞ്ഞി ഉപയോഗിച്ച് ഇത് മുഖത്ത് പുരട്ടാം. ശേഷം കഴുകി കളയാം. 

ഗുണങ്ങൾ

ധാരാളം ആൻ്റി ഓക്സിഡൻ്റ് സവിശേഷതകൾ ഗ്രീൻ ടീക്കുണ്ട്. നാരങ്ങ അമിതമായി എണ്ണ മയം ഉണ്ടാകുന്നതു തടഞ്ഞ് ചർമ്മം തിളക്കമുള്ളതാക്കുന്നു. 

വെള്ളരി പുതിനയില ടോണർ

ചേരുവകൾ

• വെള്ളരി- 1/2
• പുതിനയില- 5 ഇല
• റോസ് വാട്ടർ- 1 ടേബിൾസ്പൂൺ

തയ്യാറാക്കുന്ന വിധം

ഒരു വെള്ളരിയുടെ പകുതി തൊലി കളഞ്ഞെടുക്കാം. അത് അരച്ച് ജ്യൂസ് അരിച്ചെടുക്കാം. റോസ് വാട്ടറും ഇതിൽ ചേർത്തിളക്കാം. ഒരു പഞ്ഞി ഈ മിശ്രിതത്തിൽ മുക്കി മുഖം വൃത്തിയാക്കാൻ​ ഉപയോഗിക്കാവുന്നതാണ്. 

ഗുണങ്ങൾ

വെള്ളരി ചർമ്മത്തെ തണുപ്പിച്ച് എണ്ണ മയം തടഞ്ഞു നിൽക്കുന്നത് തടയുന്നു. 

ടീ ട്രീ ഓയിൽ ടോണർ

ചേരുവകൾ

• വെള്ളം- 1 കപ്പ്
• ടീട്രീ ഓയിൽ- 3 തുള്ളി

തയ്യാറാക്കുന്ന വിധം

ഒരു കപ്പ് വെള്ളത്തിലേയ്ക്ക് 3 തുള്ളി ടീട്രീ ഓയിൽ ചേർത്തിളക്കി യോജിപ്പിക്കാം. അത് ഒരു പഞ്ഞിയിൽ മുക്കി മുഖം വൃത്തിയാക്കാൻ ഉപയോഗിക്കാം.

ഗുണങ്ങൾ

ടീട്രീ ഓയിലിന് ആൻ്റി ബാക്ടീരിയൽ സവിശേഷതയുണ്ട്. അത് മുഖക്കുരുവും എണ്ണയുടെ അമിതമായ ഉത്പാദനവും തടയുന്നു. 

മുകളിലുള്ള ലേഖനം അറിവ് നൽകുന്നതിന് മാത്രമുള്ളതാണ്, പ്രൊഫഷണൽ മെഡിക്കൽ നിർദേശത്തിന് പകരമാകാൻ ഉദ്ദേശിച്ചുള്ളതല്ല. നിങ്ങളുടെ ആരോഗ്യത്തെക്കുറിച്ചോ ആരോഗ്യസ്ഥിതിയെക്കുറിച്ചോ ഉണ്ടായേക്കാവുന്ന എന്തെങ്കിലും ചോദ്യങ്ങൾക്ക് എല്ലായ്പ്പോഴും നിങ്ങളുടെ ഡോക്ടറുടെയോ മറ്റ് യോഗ്യതയുള്ള ആരോഗ്യ പ്രൊഫഷണലിന്റെയോ മാർഗ്ഗനിർദ്ദേശം തേടുക.

Read More

• ടാൻ നീക്കം ചെയ്യാൻ ഇതിൽ ഏതു ഫെയ്സ്മാസ്ക് നിങ്ങൾ തിരഞ്ഞെടുക്കും?
• കൈമുട്ടിലെ കറുപ്പ് നിറം അകറ്റാൻ ഇതാ ഒരു കിടിലൻ വിദ്യ
• യുവത്വം തുളുമ്പുന്ന ചർമ്മം ഇനി വിരൽത്തുമ്പിൽ, നെയ്യ് പുരട്ടൂ
• ചുണ്ടുകൾക്ക് അഴകേകാം, പഞ്ചസാര മുതൽ കാപ്പിപ്പൊടി വരെ ഇങ്ങനെ ഉപയോഗിക്കൂ