ചുളിവുകൾ മാത്രമല്ല മുഖക്കുരുവും പമ്പ കടക്കും; ഓട്സ് ഫെയ്സ്മാസ്ക്കുകൾ ട്രൈ ചെയ്യൂ

വിവാഹത്തിനും മറ്റ് ആഘോഷങ്ങൾക്കും തിളങ്ങാൻ മുഖക്കുരു ഒരു വില്ലാനാകുന്നുണ്ടോ? അതിനൊപ്പം ചുളിവുകളും കൂടി ഉണ്ടെങ്കിൽ പിന്നെ ആകെ ആശങ്ക തോന്നിയേക്കാം. മുഖക്കുരു മാറിയാലും അതിൻ്റെ പാടുകൾ പലപ്പോഴും അധിക നാൾ ചർമ്മത്തിൽ നിലനിൽക്കും. അമിതമായി എണ്ണ മയമുള്ള ചർമ്മമാണോ?. എങ്കിൽ മുഖക്കുരുവും, ബ്രേക്കൗട്ടുകളും അപരിചിതമായിരിക്കില്ല. ഇതു മൂലം ചർമ്മത്തിലുണ്ടാകുന്ന ചുവപ്പ്, ചൊറിച്ചിൽ എന്നിവയൊക്കെ വേദനാജനകവും അസ്വസ്ഥത സൃഷ്ട്ടിക്കുന്നതുമാണ്. ഇവ പരിഹരിക്കാൻ വീണ്ടും രാസവസ്തുക്കൾ അടങ്ങിയ ഉത്പന്നങ്ങൾ ഉപയോഗിക്കുന്നതിനു പകരം വീട്ടിൽ തന്നെ ലഭ്യമായ ചില വസ്തുക്കൾ ഉപയോഗിച്ചു നോക്കൂ.

ഇതിന് ഏറ്റവും ഉചിതമായ ചേരുവയാണ് ഓട്സ്. മുഖത്തെ ചുളിവുകളും മുഖക്കുരുവും അകറ്റാൻ അതിന് കഴിയും. കൊളാജൻ ഉത്പാദനത്തെ സഹായിക്കുന്ന ആൻ്റി ഓക്സിഡൻ്റ് സവിഷേശതകളും, മുഖക്കുരുവിനെ അകറ്റി നിർത്താൻ സഹായിക്കുന്ന ആൻ്റി ഇൻഫ്ലമേറ്ററി ഗുണങ്ങളും ഓട്സിനുണ്ട്. അതുപയോഗിച്ചുള്ള വ്യത്യസ്ത ഫെയ്സ്മാസ്ക്കുകൾ പരിചയപ്പെടാം. 

ഓട്സ് തൈര് 

രണ്ട് ടേബിൾസ്പൂൺ ഓട്സിലേയ്ക്ക് ഒരു ടേബിൾസ്പൂൺ തൈര് ഒരു ടീസ്പൂണ്‍ തേന്‍ എന്നിവ ചേർത്തിളക്കി യോജിപ്പിക്കാം. ഇത് മുഖത്ത് പുരട്ടി 20 മിനിറ്റി വിശ്രമിക്കാം. ശേഷം തണുത്ത വെള്ളത്തിൽ കഴുകി കളയാം.

ഓട്സ്  ഒലീവ്  എണ്ണ

രണ്ട് ടേബിൾസ്പൂൺ ഓട്സിലേയ്ക്ക് ഒരു ടേബിൾസ്പൂൺ തേന്‍, ഒരു ടീസ്പൂണ്‍ ഒലീവ് ഓയില്‍ എന്നിവ  ചേർത്തിളക്കി യോജിപ്പിക്കാം. ഈ മിശ്രിതം മുഖത്ത് പുരട്ടി മൃദുവായി മസാജ് ചെയ്ത് 20 മിനിറ്റു വിശ്രമിക്കാം. ശേഷം കഴുകി കളയാം. 

ഓട്സ് മഞ്ഞള്‍ 

രണ്ട് ടേബിൾസ്പൂൺ ഓട്സിലേയ്ക്ക് അര ടീസ്പൂണ്‍ മഞ്ഞള്‍പൊടിയും കുറച്ച് വെള്ളവും ചേര്‍ത്തു യോജിപ്പിക്കാം. ഈ മിശ്രിതം മുഖത്ത് പുരട്ടി 15 മിനിറ്റിനു ശേഷം കഴുകി കളയാം. 

ഓട്സ് പപ്പായ  

പഴുത്ത പപ്പായയുടെ പള്‍പ്പിലേയ്ക്ക് രണ്ട് ടേബിൾസ്പൂൺ ഓട്സ്, ഒരു ടീസ്പൂൺ ബദാം ഓയിൽ എന്നിവ ചേർത്തിളക്കി യോജിപ്പിക്കാം. ശേഷം ഈ മിശ്രിതം മുഖത്ത് പുരട്ടി 15 മിനിറ്റു കഴിഞ്ഞ് കഴുകി കളയാം. 

ഓട്സ് കറ്റാർവാഴ ജെല്‍ 

ഒരു ടീസ്പൂൺ കറ്റാർവാഴ ജെല്ലും രണ്ട് ടീസ്പൂൺ ഓട്സും യോജിപ്പിച്ചെടുക്കാം. ഇത് മുഖത്ത് പുരട്ടി മൃദുവായി മസാജ് ചെയ്യാം. അര മണിക്കൂറിന് ശേഷം തണുത്ത വെള്ളത്തില്‍ മുഖം കഴുകാം. 

തേനും ഓട്സും

രണ്ട് ടേബിൾസ്പൂൺ ഓട്സിലേയ്ക്ക് കുറച്ച് പാലും തേനും ചേർത്തിളക്കി യോജിപ്പിക്കാം. അത് മുഖത്ത് പുരട്ടാം. പത്ത് മിനിറ്റിനു ശേഷം കഴുകി കളയാം.

ഓട്സ് ബദാം

രണ്ട് ടേബിൾസ്പൂൺ ഓട്സിലേയ്ക്ക് കുറച്ച് പാലും ഒരു ടേബിൾസ്പൂൺ പൊടിച്ച ബദാമും അൽപം തേനും ചേർത്തിളക്കി യോജിപ്പിക്കാം. അത് മുഖത്ത് പുരട്ടി 15 മിനിറ്റിനു ശേഷം കഴുകി കളയാം.

മുകളിലുള്ള ലേഖനം അറിവ് നൽകുന്നതിന് മാത്രമുള്ളതാണ്, പ്രൊഫഷണൽ മെഡിക്കൽ നിർദേശത്തിന് പകരമാകാൻ ഉദ്ദേശിച്ചുള്ളതല്ല. നിങ്ങളുടെ ആരോഗ്യത്തെക്കുറിച്ചോ ആരോഗ്യസ്ഥിതിയെക്കുറിച്ചോ ഉണ്ടായേക്കാവുന്ന എന്തെങ്കിലും ചോദ്യങ്ങൾക്ക് എല്ലായ്പ്പോഴും നിങ്ങളുടെ ഡോക്ടറുടെയോ മറ്റ് യോഗ്യതയുള്ള ആരോഗ്യ പ്രൊഫഷണലിന്റെയോ മാർഗ്ഗനിർദ്ദേശം തേടുക.

Read More

• നാലിതൾ ചെമ്പരത്തി കൊണ്ട് 7 തരം ഹെയർമാസ്ക്കുകൾ
• ഫെയ്സ്മാസ്ക് മുതൽ ടോണർ വരെ; ഇഞ്ചി ഉണ്ടെങ്കിൽ ചർമ്മം തിളങ്ങാൻ മാർഗങ്ങൾ അനവധി
• അമിതമായ രോമ വളർച്ച തടയാൻ ഇതാ 5 നുറുങ്ങു വിദ്യകൾ
• വൈകിയിട്ടില്ല, 30കളിലും തുടങ്ങാം ചർമ്മ സംരക്ഷണം
• കരുത്തുറ്റ മുടി മുതൽ പാദങ്ങളിലെ വിണ്ടു കീറൽ വരെ; സൗന്ദര്യ