നാലിതൾ ചെമ്പരത്തി കൊണ്ട് 7 തരം ഹെയർമാസ്ക്കുകൾ

DIY Hibiscus Hair Mask: ചർമ്മ സംരക്ഷണം എന്നതു പോലെ തന്നെ പ്രധാനപ്പെട്ടതാണ് തലമുടിയുടെ പരിപാലനവും. നമ്മൾ എത്രത്തോളം കരുതലോടെ മുടിയുടെ പ്രശ്നങ്ങളെ സമീപിക്കുന്നുവോ അത്രത്തോളം അനുകൂലമായ ഫലം ലഭ്യമാകും. പാർശ്വഫലങ്ങൾ ഇല്ലാത്ത പരിചരണ ഉത്പന്നങ്ങളാണ് ഏവരും തേടുക. പാർലറുകളിലും കടകളിലും ലഭ്യമായ വ്യത്യസ്ത ഹെയർ സ്പാ ഒരു പരിധി വരെ നിങ്ങളുടെ മുടിയുടെ പ്രശ്നങ്ങൾക്കു പരിഹാരം നൽകിയേക്കാം. എങ്കിലും അധികവും പ്രകൃതിദത്തമായ രീതികൾ സ്വീകരിക്കുന്നതാണ് ഉചിതം. കെമിക്കൽ രഹിത ഉത്പന്നങ്ങൾ തിരഞ്ഞെടുക്കാം.

ചെമ്പരത്തി വെളിച്ചെണ്ണ ഹെയർമാസ്ക്

ചെമ്പരത്തി ഇതളുകൾ അരച്ചെടുത്തത് ഒരു ടേബിൾസ്പൂണിലേയ്ക്ക് കുറച്ച് വെളിച്ചെണ്ണ ഒഴിച്ചിളക്കി യോജിപ്പിക്കാം. ഈ മിശ്രിതം തലമുടിയിൽ പുരട്ടി 20 മിനിറ്റ് വിശ്രമിക്കാം. ശേഷം തണുത്ത വെള്ളത്തിൽ കഴുകി കളയാം.

ചെമ്പരത്തി ഉള്ളി എണ്ണ ഹെയർമാസ്ക്

ഒരു ടേബിൾസ്പൂൺ ചെമ്പരത്തി അരച്ചതിലേയ്ക്ക് രണ്ട് ടേബിൾസ്പൂൺ ഉള്ളി എണ്ണ ചേർത്തിളക്കി യോജിപ്പിക്കാം. ഈ മിശ്രിതം തലയോട്ടിയിലും മുടിയിഴകളിലും പുരട്ടാം. 15 മിനിറ്റിനു ശേഷം കഴുകി കളയാം.

ചെമ്പരത്തി വേപ്പില ഹെയർമാസ്ക്

ഒരു ടേബിൾസ്പൂൺ ചെമ്പരത്തി അരച്ചതിലേയ്ക്ക് ഒരു ടേബിൾസ്പൂൺ വേപ്പില ഉണക്കിപ്പൊടിച്ചതു ചേർക്കാം. ഇതിലേയ്ക്ക് ഒരു ടേബിൾസ്പൂൺ തൈര് ചേർത്തിളക്കി യോജിപ്പിക്കാം. ഈ മിശ്രിതം തലമുടിയിൽ പുരട്ടി 40 മിനിറ്റ് വിശ്രമിക്കുക. ശേഷം തണുത്ത വെള്ളത്തിൽ കഴുകി കളയാം.

ചെമ്പരത്തി കറ്റാർവാഴ മാസ്ക്

ഒരു ടേബിൾസ്പൂൺ ചെമ്പരത്തി അരച്ചതിലേയ്ക്ക് ഒരു ടേബിൾസ്പൂൺ കറ്റാർവാഴ ജെൽ ചേർത്തിളക്കി യോജിപ്പിക്കാം. ഈ മിശ്രിതം തലമുടയിൽ പുരട്ടാം. 15 മിനിറ്റിനു ശേഷം തണുത്ത വെള്ളത്തിൽ കഴുകി കളയാം.

ചെമ്പരത്തി നെല്ലിക്ക മാസ്ക്

ഒരു ടേബിൾസ്പൂൺ ചെമ്പരത്തി ഇല അരച്ചതിലേയ്ക്ക് രണ്ട് ടേബിൾസ്പൂൺ നെല്ലിക്കപ്പൊടി ചേർത്തിളക്കി കൊടുക്കാം. ഈ മിശ്രിതം തലമുടിയിൽ പുരട്ടി 10 മിനിറ്റ് വിശ്രമിക്കാം. ശേഷം കഴുകി കളയാം.

കറിവേപ്പില ചെമ്പരത്തി ഹെയർമാസ്ക്

ചെമ്പരത്തി അരച്ചത് ഒരു ടേബിൾസ്പൂണിലേയ്ക്ക് ഒരു ടേബിൾസ്പൂൺ കറിവേപ്പില അരച്ചതു കൂടി ചേർത്തിളക്കി യോജിപ്പിക്കാം. ഇത് തലമുടിയിൽ പുരട്ടി 15 മിനിറ്റിനു ശേഷം കഴുകി കളയാം.

ചെമ്പരത്തി ഉലുവ ഹെയർമാസ്ക്

ഒരു ടേബിൾസ്പൂൺ ചെമ്പരത്തി അരച്ചതിലേയ്ക്ക് ഒരു ടേബിൾസ്പൂൺ ഉലുവ പൊടിച്ചതു ചേർക്കാം. ഇത് നന്നായി ഇളക്കി യോജിപ്പിച്ച് തലയോട്ടിയിലും മുടിയിഴകളിലും പുരട്ടാം. 20 മിനിറ്റിനു ശേഷം കഴുകി കളയാം.