ഒരു മുറി നാരങ്ങ മതി, മുഖക്കുരുവും ചുളിവുകളും ഒറ്റ ഉപയോഗത്തിൽ നീക്കം ചെയ്യാം

ചർമ്മത്തിൻ്റെ ആരോഗ്യം നിലനിർത്താനും പാടുകൾ കളയാനും നിങ്ങൾ ആഗ്രഹിക്കുന്നുവെങ്കിൽ ശരിയായ ചർമ്മ പരിചരണ വിദ്യകൾ ശീലമാക്കണം. നിങ്ങളുടെ ചർമ്മത്തെ ആരോഗ്യകരവും തിളക്കമുള്ളതുമായി നിലനിർത്തുമെന്ന് വാഗ്ദാനം ചെയ്യുന്ന നിരവധി ഉൽപ്പന്നങ്ങൾ വിപണിയിൽ ലഭ്യമാണെങ്കിലും, നിങ്ങളുടെ ചർമ്മസംരക്ഷണ ദിനചര്യയുടെ ഭാഗമായി നിങ്ങൾ എപ്പോഴെങ്കിലും നാരങ്ങ പരീക്ഷിച്ചിട്ടുണ്ടോ? നാരങ്ങയുടെ ഗുണങ്ങളെക്കുറിച്ചും അതിന്റെ ആന്റിഓക്‌സിഡന്റ് ഗുണങ്ങളെക്കുറിച്ചും നമുക്കെല്ലാവർക്കും അറിയാം, പക്ഷേ ഇത് ചർമ്മത്തിനായി ഉപയോഗിക്കാം.

Also Read:തിളക്കമുള്ള ചർമ്മം ഒറ്റ ഉപയോഗത്തിൽ സ്വന്തമാക്കാം, ദിവസവും രാവിലെ ഇത് പുരട്ടി നോക്കൂ

ഫെയ്‌സ് സ്‌ക്രബ്

തണുത്ത പാലിലേയ്ക്ക് നാരങ്ങാനീരും ബദാം പൊടിച്ചതു ഓറഞ്ച് തൊലി പൊടിച്ചതും ഓട്‌സ് പൊടിച്ചതും ചേർത്തിളക്കി യോജിപ്പിക്കാം. ഈ മിശ്രിതം മുഖത്ത് പുരട്ടി മൃദുവായി മസാജ് ചെയ്യാം. 10 മിനിറ്റിനു ശേഷം തണുത്ത വെള്ളത്തിൽ കഴുകി കളയാം. 

ബ്ലീച്ച്

തക്കാളി നീരിലേയ്ക്ക്, നാരങ്ങ നീരും പാലും തുല്യ അളവിൽ ചേർത്തിളക്കി യോജിപ്പിക്കാം. ഈ മിശ്രിതം മുഖത്ത് പുരട്ടി 10 മിനിറ്റിനു ശേഷം തണുത്ത വെളഅളത്തിൽ കഴുകി കളയാം.

വരണ്ട ചർമ്മത്തിന്

മൂന്ന് ടീസ്പൂൺ നാരങ്ങീനീരിലേയ്ക്ക് ഒരു ടീസ്പൂൺ ചേർത്തിളക്കി യോജിപ്പിക്കാം. ഇത് മുഖത്തും കഴുത്തിലും പുരട്ടി 10 മിനിറ്റിനു ശേഷം തണുത്ത വെള്ളത്തിൽ കഴുകി കളയാം. 

Also Read:ദിവസവും കിടക്കുന്നതിനു മുമ്പ് കണ്ണിനടിയിൽ ഈ എണ്ണ പുരട്ടൂ, ഗുണങ്ങൾ ഏറെയാണ്

എണ്ണ മയമുള്ള ചർമ്മത്തിന്

അര ടീസ്പൂൺ മഞ്ഞൾപ്പൊടിയിലേയ്ക്ക് രണ്ട് ടീസ്പൂൺ നീരങ്ങ നീരും മൂന്ന് ടീസ്പൂൺ​ പപ്പായ പൾപ്പും ചേർത്തിളക്കി യോജിപ്പിക്കാം. തയ്യാറാക്കിയ മിശ്രിതം ചർമ്മത്തിൽ പുരട്ടാം. 20 മിനറ്റിനു ശേഷം തണുത്ത വെള്ളത്തിൽ കഴുകി കളയാം.

ചർമ്മത്തിലെ പാടുകൾക്ക്

ബദാം പൊടിച്ചതിലേയ്ക്ക് മുട്ടയും അര ടീസ്പൂൺ നാരങ്ങ നീരും ചേർത്തിളക്കി യോജിപ്പിക്കാം. തയ്യാറാക്കിയ മിശ്രിതം മുഖത്തു പുരട്ടി 20 മിനിറ്റിനു ശേഷം കഴുകി കളയാം. 

Also Read:മുഖത്തെ ചുളിവുകളും നേർത്ത വരകളും കുറയ്ക്കാം, ഒരു സ്പൂൺ വെളിച്ചെണ്ണ മതി

ചുളിവുകൾ കുറയ്ക്കാൻ

ഒരു ടീസ്പൂൺ തേനിലേയ്ക്ക് കുറച്ച് നാരങ്ങ നീരും ബദാം എണ്ണയും ചേർത്തിളക്കി യോജിപ്പിക്കാം. ഈ മിശ്രിതം മുഖത്ത് പുരട്ടി 20 മിനിറ്റിനു ശേഷം തണുത്ത വെള്ളത്തിൽ കഴുകി കളയാം. 

മുകളിലുള്ള ലേഖനം അറിവ് നൽകുന്നതിന് മാത്രമുള്ളതാണ്, പ്രൊഫഷണൽ മെഡിക്കൽ നിർദേശത്തിന് പകരമാകാൻ ഉദ്ദേശിച്ചുള്ളതല്ല. നിങ്ങളുടെ ആരോഗ്യത്തെക്കുറിച്ചോ ആരോഗ്യസ്ഥിതിയെക്കുറിച്ചോ ഉണ്ടായേക്കാവുന്ന എന്തെങ്കിലും ചോദ്യങ്ങൾക്ക് എല്ലായിപ്പോഴും നിങ്ങളുടെ ഡോക്ടറുടെയോ മറ്റ് യോഗ്യതയുള്ള ആരോഗ്യ പ്രൊഫഷണലിന്റെയോ മാർഗ്ഗനിർദ്ദേശം തേടുക.

Read More: മഞ്ഞൾപ്പൊടി കൈയ്യിലുണ്ടോ? എങ്കിൽ 30കളിലും ചർമ്മം തിളക്കമുള്ളതാക്കാൻ ഇതാ ഒരു പൊടിക്കൈ