ആഴ്ചയിൽ മൂന്നു ദിവസം ഈ ഫെയ്സ് മാസ്ക് പുരട്ടൂ, മുഖം വെട്ടിത്തിളങ്ങും

തിളക്കമുള്ള ചർമ്മം ആരും കൊതിക്കുന്നതാണ്. മുഖം തിളങ്ങാൻ സഹായിക്കുന്ന നിരവധി ഫെയ്സ് മാസ്ക്കുകളുണ്ട്. വീട്ടിൽ തന്നെ ലഭ്യമായ ചില ചേരുവകൾ കൊണ്ട് ഈ ഫെയ്സ്‌മാസ്ക്കുകൾ എളുപ്പത്തിൽ തയ്യാറാക്കാവുന്നതാണ്. പാചക വിദഗ്ധയും ബ്യൂട്ടി ബ്ലോഗറുമായ ലക്ഷ്മി നായർ മുഖം തിളങ്ങാൻ സഹായിക്കുന്നൊരു ഫെയ്സ് മാസ്ക്കിനെക്കുറിച്ച് പങ്കുവച്ചിട്ടുണ്ട്.

വെറും രണ്ടു ചേരുവകളാണ് ഈ ഫെയ്സ് മാസ്ക് തയ്യാറാക്കാൻ ആവശ്യമായിട്ടുള്ളത്. ബാർലി പൗഡറും തൈരും ഉപയോഗിച്ചാണ് ഈ ഫെയ്സ് മാസ്ക് തയ്യാറാക്കുന്നത്. മുഖത്തെ ചെറിയ മുറിവുകളോ മറ്റെന്തെങ്കിലും കേടുപാടുകളോ ഒക്കെ അകറ്റാൻ ബാർലി പൗഡർ സഹായിക്കും. മുഖക്കുരു പാടുകൾ, ബ്ലാക്ക് സ്പോട്സ് ഇവയൊക്കെ മങ്ങാൻ ഈ ഫെയ്സ് മാസ്ക് സഹായിക്കും. 

ബാർലിയിൽ സിങ്ക് നിറയെ അടങ്ങിയിട്ടുണ്ട്. ഇത് ചർമ്മത്തെ ആരോഗ്യകരമാക്കി മാറ്റി തരും. സെലിനിയവും ധാരാളം അടങ്ങിയിട്ടുണ്ട്. ഇത് ചർമ്മത്തിന്റെ ഇലാസ്റ്റിസിറ്റി മെച്ചപ്പെടുത്തും. ഫ്രീറാഡിക്കലുകൾ മൂലമുണ്ടാകുന്ന ചർമ്മത്തിലെ കേടുപാടുകൾ പരിഹരിക്കും. മുഖത്തെ മങ്ങൽ, കരുവാളിപ്പ് ഒക്കെ മാറി ചർമ്മത്തെ തിളക്കമുള്ളതാക്കാൻ ബാർലി പൗഡർ ഫെയ്സ് മാസ്ക് സഹായിക്കുമെന്ന് ലക്ഷ്മി നായർ പറഞ്ഞു.

തയ്യാറാക്കുന്ന വിധം

ഒരു ടേബിൾസ്പൂൺ ബാർലി പൗഡർ ഒരു ബൗളിൽ എടുക്കുക. ഇതിലേക്ക് ആവശ്യത്തിന് തൈര് ചേർത്ത് പേസ്റ്റ് രൂപത്തിലാക്കുക. മുഖത്തും കഴുത്തിലും പുരട്ടി 15 മിനിറ്റിനുശേഷം കഴുകി കളയുക. ആഴ്ചയിൽ മൂന്നു തവണയെങ്കിലും ചെയ്യു. ചർമ്മത്തിലെ അഴുക്കുകൾ നീക്കി മുഖത്തെ തിളക്കം വർധിപ്പിക്കാൻ ഈ ഫെയ്സ് മാസ്ക് സഹായിക്കും. 

Read More

• മുഖം തിളങ്ങണോ? കോഫി പൗഡറും അരിപ്പൊടിയും തക്കാളിയും കൊണ്ടൊരു പാക്ക്
• മുഖക്കുരു, കാര എന്നിവ പമ്പകടക്കും, വീട്ടിൽ തയ്യാറാക്കിയ ഈ ക്രീം പുരട്ടൂ
• വേനൽ ചൂടില്‍ ചര്‍മ്മത്തെ സംരക്ഷിക്കാൻ തണ്ണിമത്തൻ സ്ട്രോബെറി സ്മൂത്തി
• മുടികൊഴിച്ചില്‍ തടയാം, വീട്ടില്‍ തയ്യാറാക്കാവുന്ന ഈ ഹെയർമാസ്‌ക് പുരട്ടൂ