മുഖം തിളങ്ങണോ? കോഫി പൗഡറും അരിപ്പൊടിയും തക്കാളിയും കൊണ്ടൊരു പാക്ക്

ചർമ്മത്തിനും മുഖത്തിനും തിളക്കം കൂട്ടാൻ പ്രകൃതിദത്തമായ രീതിയിൽ ചെയ്യാവുന്ന നിരവധി കാര്യങ്ങളുണ്ട്. വിപണിയിൽ ലഭ്യമായ വില കൂടിയ ഉൽപ്പന്നങ്ങൾക്കു പുറമേ പോകാതെ, എളുപ്പത്തിൽ വീട്ടിൽതന്നെ ലഭ്യമായ ചില ചേരുവകൾ കൊണ്ട് മുഖസൗന്ദര്യ വർധിപ്പിക്കാം. ചർമ്മത്തിനും മുഖത്തിനും തിളക്കം കൂട്ടാൻ കോഫി പൗഡറും അരിപ്പൊടിയും തക്കാളിയും കൊണ്ടുള്ള പാക്ക് സഹായിക്കും. 

ആന്റിഓക്‌സിഡന്റുകളാൽ സമ്പന്നമായ കോഫി, അകാല വാർധക്യത്തിനും ചർമ്മത്തിലെ കേടുപാടുകൾക്കും കാരണമാകുന്ന ഫ്രീ റാഡിക്കലുകളെ ചെറുക്കാൻ സഹായിക്കുന്നു. ചർമ്മത്തിലെ മൃതകോശങ്ങളെ ഇല്ലാതാക്കുകയും ചർമ്മത്തിന് തിളക്കം നൽകുകയും ചെയ്യും.

വിറ്റാമിൻ എ, സി, ഇ എന്നിവയും ലൈക്കോപീൻ പോലുള്ള ആന്റിഓക്‌സിഡന്റുകളും അടങ്ങിയ തക്കാളി കൊളാജൻ ഉൽപാദനം പ്രോത്സാഹിപ്പിക്കുന്നു. ഇവയുടെ സ്വാഭാവിക അസിഡിറ്റി ചർമ്മത്തിന്റെ പിഎച്ച് അളവ് സന്തുലിതമാക്കുന്നതിനും ചർമ്മത്തിലെ അധിക എണ്ണ കുറയ്ക്കുന്നതിനും സഹായിക്കുന്നു. 

അരിപ്പൊടി ചർമ്മത്തിലെ മൃതകോശങ്ങളെയും മാലിന്യങ്ങളെയും ഫലപ്രദമായി നീക്കം ചെയ്യുകയും മിനുസമാർന്നതും കൂടുതൽ തിളക്കമുള്ളതുമായ ചർമ്മം നൽകുകയും ചെയ്യുന്നു.

ചേരുവകൾ

• കോഫി പൗഡർ- 1 ടേബിൾസ്പൂൺ
• തക്കാളി നീര്- 1 ടേബിൾസ്പൂൺ
• അരിപ്പൊടി- 1 ടേബിൾസ്പൂൺ

തയ്യാറാക്കുന്ന വിധം

ഒരു ബൗളിലേക്ക് കോഫി പൗഡറും തക്കാളി നീരും അരിപ്പൊടിയും എടുത്ത് നന്നായി മിക്സ് ചെയ്യുക. പേസ്റ്റ് രൂപത്തിലാകുമ്പോൾ മുഖത്തും കഴുത്തിലും പുരട്ടുക. 15-20 മിനിറ്റിനുശേഷം കഴുകി കളയുക. അതിനുശേഷം ഇഷ്ടപ്പെട്ട ഒരു മോയിസ്ച്യുറൈസർ പുരട്ടുക. 

Read More

• മുഖക്കുരു, കാര എന്നിവ പമ്പകടക്കും, വീട്ടിൽ തയ്യാറാക്കിയ ഈ ക്രീം പുരട്ടൂ
• മുഖത്തിന്റെ തിളക്കം കൂട്ടാം, ദിവസവും ഇവ കഴിക്കൂ
• വേനൽ ചൂടില്‍ ചര്‍മ്മത്തെ സംരക്ഷിക്കാൻ തണ്ണിമത്തൻ സ്ട്രോബെറി സ്മൂത്തി
• മുടികൊഴിച്ചില്‍ തടയാം, വീട്ടില്‍ തയ്യാറാക്കാവുന്ന ഈ ഹെയർമാസ്‌ക് പുരട്ടൂ