സച്ചിനാണോ കോഹ്ലിയാണോ GOAT; ടെണ്ടുൽക്കറുടെ പുതിയ ചിത്രങ്ങൾ വൈറൽ

കുടുംബ സമേതം ജമ്മു കശ്മീരിൽ അവധിക്കാലം ആഘോഷിക്കുന്ന സച്ചിൻ ടെണ്ടുൽക്കറുടെ പുതിയ ചിത്രങ്ങൾ വൈറലാകുന്നു. കശ്മീരിലെ ചെമ്മരിയാടിനൊപ്പം സച്ചിൻ നിൽക്കുന്ന ചിത്രമാണ് ഇതിലേറ്റവും കൂടുതൽ ശ്രദ്ധേയമായത്. GOAT with KOHLI, Legend and GOAT തുടങ്ങിയ തലക്കെട്ടിലാണ് ചിത്രം പലരും സമൂഹമാദ്ധ്യമങ്ങളിൽ പങ്കുവയ്ക്കുന്നത്. GOAT അഥവാ ഗ്രേറ്റസ്റ്റ് ഓഫ് ഓൾ ടൈം എന്ന അർത്ഥത്തിലാണ് പലരും ആട്ടിൻകുട്ടിയെ എടുക്കുന്നത്.

ക്രിക്കറ്റിലെ എക്കാലത്തേയും മികച്ച താരങ്ങളിലൊരാളാണ് സച്ചിൻ ടെണ്ടുൽക്കർ. കഴിഞ്ഞ ഏതാനും ആഴ്ചകളായി താരം ജമ്മു കശ്മീരിലുണ്ട്. ഭാര്യ അഞ്ജലിക്കും മകൾ സാറയ്ക്കുമൊപ്പമാണ് ലിറ്റിൽ മാസ്റ്റർ ഭൂമിയിലെ സ്വർഗ്ഗമെന്ന് അറിയപ്പെടുന്ന കശ്മീരിലേക്കെത്തിയത്. മകൻ അർജ്ജുൻ രഞ്ജി ട്രോഫി മത്സരങ്ങളുടെ തിരക്കിലായതിനാൽ കൂടെയില്ല.

Hamara ‘pehla’ snowfall in Pahalgam! ❄️ pic.twitter.com/P2J3DmdBir

— Sachin Tendulkar (@sachin_rt) February 23, 2024

കഴിഞ്ഞ ദിവസം സച്ചിൻ കശ്മീരിലെ റോഡിൽ പ്രദേശവാസികൾക്കൊപ്പം ക്രിക്കറ്റ് കളിക്കുന്ന വീഡിയോയും ഫോട്ടോകളും സോഷ്യൽ മീഡിയയിൽ വൈറലായിരുന്നു. കാർഡ് ബോർഡ് പെട്ടിയും ഒഴിഞ്ഞ എഞ്ചിൻ ഓയിൽ കാനും സ്റ്റമ്പിന്റെ സ്ഥാനത്ത് വച്ചാണ് ഇന്ത്യൻ ലെജൻഡ് ക്രിക്കറ്റ് കളിക്കുന്നത്. മേഘാവൃതമായ കശ്മീരി താഴ്വരകളുടെ പശ്ചാത്തലത്തിലാണ് സച്ചിൻ ക്രിക്കറ്റ് കളിക്കുന്നത്. നാട്ടുകാരായ യുവാക്കളും കുട്ടികളും സൈനികരും സച്ചിന്റെ ബാറ്റിങ് ആവേശത്തോടെയാണ് കണ്ടുനിൽക്കുന്നത്.

സച്ചിൻ ബാറ്റ് ചെയ്യുമ്പോൾ പന്തെറിയാനും ഫീൽഡ് ചെയ്യാനും നിരവധിപേരാണ് തിരക്ക് കൂട്ടുന്നത്. കൂറേ നേരം ആസ്വദിച്ച് ബാറ്റ് ചെയ്ത ശേഷമാണ് സച്ചിൻ എല്ലാവരോടും യാത്ര പറഞ്ഞ് മടങ്ങുന്നത്. ഭാര്യ അഞ്ജലിക്കും മകൾ സാറയ്ക്കുമൊപ്പം പുൽവാമ ജില്ലയിലെ കശ്മീരി വില്ലോ ബാറ്റ് നിർമ്മാണ യൂണിറ്റിലെത്തിയ സച്ചിന്റെ ചിത്രങ്ങളും സോഷ്യൽ മീഡിയയിൽ വൈറലായി.

പുൽവാമയിലെ ബാറ്റ് നിർമ്മാണ ഫാക്ടറിയായ എം.ജെ സ്പോർട്സിൽ ഭാര്യ അഞ്ജലിക്കും മകൾ സാറ ടെണ്ടുൽക്കറിനുമൊപ്പമാണ് സച്ചിൻ ഫോട്ടോയ്ക്ക് പോസ് ചെയ്തത്. 

Cricket & Kashmir: A MATCH in HEAVEN! pic.twitter.com/rAG9z5tkJV

— Sachin Tendulkar (@sachin_rt) February 22, 2024

Read More Trending Stories Here

• സെൽഫി എടുത്തു, സ്റ്റാറ്റസ് വയ്ക്കാൻ യോഗം ഉണ്ടായില്ല; സിംഹത്തിന്റെ കൂട്ടിലേക്ക് ചാടിയ യുവാവിന് ദാരുണാന്ത്യം
• അമ്പോ, ഇന്ദിരാമ്മ പൊളിച്ച്; 82 വയസ്സിലെ അഡാർ വർക്ക് ഔട്ട്, വീഡിയോ
• കിടിലം മീൻ വിഭവങ്ങൾ, കുടുംബമായി പോകാം, പോക്കറ്റ് കീറില്ല; സർക്കാരിന്റെ ന്യായ വില മീൻ ഹോട്ടൽ
• ആറു വരിയിലും നിവരാത്ത NH66 ദേശീയപാതയോ; കൊടും വളവുകളുടെ ആകാശദൃശ്യങ്ങൾ കാണാം