ലിപ്സ്റ്റിക്കും ബാമും പ്രത്യേകം വാങ്ങേണ്ട, വെളിച്ചെണ്ണയും ബീറ്റ്റൂട്ടും മതി

വളരെ നേർത്ത ചർമ്മം ആയതിനാൽ അതീവ ശ്രദ്ധയോടെ വേണം ചുണ്ടുകൾക്ക് പരിചരണം നൽകാൻ. വാസ്ലിൻ, ലിപ്ബാം എന്നിവയൊക്കെ സ്ഥിരമായി ഉപയോഗിക്കുന്നതിലൂടെ ഒരു പരിധി വരെ താൽക്കാലികമായി ചുണ്ടിലെ വിണ്ടു കീറൽ തടയാൻ സാധിക്കും. എന്നാൽ കടയിൽ നിന്നും വാങ്ങുന്ന ലിപ് ബാമുകളിൽ അടങ്ങിയിരിക്കുന്ന രാസ വസ്തുക്കൾ പ്രതികൂല ഫലങ്ങൾ നൽകിയേക്കാം. അതിനുള്ള മികച്ച പ്രതിവിധിയാണ് ഓർഗാനിക് ആയിട്ടുള്ള ഉത്പന്നങ്ങൾ. അതും വീട്ടിൽ  തന്നെ തയ്യാറാക്കാൻ സാധിക്കുമെങ്കിൽ പിന്നെ ടെൻഷൻ വേണ്ട. കറി തയ്യാറാക്കി ബാക്കി വന്ന ബീറ്റ്റൂട്ട് പുറത്തെടുത്തോളൂ, ലിപ് ബാം ഉണ്ടാക്കി നോക്കാം.

Also Read:ദിവസവും കിടക്കുന്നതിനു മുമ്പ് കണ്ണിനടിയിൽ ഈ എണ്ണ പുരട്ടൂ, ഗുണങ്ങൾ ഏറെയാണ്

ചേരുവകൾ

• ബീറ്റ്റൂട്ട്
• വെളിച്ചെണ്ണ

Also Read:മുഖത്തെ ചുളിവുകളും നേർത്ത വരകളും കുറയ്ക്കാം, ഒരു സ്പൂൺ വെളിച്ചെണ്ണ മതി

തയ്യാറാക്കുന്ന വിധം

• നന്നായി കഴുകിയ ബീറ്റ്റൂട്ട് ചെറിയ കഷ്ണങ്ങളായി അരിഞ്ഞെടുക്കാം.
• ശേഷം അത് വെള്ളം ചേർക്കാതെ അരച്ച് നീര് പിഴിഞ്ഞെടുക്കാം.
• ഒരു സ്പൂൺ ബീറ്റ്റൂട്ട് നീരിന് ഒരു സ്പൂൺ വെളിച്ചെണ്ണ എന്ന അളവിൽ ചേർത്തിളക്കി യോജിപ്പിക്കുക
• അത് ഈർപ്പമില്ലാത്ത ഒരു പാത്രത്തിലേക്കു മാറ്റി ഫ്രിഡ്‌ജിൽ സൂക്ഷിക്കാം.
• മിശ്രിതം കട്ടിയായി കഴിഞ്ഞാൽ പുറത്തെടുത്ത് ആവശ്യാനുസരണം ഉപയോഗിക്കാം.
• പ്രകൃതി ദത്ത ചേരുവകളായതിനാൽ പെട്ടെന്ന് കേടാകാനുള്ള സാധ്യതയുണ്ട്. അതിനാൽ ദിവസേന ഉപയോഗിക്കുന്നില്ല എങ്കിൽ ഫ്രിഡ്ജിൽ സൂക്ഷിക്കുന്നതാണ് നല്ലത്.

Also Read:തിളക്കമുള്ള ചർമ്മം ഒറ്റ ഉപയോഗത്തിൽ സ്വന്തമാക്കാം, ദിവസവും രാവിലെ ഇത് പുരട്ടി നോക്കൂ

ഗുണങ്ങൾ

ബീറ്റ്റൂട്ടിൽ ബീറ്റൈൻ എന്ന സംയുക്തം അടങ്ങിയിട്ടുണ്ട്. ഇതിന് ധാരാളം ആൻ്റി ഇൻഫ്ലമേറ്ററി സവിശേഷതകളുണ്ട്. ചുവപ്പ്, കറുത്ത പാടുകൾ എന്നിവയ്ക്ക് എതിരെ ഇത് പ്രവർത്തിക്കുന്നു. വെളിച്ചെണ്ണ ചുണ്ടുകൾ വരണ്ടു പോകുന്നതു തടയുന്നു. ദിവസവും രാത്രി കിടക്കുന്നതിനു മുമ്പ് ഇത് പുരട്ടുന്നത് ഏറെ ഗുണകരമാണ്.

മുകളിലുള്ള ലേഖനം അറിവ് നൽകുന്നതിന് മാത്രമുള്ളതാണ്, പ്രൊഫഷണൽ മെഡിക്കൽ നിർദേശത്തിന് പകരമാകാൻ ഉദ്ദേശിച്ചുള്ളതല്ല. നിങ്ങളുടെ ആരോഗ്യത്തെക്കുറിച്ചോ ആരോഗ്യസ്ഥിതിയെക്കുറിച്ചോ ഉണ്ടായേക്കാവുന്ന എന്തെങ്കിലും ചോദ്യങ്ങൾക്ക് എല്ലായിപ്പോഴും നിങ്ങളുടെ ഡോക്ടറുടെയോ മറ്റ് യോഗ്യതയുള്ള ആരോഗ്യ പ്രൊഫഷണലിന്റെയോ മാർഗ്ഗനിർദ്ദേശം തേടുക.

Read More:മഞ്ഞൾപ്പൊടി കൈയ്യിലുണ്ടോ? എങ്കിൽ 30കളിലും ചർമ്മം തിളക്കമുള്ളതാക്കാൻ ഇതാ ഒരു പൊടിക്കൈ