മുഖത്ത് പുരട്ടാൻ കെമിക്കൽ ബ്ലീച്ച് ഇനി വേണ്ട; സൗന്ദര്യ രഹസ്യം നിങ്ങളുടെ അടുക്കളയിലുണ്ട്

ചർമ്മത്തിന് പെട്ടെന്ന് ഒരു തിളക്കം ലഭിക്കാൻ പലരും ബ്ലീച്ച് ചെയ്യാറുണ്ട്. എന്നാൽ കടകളിൽ നിന്ന് വാങ്ങുന്ന ബ്ലീച്ചിംഗ് ക്രീമുകളിൽ രാസവസ്തുക്കൾ അടങ്ങിയിട്ടുള്ളതിനാൽ ചർമ്മത്തിന് ദോഷകരമായേക്കാം. വീട്ടിൽ തന്നെ ലഭ്യമായ തൈരും മറ്റ് പ്രകൃതിദത്ത ചേരുവകളും ഉപയോഗിച്ച് ഒരു ബ്ലീച്ച് ഉണ്ടാക്കിയാലോ? ഇത് ചർമ്മത്തിന് തിളക്കം നൽകുക മാത്രമല്ല, പ്രകൃതിദത്തമായ പോഷണങ്ങളും നൽകും.

Also Read: കറ്റാർവാഴ ജെൽ ഉപയോഗിക്കുന്നവരാണോ? ഈ 5 പാർശ്വഫലങ്ങൾ അറിയാതെ പോകരുത്

ചേരുവകൾ

• തൈര്- 2 ടേബിൾസ്പൂൺ
• കടലമാവ്- 1 ടേബിൾസ്പൂൺ
• മഞ്ഞൾപ്പൊടി- 1/4 ടീസ്പൂൺ
• നാരങ്ങാനീര്- 1/2 ടീസ്പൂൺ 

Also Read: മേക്കപ്പ് നീക്കം ചെയ്യാം ചർമ്മം മൃദുവാക്കാം, ഇനി ഫെയ്സ് വാഷ് ഉപയോഗിക്കുന്നതിനു മുമ്പ് ഇത് ഒരു സ്പൂൺ പുരട്ടൂ

തയ്യാറാക്കുന്ന വിധം 

• ഒരു ചെറിയ പാത്രത്തിൽ തൈര്, കടലമാവ്, മഞ്ഞൾപ്പൊടി, നാരങ്ങാനീര് എന്നിവ ഒരുമിച്ച് ചേർക്കാം. ഈ ചേരുവകൾ കട്ടയില്ലാതെ നന്നായി യോജിപ്പിക്കാം. ആവശ്യമെങ്കിൽ അൽപം കൂടി തൈര് ചേർക്കാം.
• മുഖവും കഴുത്തും നന്നായി കഴുകി വൃത്തിയാക്കാം. ശേഷം തയ്യാറാക്കിയ മിശ്രിതം പുരട്ടാം.
• ഇത് ഏകദേശം 15 മുതൽ 20 മിനിറ്റ് വരെ ഉണങ്ങാൻ അനുവദിക്കാം. പൂർണ്ണമായി ഉണങ്ങേണ്ട ആവശ്യമില്ല.
• ഉണങ്ങിയ ശേഷം അൽപം വെള്ളം നനച്ച് വൃത്താകൃതിയിൽ മസാജ് ചെയ്തുകൊണ്ട് കഴുകി കളയാം. തണുത്ത വെള്ളത്തിൽ കഴുകുന്നത് ചർമ്മത്തിലെ സുഷിരങ്ങൾ അടയ്ക്കാൻ സഹായിക്കും.

Also Read: 30കളിലും ചർമ്മം മങ്ങില്ല, മുഖകാന്തി വർധിപ്പിക്കാൻ ഇതാ ഒരു രഹസ്യക്കൂട്ട്

ഗുണങ്ങൾ

• തൈരിലെ ലാക്ടിക് ആസിഡ് ഒരു സ്വാഭാവിക ബ്ലീച്ചിംഗ് ഏജന്റായി പ്രവർത്തിക്കുകയും ചർമ്മത്തിലെ മൃതകോശങ്ങളെ നീക്കം ചെയ്ത് തിളക്കം നൽകുകയും ചെയ്യുന്നു.
• മഞ്ഞൾപ്പൊടി ചർമ്മത്തിൻ്റെ നിറം വർധിപ്പിക്കാൻ സഹായിക്കുന്നു.
• കടലമാവ് ചർമ്മത്തിലെ എണ്ണമയം നിയന്ത്രിക്കുകയും പാടുകൾ കുറയ്ക്കാൻ സഹായിക്കുകയും ചെയ്യുന്നു.
• രാസവസ്തുക്കൾ ഇല്ലാത്തതുകൊണ്ട് ചർമ്മത്തിന് ദോഷകരമാവില്ല.
• തൈര് ചർമ്മത്തിന് ഈർപ്പം നൽകി മൃദുവാക്കുന്നു.
• ആഴ്ചയിൽ ഒന്നോ രണ്ടോ തവണ ഈ ബ്ലീച്ച് ഉപയോഗിക്കുന്നത് ചർമ്മത്തിന് ആരോഗ്യവും സൗന്ദര്യവും നൽകും.

മുകളിലുള്ള ലേഖനം അറിവ് നൽകുന്നതിന് മാത്രമുള്ളതാണ്, പ്രൊഫഷണൽ മെഡിക്കൽ നിർദേശത്തിന് പകരമാകാൻ ഉദ്ദേശിച്ചുള്ളതല്ല. നിങ്ങളുടെ ആരോഗ്യത്തെക്കുറിച്ചോ ആരോഗ്യസ്ഥിതിയെക്കുറിച്ചോ ഉണ്ടായേക്കാവുന്ന എന്തെങ്കിലും ചോദ്യങ്ങൾക്ക് എല്ലായിപ്പോഴും നിങ്ങളുടെ ഡോക്ടറുടെയോ മറ്റ് യോഗ്യതയുള്ള ആരോഗ്യ പ്രൊഫഷണലിന്റെയോ മാർഗ്ഗനിർദ്ദേശം തേടുക.

Read More: സൺടാൻ അകറ്റാൻ ഒരു അടിപൊളി ഫെയ്സ് പാക്ക്, ദിവസവും ഉപയോഗിക്കൂ