സൺടാൻ അകറ്റാൻ ഒരു അടിപൊളി ഫെയ്സ് പാക്ക്, ദിവസവും ഉപയോഗിക്കൂ

വേനൽക്കാലത്തും അല്ലാതെയും വെയിൽ കൊള്ളുമ്പോൾ ചർമ്മത്തിൽ ടാൻ ഉണ്ടാകുന്നത് സാധാരണമാണ്. ഇത് നമ്മുടെ ചർമ്മത്തിന്റെ നിറം മങ്ങാനും ആകർഷണം കുറയ്ക്കാനും കാരണമാകും. ഇത്തരം ടാൻ നീക്കം ചെയ്യാനുള്ള മികച്ചതും പ്രകൃതിദത്തവുമായ ഒരു വഴിയാണ് പഴം ചേർത്ത ഫേസ് സ്ക്രബ്ബ് ഉപയോഗിക്കുന്നത്.

Also Read: ഒരു സ്പൂൺ പാൽ മതി, മുഖം പട്ടു പോലെ തിളങ്ങും

പഴത്തിൽ വൈറ്റമിൻ സി, എ, ബി6, പൊട്ടാസ്യം എന്നിവ ധാരാളമായി അടങ്ങിയിരിക്കുന്നു. വൈറ്റമിൻ സി ചർമ്മത്തിന് തിളക്കം നൽകാനും കറുത്ത പാടുകൾ മങ്ങിക്കാനും സഹായിക്കുമ്പോൾ പൊട്ടാസ്യം ചർമ്മത്തെ ഈർപ്പമുള്ളതാക്കുന്നു. ഇതിലെ ആന്റിഓക്‌സിഡന്റുകൾ ചർമ്മത്തെ ഫ്രീ റാഡിക്കലുകളിൽ നിന്ന് സംരക്ഷിക്കുകയും വാർധക്യത്തെ ചെറുക്കുകയും ചെയ്യുന്നു.

Also Read: മുഖക്കുരുവിന് വിട പറയാം, ഫലപ്രദമായ ഈ അഞ്ച് നുറുങ്ങു വിദ്യകൾ ട്രൈ ചെയ്യൂ

ചേരുവകൾ

• പഴം- 1
• തൈര്/പാൽ- 2 ടേബിൾസ്പൂൺ
• പഞ്ചസാര അല്ലെങ്കിൽ അരിപ്പൊടി- 1 ടേബിൾസ്പൂൺ

തയ്യാറാക്കുന്ന വിധം

ഒരു പാത്രത്തിൽ പഴം നന്നായി ഉടച്ചെടുക്കാം. അതിലേക്ക് തൈരോ പാലോ ഒഴിക്കാം. ശേഷം അൽപം അരിപ്പൊടി ഇതിലേയ്ക്കു ചേർത്തിളക്കി യോജിപ്പിക്കാം.

Also Read: കൈകളിലും കാലിലുമുള്ള ടാൻ അകറ്റാൻ ഇതൊരു തവണ പുരട്ടി നോക്കൂ

ഉപയോഗിക്കേണ്ട വിധം

മുഖം കഴുകി വൃത്തിയാക്കിയ ശേഷം ഈ സ്ക്രബ്ബ് മുഖത്തും കഴുത്തിലും പുരട്ടാം. വിരലുകൾ കൊണ്ട് വളരെ മൃദുവായി മസാജ് ചെയ്യാം. ഇത് ചർമ്മത്തിലെ മൃത കോശങ്ങളെയും ടാനിനെയും നീക്കം ചെയ്യാൻ സഹായിക്കും. 5 മുതൽ 10 മിനിറ്റ് നേരം സ്ക്രബ്ബ് ചെയ്ത ശേഷം തണുത്ത വെള്ളത്തിൽ കഴുകി കളയാം. ആഴ്ചയിൽ ഒന്നോ രണ്ടോ തവണ ഈ സ്ക്രബ്ബ് ഉപയോഗിക്കുന്നത് ചർമ്മത്തിന് തിളക്കവും മൃദുത്വവും നൽകാൻ സഹായിക്കും.

മുകളിലുള്ള ലേഖനം അറിവ് നൽകുന്നതിന് മാത്രമുള്ളതാണ്, പ്രൊഫഷണൽ മെഡിക്കൽ നിർദേശത്തിന് പകരമാകാൻ ഉദ്ദേശിച്ചുള്ളതല്ല. നിങ്ങളുടെ ആരോഗ്യത്തെക്കുറിച്ചോ ആരോഗ്യസ്ഥിതിയെക്കുറിച്ചോ ഉണ്ടായേക്കാവുന്ന എന്തെങ്കിലും ചോദ്യങ്ങൾക്ക് എല്ലായിപ്പോഴും നിങ്ങളുടെ ഡോക്ടറുടെയോ മറ്റ് യോഗ്യതയുള്ള ആരോഗ്യ പ്രൊഫഷണലിന്റെയോ മാർഗ്ഗനിർദ്ദേശം തേടുക.

Read More: 30കളിലും ചർമ്മം മങ്ങില്ല, മുഖകാന്തി വർധിപ്പിക്കാൻ ഇതാ ഒരു രഹസ്യക്കൂട്ട്