കൈകളിലും കാലിലുമുള്ള ടാൻ അകറ്റാൻ ഇതൊരു തവണ പുരട്ടി നോക്കൂ

ശരീരത്തിൽ സൂര്യപ്രകാശം ഏറ്റവും കൂടുതൽ ബാധിക്കുന്ന ഭാഗങ്ങൾ മുഖം, കൈകൾ, കാലുകൾ എന്നിവയാണ്. നമ്മൾ മുഖത്തിന് കൂടുതൽ പരിചരണം നൽകുന്നതിനാൽ പലപ്പോഴും മൃതകോശങ്ങൾ അകറ്റാൻ എളുപ്പമാണ്. എന്നാൽ നമ്മൾ നമ്മുടെ കൈകൾക്കും കാലുകൾക്കും അധികം ശ്രദ്ധ നൽകാത്തതിനാൽ ടാനേറ്റ് കരുവാളിച്ച ചർമ്മം കാണാൻ സാധിക്കും. 

വീട്ടിൽ സ്ഥിരമായി ഉപയോഗിക്കുന്ന ചേരുവകൾ പ്രയോജനപ്പടുത്തിയാൽ ടാൻ അകറ്റാനുള്ള മികച്ച സ്ക്രബ് തയ്യാറാക്കാൻ സാധിക്കും.

Also Read: ഒരു സ്പൂൺ പാൽ മതി, മുഖം പട്ടു പോലെ തിളങ്ങും

ഉരുളക്കിഴങ്ങും നാരങ്ങാനീരും

ഒരു പാത്രത്തിൽ ഉരുളക്കിഴങ്ങ് പൾപ്പും അല്പം നാരങ്ങാനീരും ചേർത്ത് നന്നായി യോജിപ്പിച്ചെടുക്കാം. തുടർന്ന് ഈ മിശ്രിതം കൈകളിലും കാലുകളിലും പുരട്ടി 15-20 മിനിറ്റ് വിശ്രമിക്കാം. ശേഷം തണുത്ത വെള്ളത്തിൽ കൈകളും കാലുകളും കഴുകാം. ആഴ്ചയിൽ രണ്ടുതവണ ഇത് ചെയ്താൽ, നിങ്ങളുടെ കൈകളിലെയും കാലുകളിലെയും ടാൻ കുറയുകയും ചർമ്മം തിളക്കമുള്ളതും മികച്ചതുമായി മാറുകയും ചെയ്യും.

ഓട്സ്, നാരങ്ങാനീര്, തൈര്

ഒരു പാത്രത്തിൽ ഓട്സ് പൊടി എടുത്ത്, അതിൽ കുറച്ച് നാരങ്ങാനീരും തൈരും ചേർത്ത് നന്നായി ഇളക്കി യോജിപ്പിക്കാം. ഈ മിശ്രിതം കൈകളിലും കാലുകളിലും പുരട്ടി 10-15 മിനിറ്റ് വിശ്രമിക്കാം. ശേഷം മൃദുവായി മസാജ് ചെയ്ത് തണുത്ത വെള്ളത്തിൽ കഴുകാം. വെള്ളം തുടച്ചതിനു ശേഷം സ്ഥിരമായി ഉപയോഗിക്കുന്ന മോയ്സ്ച്യുറൈസർ പുരട്ടാം. ആഴ്ചയിൽ ഒരിക്കൽ ഇത് ചെയ്താൽ, കൈകളിലെയും കാലുകളിലെയും മൃതകോശങ്ങൾ നീക്കം ചെയ്യപ്പെടുകയും ചർമ്മം തിളക്കമുള്ളതും മനോഹരവുമാകും.

Also Read: മുഖക്കുരുവിന് വിട പറയാം, ഫലപ്രദമായ ഈ അഞ്ച് നുറുങ്ങു വിദ്യകൾ ട്രൈ ചെയ്യൂ

തക്കാളി

ഒരു പഴുത്ത തക്കാളി എടുത്ത് കഷണങ്ങളാക്കി മുറിക്കാം. അതിൽ ഒരു കഷണം തക്കാളി എടുത്ത് വശത്ത് പഞ്ചസാര പുരട്ടി കൈകളിലും കാലുകളിലും അൽപനേരം മൃദുവായി സ്ക്രബ് ചെയ്യാം. 30 മിനിറ്റിനു ശേഷം തണുത്ത വെള്ളത്തിൽ കഴുകി കളയാം.

Also Read: മുഖക്കുരുവിന് വിട പറയാം, ഫലപ്രദമായ ഈ അഞ്ച് നുറുങ്ങു വിദ്യകൾ ട്രൈ ചെയ്യൂ

പാൽപാട, ഓറഞ്ച്, ചന്ദനപ്പൊടി

ഒരു പാത്രത്തിൽ പാൽപാട, ഓറഞ്ച് പൊടി, ചന്ദനപ്പൊടി എന്നിവ ചേർത്ത് മിശ്രിതമാക്കാം.  ശേഷം ഇത് കൈയ്യിലും കാലിലും പുരട്ടി 30 മിനിറ്റ് വിശ്രമിക്കാം. ഉണങ്ങിയതിനു ശേഷം തണുത്ത വെള്ളത്തിൽ കഴുകി കളയാം. 

കോൺസ്റ്റാർച്ച്, മഞ്ഞൾ, തേൻ

1 ടേബിൾസ്പൂൺ കോൺസ്റ്റാർച്ചിലേയ്ക്ക്, 1 ടീസ്പൂൺ മഞ്ഞൾപ്പൊടി, 1 ടീസ്പൂൺ തേൻ എന്നിവ ചേർത്തിളക്കി യോജിപ്പിക്കാം. ഇത് കൈയ്യിലും കാലിലും പുരട്ടി വിശ്രമിക്കാം. ഉണങ്ങിയതിനു ശേഷം തണുത്ത വെള്ളത്തിൽ കഴുകി കളയാം. 

Also Read: വെയിലേറ്റ് കരുവാളിച്ച മുഖം ഞൊടിയിടയിൽ തിളക്കമുള്ളതാക്കാം, ഒരു മുറി തക്കാളി മതി

ഈ പ്രകൃതിദത്ത രീതികൾ പതിവായി ഉപയോഗിക്കുന്നതിലൂടെ, നിങ്ങളുടെ കൈകളിലെയും കാലുകളിലെയും കറുപ്പ് അകറ്റാനും തിളക്കമുള്ളതായ ചർമ്മം കാണാനും നിങ്ങൾക്ക് കഴിയും. വേദനയില്ലാതെയും രാസവസ്തുക്കളില്ലാതെയും നിങ്ങൾക്ക് വീട്ടിൽ എളുപ്പത്തിൽ ചെയ്യാൻ കഴിയുന്ന ഈ വിദ്യകൾ നിങ്ങളുടെ ചർമ്മത്തിന് അനുഗുണമായിരിക്കും. 

മുകളിലുള്ള ലേഖനം അറിവ് നൽകുന്നതിന് മാത്രമുള്ളതാണ്, പ്രൊഫഷണൽ മെഡിക്കൽ നിർദേശത്തിന് പകരമാകാൻ ഉദ്ദേശിച്ചുള്ളതല്ല. നിങ്ങളുടെ ആരോഗ്യത്തെക്കുറിച്ചോ ആരോഗ്യസ്ഥിതിയെക്കുറിച്ചോ ഉണ്ടായേക്കാവുന്ന എന്തെങ്കിലും ചോദ്യങ്ങൾക്ക് എല്ലായിപ്പോഴും നിങ്ങളുടെ ഡോക്ടറുടെയോ മറ്റ് യോഗ്യതയുള്ള ആരോഗ്യ പ്രൊഫഷണലിന്റെയോ മാർഗ്ഗനിർദ്ദേശം തേടുക.

Read More: തിളക്കുള്ള പട്ടുപോലെ സോഫ്റ്റായ തലമുടി നേടാൻ ഇത് ഒരു സ്പൂൺ മതി