തിളക്കവും കട്ടിയുമുള്ള മുടി വളരാൻ ഈ ഹെയർമാസ്ക് ട്രൈ ചെയ്തു നോക്കൂ

ചർമ്മ സംരക്ഷണത്തോളും തന്നെ പ്രാധാന്യം കൊടുക്കേണ്ടുന്ന ഒന്നാണ് തലമുടിയുടെ പരിപാലനം. മുടി കൊഴിച്ചിലാണ് ഇന്ന് അധികം ആളുകളും നേരിടുന്ന വലിയ പ്രശ്നം. ജീവിത ശൈലിയും, ഭക്ഷണശീലങ്ങളും, കാലാവസ്ഥയും അതിന് കാരണമായേക്കാം. തലമുടി കൊഴിയുന്നത് തടയുക എന്നത് വളരെ പ്രധാനമാണ്. എന്നാൽ അതേ വിടവുകൾ നികത്തി കൊണ്ട് കൂടുതൽ കരുത്തുറ്റ മുടിയികളുടെ വളർച്ചയ്ക്ക് വേണ്ടുന്ന കാര്യങ്ങളും ചെയ്യേണ്ടതുണ്ട്. വളരെ കരുതലോടെ വേണം അത് ചെയ്യാൻ.

രാസവസ്തുക്കൾ കലർന്ന ഉത്പന്നങ്ങൾ തിരയുന്നതിനു മുമ്പായി വീട്ടിൽ തന്നെ വളരെ പെട്ടെന്നു ലഭ്യമാകുന്ന ചില വസ്തുക്കൾ നിങ്ങളുടെ ആവശ്യാനുസരണം ചേർത്ത് ഉപയോഗിച്ചു നോക്കൂ. അതിൽ തന്നെ മുട്ടയും, ഒലിവ് എണ്ണയും തലമുടി പരിചരണത്തിൽ ഏറെക്കാലമായി ശ്രദ്ധിക്കപ്പെട്ടിട്ടുണ്ട്. 

ചേരുവകൾ

• മുട്ട- 1
• ഒലിവ് ഓയിൽ- 1 ടീസ്പൂൺ

തയ്യാറാക്കുന്ന വിധം

• ഒരു മുട്ടയുടെ വെള്ളയിലേയ്ക്ക് ഒരു ടീസ്പൂൺ ഒലിവ് ഓയിൽ ഒഴിച്ച് ഇളക്കി യോജിപ്പിക്കുക.
• ഇത് മുടിയിലും തലയോട്ടിയിലും പുരട്ടി ഇരുപത് മിനിറ്റ് വിശ്രമിക്കുക.
• ശേഷം ഷാമ്പൂ ഉപയോഗിച്ച് കഴുകി കളയുക. 

ഗുണങ്ങൾ

• മുട്ട പ്രോട്ടീൻ്റെ മികച്ച ഉറവിടമാണ്. മുട്ടയുടെ വെള്ള മാത്രമാണ് തലമുടിയിൽ ഉപയോഗിക്കേണ്ടത്. 
• കോഴി മുട്ട തിരഞ്ഞെടുക്കുന്നായിരിക്കും കൂടുതൽ ഉചിതം
• തലമുടിയ്ക്ക് വേരിൽ നിന്നു തന്നെ കരുത്ത് നൽകുന്നിന് മുട്ട സഹായിക്കും.
• ഒലിവ് എണ്ണ തലമുടിയിൽ ഒരു മോയ്സ്ചറൈസറായി പ്രവർത്തിക്കുന്നു. അഴുക്കും മലിനീകരണവും മൂലം മുടിയുടെ സ്വഭാവിക ഷടന നഷ്ട്ടപ്പെട്ടേക്കാം. കാലക്രമേണ മുടിയുടെ നിറം മങ്ങുകയും ചെയ്യും. ഒലിവ് എണ്ണ ഉപയോഗിച്ച് മസാജ് ചെയ്യുന്നതിലൂടെ ഈർപ്പം നിലനിർത്തി കണ്ടീഷ്ണറായി അത് പ്രവർത്തിക്കുന്നു. 
• മുടിയുടെ അറ്റത്തുണ്ടാകുന്ന വിണ്ടു കീറൽ  തലമുടിയുടെ കൊഴിച്ചിൽ, ഘടന, എന്നിവയെ ബാധിച്ചേക്കാം. ഒലിവ് ഓയിൽ അവ തടയാൻ സഹായിക്കുന്നു
• മുടി കൊഴിച്ചിലിൻ്റെ സാധാരണ കാരണങ്ങളിലൊന്ന് ഈർപ്പമില്ലാത്ത വരണ്ട അവസ്ഥയാണ്. ഒലിവ് എണ്ണ മുടിയിഴകൾ തിളക്കവും, നിറവും, ആരോഗ്യമുള്ളതുമാക്കി തീർക്കുന്നു. 

മുകളിലുള്ള ലേഖനം അറിവ് നൽകുന്നതിന് മാത്രമുള്ളതാണ്, പ്രൊഫഷണൽ മെഡിക്കൽ നിർദേശത്തിന് പകരമാകാൻ ഉദ്ദേശിച്ചുള്ളതല്ല. നിങ്ങളുടെ ആരോഗ്യത്തെക്കുറിച്ചോ ആരോഗ്യസ്ഥിതിയെക്കുറിച്ചോ ഉണ്ടായേക്കാവുന്ന എന്തെങ്കിലും ചോദ്യങ്ങൾക്ക് എല്ലായ്പ്പോഴും നിങ്ങളുടെ ഡോക്ടറുടെയോ മറ്റ് യോഗ്യതയുള്ള ആരോഗ്യ പ്രൊഫഷണലിന്റെയോ മാർഗ്ഗനിർദ്ദേശം തേടുക.

Read More

• ഓർത്തോളൂ, ഈ അഞ്ച് ചേരുവകൾ മുഖത്ത് പുരട്ടാൻ പാടില്ല
• സ്ട്രച്ച് മാർക്കുകൾ എളുപ്പത്തിൽ മാറ്റാം, ഇവയിലൊന്ന് ട്രൈ ചെയ്യൂ
• മുടി കൊഴിച്ചിൽ മാറാൻ മധുരക്കിഴങ്ങ് കൊണ്ടുള്ള ഹെയർ മാസ്ക് പരീക്ഷിച്ചു നോക്കൂ
• പേൻ ശല്യം നിസാരമല്ല, അൽപ്പം മുൻകരുതലാവാം
• സൺസ്ക്രീൻ ഉപയോഗിച്ചു തുടങ്ങിയില്ലേ? എങ്കിൽ ഇക്കാര്യങ്ങൾ അറിഞ്ഞിരിക്കൂ