Happy Diwali 2025 Wishes, Photos, Status: ദീപങ്ങളുടെ തിളക്കം പോലെ ഈ ദീപാവലി ദിനത്തിൽ​ ഏവരുടെയും ജീവിതവും ശോഭനമാകാൻ ആശംസകൾ നേരാം

Happy Diwali 2025 Wishes, Photos, Status: ഇരുളിന്മേൽ വെളിച്ചത്തിൻ്റെയും തിന്മയ്ക്ക് മേൽ നന്മയുടെയും വിജയത്തെ ആഘോഷിക്കുന്ന ഉത്സവമാണ് ദീപാവലി അഥവാ ദീപാലി. 'ദീപങ്ങളുടെ നിര' എന്നാണ് ഈ വാക്കിനർത്ഥം. ഹിന്ദു, ജൈന, സിഖ് മതവിശ്വാസികൾ ഒരുപോലെ പ്രാധാന്യത്തോടെ ആഘോഷിക്കുന്ന ഈ ദിനം തുലാമാസത്തിലെ അമാവാസി നാളിലാണ് വരുന്നത്. 

14 വർഷത്തെ വനവാസത്തിനുശേഷം ശ്രീരാമൻ സീതാദേവിയോടും ലക്ഷ്മണനോടുമൊപ്പം അയോധ്യയിൽ തിരിച്ചെത്തിയതിൻ്റെ സന്തോഷസൂചകമായി അയോധ്യയിലെ ജനങ്ങൾ ദീപങ്ങൾ തെളിയിച്ച് വരവേറ്റതിൻ്റെ ഓർമ്മ പുതുക്കലാണ് ദീപാവലി എന്നാണ് ഒരു ഐതിഹ്യം. എന്നാൽ ദക്ഷിണേന്ത്യയിൽ ശ്രീകൃഷ്ണൻ നരകാസുരനെ വധിച്ചതിൻ്റെ ആഘോഷമായാണ് പ്രധാനമായും കണക്കാക്കുന്നത്.

Also Read: സ്നേഹത്തിൻ്റെയും ഐശ്വര്യത്തിൻ്റെയും ദീപാവലി ആശംസകൾ നേരാം

ദീപാവലി ദിനത്തിൽ വീടുകളിലും കച്ചവട സ്ഥാപനങ്ങളിലും മൺചിരാതുകൾ തെളിയിക്കുകയും വർണ്ണാഭമായ രംഗോലികൾ ഒരുക്കുകയും ചെയ്യുന്നത് പതിവാണ്. ഐശ്വര്യത്തിനായി ലക്ഷ്മി ദേവിയെയും ഗണപതിയെയും ഈ ദിവസം പൂജിക്കുന്നു. 

Also Read: ദീപാവലി ദിനത്തിൽ പ്രിയപ്പെട്ടവർക്ക് ഹൃദയം നിറഞ്ഞ ആശംസകൾ കൈമാറാം

പരസ്പരം മധുര പലഹാരങ്ങൾ കൈമാറിയും പുതുവസ്ത്രങ്ങൾ ധരിച്ചും പടക്കം പൊട്ടിച്ചുമാണ് ദീപാവലി ആഘോഷങ്ങൾ കൊഴുപ്പിക്കുന്നത്. കുടുംബബന്ധങ്ങൾ ദൃഢമാക്കാനും സന്തോഷം പങ്കുവെക്കാനുമുള്ള ഒരു നല്ല അവസരം കൂടിയാണ് ഈ ദീപാവലി.

Also Read:  ദീപാവലി ഒരുക്കത്തിൽ നാടും നഗരവും; ചിത്രങ്ങൾ

പ്രധാനപ്പെട്ട ദീപാവലി പലഹാരങ്ങൾ

ദീപാവലി ആഘോഷത്തിന് മധുരം പകരുന്നതിൽ പലഹാരങ്ങൾക്ക് വലിയ സ്ഥാനമുണ്ട്.

• മൈസൂർ പാക്ക്: കടലമാവും നെയ്യും പഞ്ചസാരയും ചേർത്തുണ്ടാക്കുന്ന ഇത് ദീപാവലിക്ക് ഒഴിച്ചുകൂടാനാവാത്തതാണ്.
• ഗുലാബ് ജാമുൻ: ഖോയയിൽ ഉണ്ടാക്കി പഞ്ചസാര സിറപ്പിൽ മുക്കിയെടുക്കുന്ന ഈ പലഹാരം എല്ലാവർക്കും പ്രിയങ്കരമാണ്.
• ഹൽവ: വിവിധ രൂപങ്ങളിൽ തയ്യാറാക്കുന്ന ഹൽവയും ദീപാവലി വിഭവങ്ങളിൽ മുന്നിട്ട് നിൽക്കുന്നു.
  അതിരസം, മുറുക്ക്, ലഡ്ഡു തുടങ്ങിയ പലഹാരങ്ങളും ഈ സമയത്ത് വീടുകളിൽ തയ്യാറാക്കാറുണ്ട്.

Also Read: ഈ ദീപാവലിക്ക് കൈമാറാം സ്നേഹ സന്ദേശങ്ങൾ

മധുരം കൈമാറുന്നതിനൊപ്പം പ്രിയപ്പെട്ടവർക്ക് ദീപാവലി ആശംസകളും നേരാം:

•  "ഇരുൾ മായട്ടെ, വെളിച്ചം പടരട്ടെ, ഹൃദയം നിറഞ്ഞ ദീപാവലി ആശംസകൾ!"
   
•  "സ്‌നേഹ വെളിച്ചം നിറയട്ടെ, ഐശ്വര്യവും സമൃദ്ധിയും വിളങ്ങട്ടെ. ദീപാവലി ആശംസകൾ."
   
• "ദീപാവലിയുടെ ഈ ശുഭ വേളയിൽ നിങ്ങൾക്ക് എല്ലാവിധ സന്തോഷവും സമാധാനവും ഉണ്ടാകട്ടെ! ദീപാവലി ആശംസകൾ"
•  "പ്രകാശത്തിൻ്റെ തിളക്കം പോലെ നിങ്ങളുടെ ജീവിതം ശോഭനമാകട്ടെ. ഹൃദയം നിറഞ്ഞ ദീപോത്സവ ആശംസകൾ."
   
• "മധുരം നുണഞ്ഞും ദീപം തെളിയിച്ചും ഈ ഉത്സവം ആഘോഷിക്കൂ. സ്നേഹം നിറഞ്ഞ ദീപാവലി ആശംസകൾ!"

Read More:  ദീപാവലി: പ്രാധാന്യം, ഐതിഹ്യം, തീയതി, അറിയേണ്ടതെല്ലാം