Happy Diwali 2025 Wishes, Photos, Status: ഒരുമയുടെയും പ്രകാശത്തിൻ്റെയും ദീപാവലി ദിനത്തിൽ ആശംസകൾ നേരാം

Happy Diwali 2025 Wishes, Photos, Status: ഇന്ത്യയുടെ സാംസ്കാരിക വൈവിധ്യം പോലെ ദീപാവലി ആഘോഷങ്ങൾക്കും ഓരോ സംസ്ഥാനത്തും അതിൻ്റേതായ പ്രത്യേകതകളുണ്ട്. രാജ്യമെങ്ങും 'ദീപങ്ങളുടെ ഉത്സവം' എന്ന ആശയം ഒന്നുതന്നെയാണെങ്കിലും, ഐതിഹ്യങ്ങളിലും ആചാരങ്ങളിലും ഈ വ്യത്യാസം കാണാൻ സാധിക്കും.

Also Read: ഐശ്വര്യവും സമൃദ്ധിയും നിറഞ്ഞ ദീപാവലി ആശംസകൾ കൈമാറാം

Also Read: സ്നേഹത്തിൻ്റെയും ഐശ്വര്യത്തിൻ്റെയും ദീപാവലി ആശംസകൾ നേരാം

ഉത്തരേന്ത്യയിൽ

ഉത്തരേന്ത്യൻ സംസ്ഥാനങ്ങളായ ഉത്തർപ്രദേശ്, ബിഹാർ, പഞ്ചാബ് തുടങ്ങിയ സ്ഥലങ്ങളിൽ ദീപാവലി പ്രധാനമായും അഞ്ചുദിവസം നീണ്ടുനിൽക്കുന്ന ആഘോഷമാണ്. ശ്രീരാമൻ 14 വർഷത്തെ വനവാസത്തിന് ശേഷം അയോധ്യയിൽ തിരിച്ചെത്തിയതിൻ്റെ ആഘോഷമായാണ് ഇവിടങ്ങളിൽ ദീപാവലി കൊണ്ടാടുന്നത്.

• ലക്ഷ്മി പൂജ: ഐശ്വര്യത്തിനായി ലക്ഷ്മിദേവിയെയും ഗണപതിയെയും ആരാധിക്കുന്ന ചടങ്ങാണ് ഏറ്റവും പ്രധാനം.
• രംഗോലി: വീടിനു മുന്നിൽ മനോഹരമായ വർണ്ണപ്പൊടികൾ കൊണ്ട് രംഗോലി (കോലം) ഒരുക്കുന്നത് ലക്ഷ്മി ദേവിയെ വരവേൽക്കുന്നതിൻ്റെ ഭാഗമാണ്.
• ധൻതേരസ്: ദീപാവലി ആഘോഷങ്ങൾക്ക് തുടക്കം കുറിക്കുന്ന ഈ ദിവസം സ്വർണ്ണവും പാത്രങ്ങളും വാങ്ങുന്നത് ശുഭകരമായി കരുതുന്നു.

കിഴക്കൻ ഇന്ത്യ

ബംഗാൾ, ഒഡീഷ തുടങ്ങിയ കിഴക്കൻ സംസ്ഥാനങ്ങളിൽ ദീപാവലിക്ക് കാളീ പൂജയ്ക്കാണ് പ്രാധാന്യം. തിന്മയെ ഇല്ലാതാക്കുന്ന ശക്തിയുടെ പ്രതീകമായി ഭദ്രകാളിയെ ആരാധിക്കുന്നു. മറ്റു സംസ്ഥാനങ്ങളിൽ ലക്ഷ്മി പൂജ അമാവാസി ദിനത്തിൽ നടത്തുമ്പോൾ, ബംഗാളിൽ ഈ ദിവസമാണ് കാളീ പൂജ നടത്തുന്നത്. വലിയ പന്തലുകൾ കെട്ടി കാളീദേവിയുടെ വിഗ്രഹങ്ങൾ സ്ഥാപിച്ചുള്ള ആരാധന ഇവിടുത്തെ പ്രധാന കാഴ്ചയാണ്.

Also Read: ദീപാവലി ദിനത്തിൽ പ്രിയപ്പെട്ടവർക്ക് ഹൃദയം നിറഞ്ഞ ആശംസകൾ കൈമാറാം

ദക്ഷിണേന്ത്യ

തമിഴ്നാട്, കർണാടക, ആന്ധ്രാപ്രദേശ് തുടങ്ങിയ ദക്ഷിണേന്ത്യൻ സംസ്ഥാനങ്ങളിലും കേരളത്തിലും ദീപാവലി ആഘോഷം പ്രധാനമായും നരക ചതുർദശി ദിനവുമായി ബന്ധപ്പെട്ടിരിക്കുന്നു. ശ്രീകൃഷ്ണൻ നരകാസുരനെ വധിച്ചതിൻ്റെ വിജയമായാണ് ഈ ദിവസം ആഘോഷിക്കുന്നത്. തമിഴ്‌നാട്ടിൽ, വിവാഹം കഴിഞ്ഞ ദമ്പതിമാർ അവരുടെ ആദ്യ ദീപാവലി വധുവിൻ്റെ വീട്ടിൽ ആഘോഷിക്കുന്നതിനെ 'തലൈ ദീപാവലി' എന്ന് വിളിക്കുന്നു.

Also Read: ദീപാവലി ഒരുക്കത്തിൽ നാടും നഗരവും; ചിത്രങ്ങൾ

അഞ്ച് ദിവസം നീണ്ടുനിൽക്കുന്ന ആഘോഷമായാലും ഒരു ദിവസത്തെ ചടങ്ങുകളായാലും, ദീപാവലി ഇന്ത്യക്കാർക്ക് പ്രകാശത്തിൻ്റെയും ഒരുമയുടെയും ഉത്സവമാണ്. വിവിധ ആചാരങ്ങളിലൂടെയും മധുരപലഹാരങ്ങളിലൂടെയും അവർ ഈ സന്തോഷം പരസ്പരം പങ്കുവെക്കുന്നു.

Read More: ദീപാവലി: പ്രാധാന്യം, ഐതിഹ്യം, തീയതി, അറിയേണ്ടതെല്ലാം