മൈലാഞ്ചി മതി, താരനും മുടികൊഴിച്ചിലിനും വിട

തലമുടിയുടെ ആരോഗ്യവുമായി ബന്ധപ്പെട്ട് നിരവധി പ്രശ്നങ്ങളാണ് ദിവസേന ഏവരും നേരിടുന്നത്. താരനും അതുമൂലം ഉണ്ടാകുന്ന മുടി കൊഴിച്ചിലുമാണ് ഇന്ന് പലരെയും അലട്ടുന്ന പ്രധാന പ്രശ്നം. നന്നേ ചെറുപ്പത്തിൽ തന്നെ തലമുടി നരച്ചു തുടങ്ങുന്നത് ഒരാളുടെ ആത്മ വിശ്വാസത്തെ തന്നെ ബാധിച്ചേക്കാം. ഇതു മറച്ചു വെയ്ക്കാൻ മുടി കറുപ്പിക്കുന്നത് ശീലമാക്കുന്നവരും ഉണ്ട്.  ഇത്തരം പ്രശ്നങ്ങൾക്ക് നിരവധി പരിഹാരങ്ങളും ലഭ്യമാണ്. അതിൽ തന്നെ ഫലപ്രദമായ പ്രകൃതിദത്ത പരിഹാരമാണ് മൈലാഞ്ചി. 

മുടി കറുപ്പിക്കാനാണ് സാധാരണ മൈലാഞ്ചിയുടെ ഇല ഉപയോഗിക്കാറുള്ളത്. എന്നാൽ അത് മാത്രമല്ല, തലമുടിയുടെ ആരോഗ്യത്തിനായി ഇത് ഉപയോഗിച്ചു തയ്യാറാക്കാവുന്ന നിരവധി ഹെയർമാസ്ക്കുകളും ഉണ്ട്.

മൈലാഞ്ചി തലമുടിയിൽ എങ്ങനെ ഉപയോഗിക്കാം?

• മൈലാഞ്ചി ഇല പൊടിച്ചതിലേക്ക് അൽപ്പം എള്ളെണ്ണ ചേർത്തിളക്കി യോജിപ്പിക്കൂ. ഈ മിശ്രിതം തലയോട്ടിയിൽ പുരട്ടാം. 10 മിനിറ്റിനു ശേഷം കഴുകി കളയൂ. കടുകെണ്ണയിലേക്ക് മൈലാഞ്ചി ചേർക്കുന്നതും തല്ലതാണ്. ഇത് മുടി വളർച്ചക്ക് ഗുണം ചെയ്യും. 
• കുറച്ച് ഉലുവ രാത്രി മുഴുവൻ വെള്ളത്തിൽ കുതിർത്തു വയ്ക്കാം. പിറ്റേ ദിവസം അത് അരച്ചെടുക്കൂ. ഇതിലേക്ക് മൈലാഞ്ചി ഇല പൊടിച്ചതും അൽപ്പം കടുകെണ്ണയും ചേർത്തിളക്കി യോജിപ്പിച്ചോളൂ. ഈ മിശ്രിതം തലയോട്ടിയിലും മുടിയിലും പുരട്ടുക. 30 മിനിറ്റിനു ശേഷം കഴുകി കളയാം.

• മൈലാഞ്ചിയുടെ ഇല ഉണക്കി പൊടിച്ചതിലേക്ക് ഒരു മുട്ട പൊട്ടിച്ചൊഴിക്കുക. ഇതിലേക്ക് ഒരു പഴം, അൽപ്പം അവക്കാഡോ എണ്ണ എന്നിവ ചേർത്തിളക്കി യോജിപ്പിക്കാം. ഈ മിശ്രിതം തലയോട്ടിയിലും മുടിയിലും പുരട്ടുക. 40 മിനിറ്റിനു ശേഷം കഴുകി കളയാം. 
• ഒരു പിടി മൈലാഞ്ചിയില,  ഒരു ടീസ്പൂണ്‍ തേയില, ഒരു ടീസ്പൂണ്‍ നെല്ലിക്ക ഉണക്കിപ്പൊടിച്ചത് എന്നിവ അൽപം വെള്ളത്തിൽ കലർത്തുക. ഈ വെള്ളം ഉപയോ​ഗിച്ച് തല കഴുകുക. ആഴ്ചയിൽ മൂന്ന് തവണ വരെ ഇങ്ങനെ ചെയ്യുന്നത് തലമുടിക്ക് കറുപ്പ് നിറം വരാന്‍ സഹായിക്കും. 

മുകളിലുള്ള ലേഖനം അറിവ് നൽകുന്നതിന് മാത്രമുള്ളതാണ്, പ്രൊഫഷണൽ മെഡിക്കൽ നിർദേശത്തിന് പകരമാകാൻ ഉദ്ദേശിച്ചുള്ളതല്ല. നിങ്ങളുടെ ആരോഗ്യത്തെക്കുറിച്ചോ ആരോഗ്യസ്ഥിതിയെക്കുറിച്ചോ ഉണ്ടായേക്കാവുന്ന എന്തെങ്കിലും ചോദ്യങ്ങൾക്ക് എല്ലായ്പ്പോഴും നിങ്ങളുടെ ഡോക്ടറുടെയോ മറ്റ് യോഗ്യതയുള്ള ആരോഗ്യ പ്രൊഫഷണലിന്റെയോ മാർഗ്ഗനിർദ്ദേശം തേടുക.

Read More

• തൈര് മുതൽ ചെറുനാരങ്ങ വരെ, കൈമുട്ടിലെ കറുപ്പ് നിറം അകറ്റാൻ നുറുങ്ങു വിദ്യകൾ
• മങ്ങിയ മുഖം തിളങ്ങട്ടെ; ഈ തക്കാളി വിദ്യ ട്രൈ ചെയ്തോളൂ
• കറിവേപ്പിലയും കഞ്ഞിവെള്ളവും കൊണ്ടൊരു ഹെയർ മാജിക്
• ഉള്ളി നീര് ഉണ്ടെങ്കിൽ മുടി കൊഴിച്ചിൽ പമ്പ കടക്കും
• തലമുടി കൊഴിച്ചിൽ തടയാം, ചില കാര്യങ്ങൾ ശ്രദ്ധിച്ചോളൂ