വെളിച്ചെണ്ണയോ നെയ്യോ? തലമുടിയുടെ ആരോഗ്യത്തിന് നിങ്ങൾ ഏതു തിരഞ്ഞെടുക്കും?

കരുത്തുറ്റ മുടിയിഴകൾ ആഗ്രഹിക്കാത്തവർ ആരുണ്ട്?. മുട്ടോളം നീളമുള്ള കട്ടിയുള്ള മുടി വെറും സ്വപ്നം മാത്രമാണെന്ന് കരുതാൻ വരട്ടെ. മുടി കൊഴിച്ചിൽ, താരൻ, ചൊറിച്ചിൽ, അസ്വസ്ഥത എന്നിങ്ങനെയുള്ള പ്രശ്നങ്ങളാണ് പലരിലും മുടി വളർച്ചയ്ക്ക് തടസമാകുന്നത്. ഇവ പരിഹരിക്കാൻ പ്രകൃതിദത്ത വഴികൾ തിരഞ്ഞെടുക്കാം. അമ്മയും അമ്മൂമ്മാരും വീട്ടിൽ തന്നെ  കാച്ചിയെടുക്കുന്ന എണ്ണ ഉപയോഗിച്ചിരുന്ന ഒരു കാലഘട്ടം ഉണ്ടായിരുന്നു. അവ എല്ലാത്തരം തലമുടി പ്രശ്നങ്ങൾക്കും പരിഹാരമായിരുന്നു.

തലമുടി സംരക്ഷണത്തിന് വെളിച്ചെണ്ണയും നെയ്യും ഏറെക്കാലമായി ഉപയോഗത്തിലുണ്ട്. എന്നാൽ ഇതിൽ ഏതാണ് മികച്ചത് എന്ന് നിങ്ങൾക്ക് അറിയാമോ?

വെളിച്ചെണ്ണ

തേങ്ങ ഉണക്കിയെടുത്താണ് വെളിച്ചെണ്ണ തയ്യാറാക്കുന്നത്. അതിൽ ധാരാളം ല്യൂറിക് ആസിഡും ആൻ്റിഓക്സിഡൻ്റുകളും അടങ്ങിയിട്ടുണ്ട്. ഇത് മുടിയിഴകൾ മോയ്സ്ചറൈസ് ചെയ്ത് പരുക്കൻ പ്രകൃതത്തിൽ നിന്നും മോചനം നൽകുന്നു. 

നെയ്യ്

വെണ്ണ ഉരുക്കിയാണ് നെയ്യ് തയ്യാറാക്കുന്നത്. ധാരാളം ആയുർവേദ ഗുണങ്ങൾ ഇതിനുണ്ട്. ആരോഗ്യകരമായ കൊഴുപ്പുകളും ആൻ്റി ഓക്സിഡൻ്റുകളും ഇതിൽ ധാരാളം അടങ്ങിയിരിക്കുന്നു. ഇത് ഹെയർ ഫോളിക്കിളുകളെ പോഷിപ്പിക്കുന്നു. 

നെയ്യോ വെളിച്ചെണ്ണയോ?

കേടുപാടുകൾ സംഭവിച്ച് ഹെയർ ഫോളിക്കിളുകളെ പോഷിപ്പിക്കുന്നതിന് നെയ്യേക്കാൾ വെളിച്ചെണ്ണ ഏറെ ഗുണപ്രദമാണ്. നെയ്യ് തലമുടിക്ക് പ്രകൃതിദത്തമായ തിളക്കവും മൃദുത്വവും നൽകുന്നു. 

നിങ്ങൾക്ക് സെൻസിറ്റീവ് ആയിട്ടുള്ള തലയോട്ടിയാണ് ഉള്ളതെങ്കിൽ വെളിച്ചെണ്ണ ഉപയോഗിക്കുന്നതാണ് നല്ലത്. വെളിച്ചെണ്ണയ്ക്ക് ധാരാളം ആൻ്റി ഫംഗൽ സവിശേഷതകളുണ്ട്. എന്നാൽ സ്വൽപം കട്ടിയുള്ള പ്രകൃതമാണ് നെയ്യുടേത്. അത് സുഷിരങ്ങളിൽ തടസ്സം സൃഷ്ടിക്കുന്നു. 

നെയ്യും വെളിച്ചെണ്ണയുംതലമുടിയുടെ ആരോഗ്യത്തിന് നല്ലതാണ്. എന്നാൽ മുടിയുടെ കരുത്താണ് വർധിപ്പിക്കേണ്ടതെങ്കിൽ വെളിച്ചെണ്ണ ഉപയോഗിക്കുന്നതാവും കൂടുതൽ ഉചിതം. തലമുടി വളർച്ച മെച്ചപ്പെടുത്തുന്നതിന് നെയ്യ് ഉപയോഗിക്കാം. രണ്ടും മുടിയുടെ ആരോഗ്യത്തിന് ഗുണകരമാണ്. വ്യക്തിഗതമായി ഫലങ്ങളിൽ  വ്യത്യാസമുണ്ടാകും എന്നു മാത്രം. 

മുകളിലുള്ള ലേഖനം അറിവ് നൽകുന്നതിന് മാത്രമുള്ളതാണ്, പ്രൊഫഷണൽ മെഡിക്കൽ നിർദേശത്തിന് പകരമാകാൻ ഉദ്ദേശിച്ചുള്ളതല്ല. നിങ്ങളുടെ ആരോഗ്യത്തെക്കുറിച്ചോ ആരോഗ്യസ്ഥിതിയെക്കുറിച്ചോ ഉണ്ടായേക്കാവുന്ന എന്തെങ്കിലും ചോദ്യങ്ങൾക്ക് എല്ലായ്പ്പോഴും നിങ്ങളുടെ ഡോക്ടറുടെയോ മറ്റ് യോഗ്യതയുള്ള ആരോഗ്യ പ്രൊഫഷണലിന്റെയോ മാർഗ്ഗനിർദ്ദേശം തേടുക.

Read More

• കണ്ണിനു ചുറ്റമുള്ള കറുപ്പ് നിറം അകറ്റാൻ ഇനി പാലും ഉപയോഗിക്കാം
• ചർമ്മം തിളങ്ങാൻ പ്രകൃതി ദത്തമായ 9 ചേരുവകൾ
• കണ്ണിനു ചുറ്റമുള്ള കറുപ്പ് നിറം അകറ്റാൻ വെളിച്ചെണ്ണയും തേനും
• തലമുടി വളർച്ചയ്ക്ക് സഹായിക്കുന്ന 5 പൂക്കൾ ഇവയാണ്
• മഞ്ഞൾ മുതൽ കടലമാവ് വരെ; മുഖത്തെ രോമം കളയാനുള്ള വിദ്യകൾ വീട്ടിലുണ്ട്