ചർമ്മം തിളങ്ങാൻ പ്രകൃതി ദത്തമായ 9 ചേരുവകൾ

ചർമ്മ പരിചരണത്തിന് കടയിൽ നിന്നും വാങ്ങുന്ന ഉത്പന്നങ്ങൾ തന്നെ വേണം എന്ന് നിർബന്ധമില്ല. പ്രകൃതി ദത്തമായ ചേരുവകളാണ് ഏറ്റവും ഗുണകരം. അവ ചർമ്മത്തിന് തിളക്കം നൽകാൻ സഹായിക്കും. അത്തരത്തിലുള്ള 10 ചേരുവകൾ പരിചയപ്പെടാം.

കറ്റാർവാഴ

മോയ്സ്ചറൈസിംഗ് ഗുണങ്ങൾ കൊണ്ട് ഏറെ പ്രചാരത്തിലിരിക്കുന്ന ഒന്നാണ് കറ്റാർവാഴ. വിറ്റാമിൻ എ, വിറ്റാമിൻ സി, വിറ്റാമിൻ ഇ, വിറ്റാമിൻ ബി12 എന്നിവ കറ്റാർവാഴയിൽ അടങ്ങിയിട്ടുണ്ട്. ഇത് ചർമ്മത്തിൻ്റെ പുനരുജ്ജീവനത്തിനും, വീക്കം കുറയ്ക്കുന്നതിനും സഹായകരമാണ്. 

തേൻ

തേൻ ഒരു നാച്വറൽ ഹ്യുമിക്റ്റൻ്റാണ്. ചർമ്മത്തിന് ഈർപ്പം നൽകാൻ അത് സഹായിക്കുന്നു. ഇതിൽ അടങ്ങിയിരിക്കുന്ന ആൻ്റി ഓക്സിഡൻ്റുകൾ ചർമ്മാരോഗ്യം മെച്ചപ്പെടുത്തുന്നു. തേനിൻ്റെ ആൻ്റി ബാക്ടീരിയൽ സവിശേഷതകൾ മുഖക്കുരു തടയാൻ സഹായിക്കുന്നു. 

തൈര്

തൈരിൽ അടങ്ങിയിരിക്കുന്ന ലാക്ടിക് ആസിഡ് ചർമ്മത്തെ എക്സ്ഫോളിയേറ്റ് ചെയ്ത് ചുളിവുകൾ പാടുകൾ എന്നിവ കുറയ്ക്കുന്നു. 

റോസ്‌വാട്ടർ

റോസ്‌വാട്ടറിന് ആൻ്റി ഇൻഫ്ലമേറ്ററി ഗുണങ്ങളുണ്ട്. അത് ചർമ്മത്തിലെ ചുവപ്പ് അസ്വസ്ഥത എന്നിവ കുറയ്ക്കുന്നു. ചർമ്മത്തിലെ ഈർപ്പം നിലനിർത്തുന്നതിനും ഉന്മേഷം നൽകുന്നതിനും ഇത് സഹായിക്കും. 

വെളിച്ചെണ്ണ

വെളിച്ചെണ്ണയിൽ ഗുണകരമായ ഫാറ്റി ആസിഡുകൾ അടങ്ങിയിട്ടുണ്ട്. അത് ചർമ്മത്തിലെ ഈർപ്പം നിലനിർത്തി വരുണ്ടു പോകുന്നത് തടയുന്നു. ചർമ്മത്തിലുണ്ടാകുന്ന ഇൻഫെക്ഷനുകൾ തടയാൻ വെളിച്ചെണ്ണയുടെ​ ആൻ്റിമൈക്രോബിയൽ സവിശേഷതകൾ സഹായിക്കും.

സീവീഡ്

ധാരാളം വിറ്റാമിനുകളും, ധാതുക്കളും, ആൻ്റി ഓക്സിഡൻ്റുകളും അടങ്ങിയിട്ടുണ്ട്. ഇത് ചർമ്മത്തെ പുനരുജ്ജീവിപ്പിക്കുന്നതിന് സഹായിക്കും. 

മാതളനാരങ്ങ

ആൻ്റി ഓക്സിഡൻ്റ് വിറ്റാമിൻ എന്നിങ്ങനെയുള്ള പോഷകങ്ങളാൽ സമ്പുഷ്ടമാണ് മാതളനാരങ്ങ. മുഖക്കുരു, കറുത്ത പാടുകൾ എന്നിവ അകറ്റി ചർമ്മം തിളക്കമുള്ളതാക്കാൻ മാതളത്തിലെ പോഷകങ്ങൾ സഹായിക്കും. 

ബദാം എണ്ണ

വിറ്റാമിൻ  ഇ, വിറ്റാമിൻ കെ എന്നിവയാൽ സമ്പന്നമാണ് ബദാം. അത് ചർമ്മത്തെ ഹൈഡ്രേറ്റ് ചെയ്യുന്നു. കൂടാതെ ആൻ്റി ഇൻഫ്ലമേറ്ററി സവിശേഷതകളും ബദാം എണ്ണയ്ക്കുണ്ട്. 

പപ്പായ

പപ്പൈൻ എന്ന ഒരു എൻസൈം പപ്പായയിൽ അടങ്ങിയിട്ടുണ്ട്. ഇത് നാച്വറൽ എക്സ്ഫോളിയേറ്ററായി പ്രവർത്തിക്കുന്നു. മൃതകോശങ്ങളെ നീക്കം ചെയ്യുന്നതിന് ഇത് ഏറെ ഗുണം ചെയ്യും. 

മുകളിലുള്ള ലേഖനം അറിവ് നൽകുന്നതിന് മാത്രമുള്ളതാണ്, പ്രൊഫഷണൽ മെഡിക്കൽ നിർദേശത്തിന് പകരമാകാൻ ഉദ്ദേശിച്ചുള്ളതല്ല. നിങ്ങളുടെ ആരോഗ്യത്തെക്കുറിച്ചോ ആരോഗ്യസ്ഥിതിയെക്കുറിച്ചോ ഉണ്ടായേക്കാവുന്ന എന്തെങ്കിലും ചോദ്യങ്ങൾക്ക് എല്ലായ്പ്പോഴും നിങ്ങളുടെ ഡോക്ടറുടെയോ മറ്റ് യോഗ്യതയുള്ള ആരോഗ്യ പ്രൊഫഷണലിന്റെയോ മാർഗ്ഗനിർദ്ദേശം തേടുക.

Read More

• കണ്ണിനു ചുറ്റമുള്ള കറുപ്പ് നിറം അകറ്റാൻ വെളിച്ചെണ്ണയും തേനും
• തലമുടി വളർച്ചയ്ക്ക് സഹായിക്കുന്ന 5 പൂക്കൾ ഇവയാണ്
• മഞ്ഞൾ മുതൽ കടലമാവ് വരെ; മുഖത്തെ രോമം കളയാനുള്ള വിദ്യകൾ വീട്ടിലുണ്ട്
• വൈറ്റ്‌ഹെഡ്‌സ് തടയാൻ ഇതാ 7 മാർഗങ്ങൾ