കണ്ണിനു ചുറ്റമുള്ള കറുപ്പ് നിറം അകറ്റാൻ വെളിച്ചെണ്ണയും തേനും

യുവത്വം തുളമ്പുന്ന ചർമ്മവും കരുത്തുറ്റ ഇടതൂർന്ന മുടിയും എല്ലാവരുടേയും സൗന്ദര്യ സങ്കൽപ്പമാണ്. ഇവ സ്വന്തമാക്കാൻ ധാരാളം ഉത്പന്നങ്ങൾ വിപണിയിൽ ലഭ്യമാണ്. എന്നാൽ ഫലപ്രാപ്തിയെക്കാളുപരി അവയുടെ പാർശ്വഫലങ്ങളും ചിന്തിക്കേണ്ടതുണ്ട്. അതിനാൽ പ്രകൃതിദത്തമായ വഴികൾ തേടുന്നതാണ് എല്ലായിപ്പോഴും ഉചിതം. വീട്ടിൽ തന്നെ അവ ലഭ്യമാണ്. അതിലൊന്നാണ് വെളിച്ചെണ്ണ. ചർമ്മ സംരക്ഷണത്തിന് വ്യത്യസ്ത തരത്തിൽ വെളിച്ചെണ്ണ ഉപയോഗിക്കാം. 

മുഖ സൗന്ദര്യം എന്നതിൽ പുരികങ്ങളുടെ  പ്രാധാന്യം വളരെ വലുതാണ്. മുഖത്തിൻ്റെ ആകൃതിയിൽ അത് സ്വാധീനം ചെലുത്തുന്നു. പുരികം കട്ടി കുറയുന്നതിനനുസരിച്ച് ആകൃതിയിലും വ്യത്യാസം ഉണ്ടാകുന്നു. കട്ടിയുള്ള നല്ല ആകൃതിയിലുള്ള പുരികം തന്നെയാണ് ഏവരും ആഗ്രഹിക്കാറുള്ളത്. പുരികം മസാജ് ചെയ്യുന്നതിന് വെളിച്ചെണ്ണ ഉപയോഗിക്കുന്നത് ഗുണം ചെയ്യും. 

ഇതു മാത്രമല്ല കണ്ണിനു ചുറ്റമുള്ള കറുപ്പ് നിറം കുറയ്ക്കാൻ വെളിച്ചെണ്ണ ഉപയോഗിക്കാവുന്നതാണ്. 

ചേരുവകൾ

• വെളിച്ചെണ്ണ- 1 ടീസ്പൂൺ
• തേൻ- 1/2 ടേബിൾസ്പൂൺ
• റോസ്‌വാട്ടർ- ആവശ്യത്തിന്

തയ്യാറാക്കുന്ന വിധം

ഒരു ടീസ്പൂൺ വെളിച്ചെണ്ണയിലേയ്ക്ക് അര ടേബിൾസ്പൂൺ തേനും രണ്ടോ മൂന്നോ തുള്ളി റോസ്‌വാട്ടറും ചേർത്തിളക്കി യോജിപ്പിക്കാം. ഈ മിശ്രിതം കണ്ണിനു ചുറ്റും പുരട്ടാം. ശേഷം മൃദുവായി മസാജ് ചെയ്യാം. ദിവസത്തിൽ ഒരു തവണ ഇത് ഉപയോഗിക്കുന്നത് ഏറെ ഫലപ്രദമാണ്.

വെളിച്ചെണ്ണയുടെ ഗുണങ്ങൾ

വെളിച്ചെണ്ണയിൽ ധാരാളം ആൻ്റി ഓക്സിഡൻ്റുകളും ഫാറ്റി ആസിഡുകളും അടങ്ങിയിട്ടുണ്ട്. ഇത് കട്ടി കുറഞ്ഞ ചർമ്മത്തെ മോയ്സ്ചറൈസ് ചെയ്യാൻ സഹായിക്കുന്നു. 

തേൻ

ആൻ്റി ഇൻഫ്ലമേറ്ററി ആൻ്റി ഓക്സിഡൻ്റ് സവിശേഷതകൾ തേനിനുണ്ട്. ചർമ്മ പരിചരണത്തിന് വ്യാപകമായി തേൻ ഉപയോഗിക്കാറുണ്ട്. തേൻ മാത്രം ഉപയോഗിച്ച് മൃദുവായി മസാജ് ചെയ്യുന്നത് കണ്ണിന് ഗുണകരമാണ്. 

മുകളിലുള്ള ലേഖനം അറിവ് നൽകുന്നതിന് മാത്രമുള്ളതാണ്, പ്രൊഫഷണൽ മെഡിക്കൽ നിർദേശത്തിന് പകരമാകാൻ ഉദ്ദേശിച്ചുള്ളതല്ല. നിങ്ങളുടെ ആരോഗ്യത്തെക്കുറിച്ചോ ആരോഗ്യസ്ഥിതിയെക്കുറിച്ചോ ഉണ്ടായേക്കാവുന്ന എന്തെങ്കിലും ചോദ്യങ്ങൾക്ക് എല്ലായ്പ്പോഴും നിങ്ങളുടെ ഡോക്ടറുടെയോ മറ്റ് യോഗ്യതയുള്ള ആരോഗ്യ പ്രൊഫഷണലിന്റെയോ മാർഗ്ഗനിർദ്ദേശം തേടുക.

Read More

• തലമുടി വളർച്ചയ്ക്ക് സഹായിക്കുന്ന 5 പൂക്കൾ ഇവയാണ്
• മഞ്ഞൾ മുതൽ കടലമാവ് വരെ; മുഖത്തെ രോമം കളയാനുള്ള വിദ്യകൾ വീട്ടിലുണ്ട്
• വൈറ്റ്‌ഹെഡ്‌സ് തടയാൻ ഇതാ 7 മാർഗങ്ങൾ
• പാദങ്ങൾ വിണ്ടുകീറുന്നുവോ? പരിഹരിക്കാൻ ഇതാ 5 ഈസി ടിപ്സ്
• ചർമ്മം തിളങ്ങാൻ ഈ എണ്ണ ഉപയോഗിച്ചു നോക്കൂ