കണ്ണിനു ചുറ്റമുള്ള കറുപ്പ് നിറം അകറ്റാൻ ഇനി പാലും ഉപയോഗിക്കാം

പാലിൽ ധാരാളം ചർമ്മ സമരക്ഷണ ഗുണങ്ങളുണ്ട്. വിറ്റാമിനുകൾ, ധാതുക്കൾ, പ്രോട്ടീൻ എന്നിവയുടെ സമ്പന്ന ഉറവിടമാണ് പാൽ. പാലിൽ ലാക്ടിക് ആസിഡ് അടങ്ങിയിട്ടുണ്ട്. ഇത് ചർമ്മത്തെ മൃദുവായി മസാജ് ചെയ്യുന്നതിന് ഗുണകരമാണ്. അങ്ങനെ മൃത കോശങ്ങളും അധികമായ എണ്ണയും അഴുക്കും നീക്കം ചെയ്യപ്പെടുന്നു.

പാൽ

ഒരു കോട്ടൺ പാട് തണുപ്പിച്ച് പാലിൽ മുക്കാം. ശേഷം കണ്ണുകൾ അടച്ച് മുകളിൽ അത് വയ്ക്കാം. 10 മുതൽ 15 മിനിറ്റു വരെ വിശ്രമിക്കാം. ശേഷം പഞ്ഞി മാറ്റി മൃദുവായി മസാജ് ചെയ്യാം.

പാൽ മഞ്ഞൾപ്പൊടി

ഒരു ടീസ്പൂൺ പാലിലേയ്ക്ക് ഒരു നുള്ള് മഞ്ഞൾപ്പൊടി ചേർത്തിളക്കാം. ഈ മിശ്രിതം കണ്ണിനു താഴെ പുരട്ടി 10 മുതൽ 15 മിനിറ്റു വരെ വിശ്രമിക്കാം. ശേഷം തണുത്ത വെള്ളത്തിൽ കഴുകി കളയാം.

പാൽ തേൻ

ഒരു ടീസ്പൂൺ പാലിലേയ്ക്ക് ഒരു ടീസ്പൂൺ തേൻ ചേർത്തിളക്കി യോജിപ്പിക്കാം. ഈ മിശ്രിതം കണ്ണുകളുടെ താഴെ പുരട്ടി 20 മിനിറ്റ് വിശ്രമിക്കാം. ശേഷം കഴുകി കളയാം.

പാൽ ബദാം എണ്ണ

ഒരു ടേബിൾസ്പൂൺ​ പാലിലേയ്ക്ക് ഏതാനും തുള്ളി ബദാം എണ്ണ ചേർത്തിളക്കി യോജിപ്പിക്കാം. ഈ മിശ്രിതം കണ്ണിനടിയിൽ പുരട്ടി മൃദുവായി മസാജ് ചെയ്യാം. ശേഷം കഴുകി കളയാം.

പാൽ കടലമാവ്

ഒരു ടേബിൾസ്പൂൺ കടലമാവിലേക്ക് അൽപ്പം പച്ചപ്പാൽ ചേർത്തിളക്കി യോജിപ്പിക്കുക. വൃത്തിയാക്കിയ മുഖത്ത് അത് പുരട്ടി അൽപ്പ സമയം വിശ്രമിക്കുക. പതിനഞ്ച് മിനിറ്റിനു ശേഷം കഴുകി കളയാം.