ഇടതൂർന്ന തിളക്കമാർന്ന മുടിയാണോ സ്വപ്നം? ഈ ജെൽ തയ്യാറാക്കി ഉപയോഗിക്കൂ

ഫ്ലാക്സ് സീഡ് അഥവ ചണവിത്ത് ആരോഗ്യത്തിനു മാത്രമല്ല സൗന്ദര്യത്തിനും ഗുണപ്രദമാണ്. ഇതിൽ ധാരാളം അവശ്യ ഫാറ്റി ആസിഡും, ആൻ്റി ഓക്സിഡൻ്റുകളും, നാരുകൾ അടങ്ങിയിട്ടുണ്ട്. തലമുടിയിൽ ഈർപ്പം നിലനിർത്തി വരണ്ടു പോകുന്നതു തടയാൻ ഇത് ഗുണകരമാകുന്നു. ചണവിത്തിൽ അടങ്ങിയിരിക്കുന്ന ഒമേഗ 3 ഫാറ്റി ആസിഡുകളാണ് ജലാശം നൽകാൻ സഹായിക്കുന്നത്. തലയോട്ടിയിലെ ചൊറിച്ചിൽ, താരൻ, വീക്കം, പാടുകൾ എന്നിവ പ്രതിരോധിച്ച് ഹെയർഫോളിക്കിളുകളെ സുഖപ്പെടുത്താനും കഴിയും. 

മുടിയുടെ പരിചരണത്തിന് ചണവിത്ത് ഉപയോഗിച്ച് ജെൽ തയ്യാറാക്കാം. ചേരുവകൾ ഇവയാണ്:

• ചണവിത്ത്- 1/2 കപ്പ്
• വെള്ളം- 2 കപ്പ്
• വിറ്റാമിൻ ഇ എണ്ണ- 1 ടീസ്പൂൺ

തയ്യാറാക്കുന്ന വിധം

• ഒരു പാനിലേയ്ക്ക് അര കപ്പ് ചണവിത്തെടുക്കാം. അതിലേയ്ക്ക് രണ്ട് കപ്പ് വെള്ളം ഒഴിച്ച് ഇടത്തരം തീയിൽ തിളപ്പിക്കാം. 10 മുതൽ 15 മിനിറ്റ് വരെ അത് തിളച്ചതിനു ശേഷം ഇളക്കി കൊടുക്കാം. ചണവിത്ത് വെന്തു വരുമ്പോൾ വെള്ളത്തിന് കട്ടി കൂടും. വെള്ളം വറ്റുന്നതു വരെ ഇത് തുടരാം. 
• വെള്ളം പൂർണമായി വറ്റിയതിനു ശേഷം അടുപ്പണച്ച് അരിച്ചെടുക്കാം. ലഭ്യമാകുന്നത്ര ജെൽ ശേഖരിക്കാം. 
• ചെറു ചൂടോടെ തന്നെ ഇരിക്കുന്ന ജെല്ലിലേയ്ക്ക് ഒരു ടീസ്പൂൺ വിറ്റാമിൻ ഇ എണ്ണ ചേർത്തിളക്കി യോജിപ്പിക്കാം. 
• ജെൽ തണുത്തതിനു ശേഷം ഒരു വൃത്തിയുള്ള പാത്രത്തിലേയ്ക്കു മാറ്റാം. 2 ആഴ്ച വരെ ഇത് ഇങ്ങനെ ഫ്രിഡ്ജിൽ സൂക്ഷിക്കാവുന്നതാണ്.
• ഈ ജെല്ലിൽ നിന്നും ആവശ്യാനുസരണം എടുത്ത് തലയോട്ടിയിലും മുടിയിഴകളിലും പുരട്ടി മൃദുവായി മസാജ് ചെയ്യാം. രണ്ട് മണിക്കൂർ വിശ്രമിക്കാം. ശേഷം വീര്യം കുറഞ്ഞ ഷാമ്പൂ ഉപയോഗിച്ച് കഴുകി കളയാം.

മുകളിലുള്ള ലേഖനം അറിവ് നൽകുന്നതിന് മാത്രമുള്ളതാണ്, പ്രൊഫഷണൽ മെഡിക്കൽ നിർദേശത്തിന് പകരമാകാൻ ഉദ്ദേശിച്ചുള്ളതല്ല. നിങ്ങളുടെ ആരോഗ്യത്തെക്കുറിച്ചോ ആരോഗ്യസ്ഥിതിയെക്കുറിച്ചോ ഉണ്ടായേക്കാവുന്ന എന്തെങ്കിലും ചോദ്യങ്ങൾക്ക് എല്ലായ്പ്പോഴും നിങ്ങളുടെ ഡോക്ടറുടെയോ മറ്റ് യോഗ്യതയുള്ള ആരോഗ്യ പ്രൊഫഷണലിന്റെയോ മാർഗ്ഗനിർദ്ദേശം തേടുക.

Read More

• ചുളിവുകൾ മാത്രമല്ല മുഖക്കുരുവും പമ്പ കടക്കും; ഓട്സ് ഫെയ്സ്മാസ്ക്കുകൾ ട്രൈ ചെയ്യൂ
• നാലിതൾ ചെമ്പരത്തി കൊണ്ട് 7 തരം ഹെയർമാസ്ക്കുകൾ
• ഫെയ്സ്മാസ്ക് മുതൽ ടോണർ വരെ; ഇഞ്ചി ഉണ്ടെങ്കിൽ ചർമ്മം തിളങ്ങാൻ മാർഗങ്ങൾ അനവധി
• അമിതമായ രോമ വളർച്ച തടയാൻ ഇതാ 5 നുറുങ്ങു വിദ്യകൾ