/indian-express-malayalam/media/agency_attachments/RBr0iT1BHBDCMIEHAeA5.png)
Follow Us/indian-express-malayalam/media/media_files/mCQepbUZjEuI7Lgkplrm.jpg)
അനന്ത് അംബാനി വിവാഹം
മാസങ്ങൾ നീണ്ടുനിന്ന ആഘോഷങ്ങൾക്കൊടുവിൽ മുകേഷ് അംബാനിയുടെയും നിത അംബാനിയുടെയും ഇളയ മകൻ അനന്ത് അംബാനി ഇന്ന് വിവാഹിതനാകും. മുംബൈയിലെ ജിയോ വേൾഡ് കൺവെൻഷൻ സെന്ററിലാണ് ചടങ്ങുകൾ. ദിവസങ്ങൾ നീണ്ടുനിന്ന പ്രീ വെഡ്ഡിങ് ആഘോഷങ്ങൾക്കായി കോടികളാണ് അംബാനി കുടുംബം ചെലവഴിച്ചത്. വിവാഹ ദിനത്തിനുമാത്രം കുടുംബം ചെലവിടുന്നത് 320 മില്യൻ ഡോളർ (ഏകദേശം 2500 കോടി) ആണ്.
അനന്ത്- രാധിക വിവാഹത്തിൽ പങ്കെടുക്കാനെത്തുന്ന അതിഥികൾക്കായി അംബാനി കുടുംബം മൂന്ന് ഫാൽക്കൺ-2000 ജെറ്റുകൾ വാടകയ്‌ക്കെടുത്തിട്ടുണ്ടെന്നാണ് റിപ്പോർട്ട്. ഇതിനു പുറമെ വിവാഹ ആഘോഷങ്ങൾക്കായി 100 സ്വകാര്യ വിമാനങ്ങൾ ഉപയോഗിക്കുന്നുണ്ടെന്ന്, വാർത്താ ഏജൻസിയായ റോയിട്ടേഴ്‌സ് റിപ്പോർട്ട് ചെയ്തു.
അതേസമയം, അനന്തിന്റെ പ്രീ വെഡ്ഡിങ്ങ് ആഘോഷങ്ങൾ ഉൾപ്പെടെ ആകെ വിവാഹത്തിന് ചെലവാക്കുന്ന ഏകദേശ തുക 4,000-5,000 കോടി (അതായത് 0.6 ബില്യൺ ഡോളർ) രൂപയെന്നാണ് ഫോബ്സ് പറയുന്നത്. 123.2 ബില്യൺ ഡോളർ ആസ്തിയുള്ള മുകേഷ് അംബാനിയുടെ ആസ്തിയുടെ 0.5 ശതമാനം മാത്രമാണിത്.
ഷാരൂഖ് ഖാൻ, സൽമാൻ ഖാൻ, ആമിർ ഖാൻ, അമിതാഭ് ബച്ചൻ, ദീപിക പദുക്കോൺ, രൺവീർ സിങ്, പ്രിയങ്ക ചോപ്ര അടക്കമുള്ള ബോളിവുഡ് താരങ്ങൾ, കിം കർദാഷിയാൻ, ക്ലോയി കർദാഷിയാൻ, മുൻ യു.കെ. പ്രധാനമന്ത്രി ബോറിസ് ജോൺസൺ തുടങ്ങി രാഷ്ട്രീയ, വ്യവസായ, സിനിമാരംഗത്തു നിന്നുള്ള നിരവധിപേർ വിവാഹത്തിനായി മുംബൈയിൽ എത്തും.
വിവാഹശേഷം മൂന്നു ദിവസം ആഘോഷപരിപാടികൾ നീണ്ടുനിൽക്കും. ഗായകരായ അഡ‍െയ്‌ലിന്റെയും ഡ്രേക്കിന്റെയും സംഗീതപരിപാടിയും വിവാഹത്തോട് അനുബന്ധിച്ച് നടക്കുമെന്ന് റിപ്പോർട്ടുകളുണ്ട്.
Read More
Stay updated with the latest news headlines and all the latest Lifestyle news. Download Indian Express Malayalam App - Android or iOS.