രാത്രിയിൽ ഇവയിലൊന്ന് പുരട്ടി ഉറങ്ങൂ, ചർമ്മം തിളക്കമുള്ളതാകും

സുഖകരമായ ഉറക്കം നിങ്ങളുടെ ചർമ്മാരോഗ്യത്തിന് നല്ലതാണ്. അതിനെ പിന്തുണയ്ക്കാൻ കിടക്കുന്നതിനു മുമ്പ് ചില കര്യങ്ങൾ ചെയ്യാം. ഉറങ്ങി എഴുന്നേൽക്കുമ്പോൾ തിളക്കമുള്ള ചർമ്മം ലഭിച്ചിരിന്നു എങ്കിൽ എന്ന് നിങ്ങൾ ചിന്തിച്ചിട്ടില്ലേ? സെൻസിറ്റീവ് ചർമ്മം ഉള്ളവരാണെങ്കിൽ രാത്രികാല ചർമ്മ പരിചരണം ഒഴിവാക്കാൻ പാടില്ല.

രാത്രികാലങ്ങളിൽ ഉപയോഗിക്കാവുന്ന ഫെയ്സ് മാസ്കുകൾ ശീലമാക്കാം.

ഓട്സ് സൂത്തിങ് മാസ്ക്

രണ്ട് ടേബിൾസ്പൂൺ ഓട്സിലേയ്ക്ക് ഒരു ടേബിൾസ്പൂൺ തൈര് ചേർത്തിളക്കി യോജിപ്പിക്കാം. ഇത് മുഖത്തു പുരട്ടി രാത്രിയിൽ കിടന്നുറങ്ങാം. രാവിലെ തണുത്ത വെള്ളത്തിൽ കഴുകി കളയാം. 

ഓട്സ് ബീറ്റാ ഗ്ലൂക്കൻസാൽ സമ്പന്നമാണ്. അതിന് ആൻ്റ ഇൻഫ്ലമേറ്ററി, ആൻ്റി ഓക്സിഡൻ്റ് സവിശേഷതകളുണ്ട്. തൈരിലുള്ള ലാക്ടിക് ആഡിസും, പ്രോ ബയോട്ടിക്കുകളും ചർമ്മത്തിന് ഒരു ആവരണം സൃഷ്ടിച്ച് സംരക്ഷിക്കുന്നു. 

കറ്റാർവാഴ ഗ്ലിസറിൻ മാസ്ക്

രണ്ട് ടേബിൾസ്പൂൺ കറ്റാർവാഴ ജെല്ലിലേയ്ക്ക് ഒരു ടേബിൾസ്പൂൺ ഗ്ലിസറിൻ ചേർത്തിളക്കി യോജിപ്പിക്കാം. ഈ മിശ്രിതം കിടക്കുന്നതിനു മുമ്പായി മുഖത്തു പുരട്ടാം. രാവിലെ തണുത്ത വെള്ളത്തിൽ കഴുകി കളയാം. 

കറ്റാർവാഴയിൽ പോളിസാക്കറൈഡുകൾ അടങ്ങിയിട്ടുണ്ട്. ഇത് ചർമ്മത്തെ ഹൈഡ്രേറ്റ് ചെയ്ത് മൃദുവാക്കും. ഗ്ലിസറിൻ ഈർപ്പം നിലനിർത്തുന്നു. 

ചമോമൈൽ റോസ്‌വാട്ടർ മാസ്ക്

ഒരു ടേബിൾസ്പൂൺ ചമോമൈൽ ടീ അരച്ച് പേസ്റ്റ് രൂപത്തിലാക്കാം. ഇതിലേയ്ക്ക് രണ്ട് ടീസ്പൂൺ റോസ് വാട്ടറും, രണ്ട് ടീസ്പൂൺ ക്ലേയും ചേർത്തിളക്കി യോജിപ്പിക്കാം. ഇത് മുഖത്തു പുരട്ടി 20 മുതൽ 30 മിനിറ്റു വരെ വിശ്രമിക്കാം. ശേഷം തണുത്ത വെള്ളത്തിൽ കഴുകി കളയാം.

മുകളിലുള്ള ലേഖനം അറിവ് നൽകുന്നതിന് മാത്രമുള്ളതാണ്, പ്രൊഫഷണൽ മെഡിക്കൽ നിർദേശത്തിന് പകരമാകാൻ ഉദ്ദേശിച്ചുള്ളതല്ല. നിങ്ങളുടെ ആരോഗ്യത്തെക്കുറിച്ചോ ആരോഗ്യസ്ഥിതിയെക്കുറിച്ചോ ഉണ്ടായേക്കാവുന്ന എന്തെങ്കിലും ചോദ്യങ്ങൾക്ക് എല്ലായ്പ്പോഴും നിങ്ങളുടെ ഡോക്ടറുടെയോ മറ്റ് യോഗ്യതയുള്ള ആരോഗ്യ പ്രൊഫഷണലിന്റെയോ മാർഗ്ഗനിർദ്ദേശം തേടുക.

Read More

• അമിതമായ മുടി കൊഴിച്ചിലും ചൊറിച്ചിലും, പ്രതിരോധിക്കാം ഈ ഇല ഉപയോഗിച്ച്
• നിങ്ങൾക്കു ചേർന്ന ജീവിത പങ്കാളിയെ കണ്ടെത്താം; ഈ കാര്യങ്ങൾ ഉറപ്പാക്കൂ
• 40കളിലും തിളങ്ങുന്ന ചർമ്മം, രഹസ്യം വെളിപ്പെടുത്തി പ്രിയങ്ക ചോപ്ര
• എണ്ണ മുതൽ ഹെയർമാസ്ക് വരെ, മുടി പരിചരണത്തിന് കറിവേപ്പില പലവിധത്തിൽ ഉപയോഗിക്കാം
• കണ്ണഴകിന് കൺമഷി ഇനി വീട്ടിൽ തയ്യാറാക്കാം
• നരച്ച മുടി സ്വാഭാവികമായി കറുപ്പിക്കാൻ 7 ചേരുവകൾ