കുളിക്കുമ്പോൾ ദിവസവും ഇത് ഉപയോഗിക്കൂ, ഇനി ചർമ്മ പ്രശ്നങ്ങൾക്ക് മറ്റൊരു പരിഹാരം തേടേണ്ട

അന്തരീക്ഷത്തിലെ പൊടി, എണ്ണ മയം, സമ്മർദ്ദം തുടങ്ങി നിരവധി പ്രശ്നങ്ങൾ നിങ്ങളുടെ  ചർമ്മാവസ്ഥയെ മോശമാക്കിയേക്കാം. ഇത് പരിഹരിക്കാൻ ഒരുപാട് കെമിക്കൽ ഉത്പന്നങ്ങൾ ഉപയോഗിക്കുന്നതിനു പകരം ഇവയ്ക്കെല്ലാം ഒരു ഒറ്റമൂലി എന്തെന്ന് ചിന്തിച്ചിട്ടുണ്ടോ?

Also Read: രാവിലെയോ രാത്രിയോ, ഫെയ്സ്പാക്ക് ഉപയോഗിക്കാൻ അനുയോജ്യമായ സമയം ഏതാണ്?

അടുക്കളയിൽ സുലഭമായ ഉലുവ, കറ്റാർവാഴ ജെൽ, വേപ്പില എന്നിവ ഏറെ ഔഷധ ഗുണങ്ങളുള്ള ചേരുവകളാമ്. ഇവ ആൻ്റി ബാക്ടീരിയൽ, ആൻ്റി ഇൻഫ്ലമേറ്ററി തുടങ്ങിയ സവിശേഷതകളാൽ സമ്പന്നമാണ്. 

തയ്യാറാക്കേണ്ട വിധം

• ഉലുവ വെള്ളത്തിൽ കുതിർത്തെടുക്കാം. അതിലേയ്ക്ക് വേപ്പില, കറ്റാർവാഴ ജെൽ എന്നിവ ചേർത്ത് അരച്ചെടുക്കാം. 
• സോപ്പ് ബേസ് അല്ലെങ്കിൽ ഗ്ലിസറിൻ അടങ്ങിയ പ്ലെയിൻ സോപ്പ് ഉരുക്കിയെടുക്കാം. 
• സോപ്പ് ബേസിലേയ്ക്ക് അരച്ചെടുത്ത മിശ്രിതം ചേർത്തിളക്കി യോജിപ്പിക്കാം. ഇത് ഒരു സിൽക്കോൺ മോൾഡിലേയ്ക്ക് ഒഴിച്ച് തണുക്കാൻ മാറ്റി വയ്ക്കാം. 
• കട്ടിയായി ശേഷം മോൾഡിൽ നിന്നും മാറ്റി ആവശ്യാനുസരണം ഉപയോഗിക്കാം. 

Also Read: തിളക്കമുള്ള യുവത്വം തുളുമ്പുന്ന ചർമ്മം നേടാൻ ഇതാ ഒരു രഹസ്യക്കൂട്ട്

ഗുണങ്ങൾ

ഉലുവ: ഇത് ഒരു പ്രകൃതിദത്ത ക്ലെൻസർ ആയി പ്രവർത്തിക്കാനും, മുഖക്കുരു, കറുത്ത പാടുകൾ എന്നിവ കുറയ്ക്കാനും സഹായിക്കുന്നു. ഇതിലെ ആൻ്റിഓക്സിഡന്റുകൾക്ക് ചർമ്മത്തിലെ ചുളിവുകൾ കുറയ്ക്കാനും യുവത്വം നിലനിർത്താനും കഴിയും, കൂടാതെ വിറ്റാമിനുകൾ ചർമ്മത്തിന് തിളക്കം നൽകുന്നു. ഇത് ചർമ്മത്തെ ശാന്തമാക്കാനും സഹായിക്കും.

വേപ്പില: മുഖക്കുരുവും മുഖക്കുരുവും കുറയ്ക്കുകയും ചർമ്മത്തെ ആരോഗ്യകരമായി നിലനിർത്തുകയും ചെയ്യുന്നു.

Also Read: ഇൻസ്റ്റൻ്റ് ഗ്ലോ നേടാൻ ഇനി ഒരു സ്പൂൺ കടലമാവ് മതി, ഇങ്ങനെ ഉപയോഗിച്ചു നോക്കൂ

കറ്റാർവാഴ ജെൽ: ചർമ്മത്തിന് ഈർപ്പം നൽകുന്നു, വരൾച്ച കുറയ്ക്കുന്നു, മൃദുവായ രൂപം നൽകുന്നു.

ഉപയോഗിക്കേണ്ട വിധം

ഈ ഹെർബൽ സോപ്പ് ദിവസവും അല്ലെങ്കിൽ ആവശ്യാനുസരണം ഉപയോഗിച്ചാൽ മുഖത്തും ചർമ്മത്തിലും ഉണ്ടാകുന്ന എല്ലാ പ്രശ്നങ്ങളും കുറയും. 

മുകളിലുള്ള ലേഖനം അറിവ് നൽകുന്നതിന് മാത്രമുള്ളതാണ്, പ്രൊഫഷണൽ മെഡിക്കൽ നിർദേശത്തിന് പകരമാകാൻ ഉദ്ദേശിച്ചുള്ളതല്ല. നിങ്ങളുടെ ആരോഗ്യത്തെക്കുറിച്ചോ ആരോഗ്യസ്ഥിതിയെക്കുറിച്ചോ ഉണ്ടായേക്കാവുന്ന എന്തെങ്കിലും ചോദ്യങ്ങൾക്ക് എല്ലായിപ്പോഴും നിങ്ങളുടെ ഡോക്ടറുടെയോ മറ്റ് യോഗ്യതയുള്ള ആരോഗ്യ പ്രൊഫഷണലിന്റെയോ മാർഗ്ഗനിർദ്ദേശം തേടുക.

Read More: ഫേഷ്യൽ ഗ്ലോ നേടാൻ പാർലറിൽ പോകേണ്ട, ഉറങ്ങുന്നതിനു മുമ്പ് ഇത് പുരട്ടൂ