ഇൻസ്റ്റൻ്റ് ഗ്ലോ നേടാൻ ഇനി ഒരു സ്പൂൺ കടലമാവ് മതി, ഇങ്ങനെ ഉപയോഗിച്ചു നോക്കൂ

മുഖക്കുരുവും, ചുവപ്പും, പാടുകളും, ടാൻ എന്നിവയൊക്കം പരിചരണം ലഭ്യമല്ലാത്ത ചർമ്മത്തിൽ പ്രകടമായിരിക്കും. ചർമ്മാരോഗ്യം സംരക്ഷിക്കുന്നതിലൂടെ അകാല വാർധക്യത്തിൻ്റെ ലക്ഷണങ്ങൾ ചർമ്മത്തിൽ നിന്നും അകറ്റി നിർത്താൻ സാധിക്കും.

Also Read: ദിവസവും ഉറങ്ങുന്നതിനു മുമ്പ് ഇത് പുരട്ടൂ, ചുളിവുകളും പാടുകളും ഇല്ലാത്ത ചർമ്മം സ്വന്തമാക്കാം

ചർമ്മം വൃത്തിയോടെ സൂക്ഷിക്കുക എന്നത് പ്രധാനമാണ്. പുറത്തു പോയി വന്നാൽ ഉടനെയും കിടക്കുന്നതിനു മുമ്പും മുഖം കഴുകണം. വെറുതെ വെള്ളം ഉപയോഗിക്കുന്നതു കൊണ്ട് മാത്രം ചർമ്മത്തിൽ അടിഞ്ഞു കൂടിയിരിക്കുന്ന അഴുക്കും എണ്ണ മയവും മൃതകോശങ്ങളും നീക്കം ചെയ്യാൻ സാധിക്കില്ല. പകരം ചർമ്മത്തിനിണങ്ങുന്ന ഫെയ്സ് വാഷുകൾ ഉപയോഗിക്കാം. 

Also Read: മുഖക്കുരു മുതൽ വിയർപ്പ് ദുർഗന്ധം അകറ്റുന്നതിനു വരെ, ബേക്കിംഗ് സോഡ ഇനി ഇങ്ങനെയും ഉപയോഗിക്കാം

വിപണിയിൽ ഇത്തരം സൗന്ദര്യ വർധക ഉത്പന്നങ്ങൾക്ക് യാതൊരു കുറവുമില്ല. എന്നാൽ അവയിൽ അടങ്ങിയിരിക്കുന്ന രാസ വസ്തുക്കൾ ചർമ്മാരോഗ്യത്തെ പ്രതികൂലമായി ബാധിച്ചേക്കാം. പ്രകൃതിദത്തമായ ചേരുവകൾ തിരഞ്ഞെടുക്കുക എന്നതാണ് ഉചിതം. കടലമാവ് അത്തരത്തിലൊരു മികച്ച സ്കിൻ എക്സ്ഫോളിയൻ്റാണ്. അതുപയോഗിച്ച് കെമിക്കൽ രഹിത ഫെയ്സ് വാഷ് വളരെ സിംപിളായി വീട്ടിൽ തയ്യാറാക്കാം. 

ചേരുവകൾ

• കടലമാവ്
• മഞ്ഞൾപ്പൊടി
• റോസ് വാട്ടർ 

തയ്യാറാക്കുന്ന വിധം

ഒരു ബൗളിലേയ്ക്ക് അൽപം കടലമാവെടുക്കാം അതിലേയ്ക്ക് ഒരു നുള്ള് മഞ്ഞൾപ്പൊടിയും അൽപം റോസ് വാട്ടറും ചേർത്തിളക്കി യോജിപ്പിക്കാം. ഈ മിശ്രിതം മുഖത്ത് പുരട്ടി മൃദുവായി മസാജ് ചെയ്യാം. ശേഷം തണുത്ത വെള്ളത്തിൽ കഴുകി കളയാം. 

Also Read: ഇതിലൊന്ന് കൈയ്യിലുണ്ടെങ്കിൽ മുഖക്കുരു പമ്പ കടക്കും

ഗുണങ്ങൾ

കടലമാവ് ഒരു മികച്ച എക്സ്ഫോളിയേറ്ററാണ്. ഇത് ചർമ്മത്തിൽ അടിഞ്ഞു കൂടിയ അമിതമായ എണ്ണയും അഴുക്കും മൃതകോശങ്ങളും നീക്കം ചെയ്യും. മഞ്ഞൾപ്പൊടി ബ്ലീച്ചിങ് ഏജൻ്റായി ചർമ്മത്തിൽ പ്രവർത്തിക്കും. ഒമേഗ 3 ഫാറ്റി ആസിഡുകളുടെ സമ്പന്നമായ ഉറവിടമാണ് പാൽ. ചർമ്മ വരണ്ടു പോകുന്നതു തടയാൻ ഇത്  ഗുണപ്രദമാണ്. 

മുകളിലുള്ള ലേഖനം അറിവ് നൽകുന്നതിന് മാത്രമുള്ളതാണ്, പ്രൊഫഷണൽ മെഡിക്കൽ നിർദേശത്തിന് പകരമാകാൻ ഉദ്ദേശിച്ചുള്ളതല്ല. നിങ്ങളുടെ ആരോഗ്യത്തെക്കുറിച്ചോ ആരോഗ്യസ്ഥിതിയെക്കുറിച്ചോ ഉണ്ടായേക്കാവുന്ന എന്തെങ്കിലും ചോദ്യങ്ങൾക്ക് എല്ലായിപ്പോഴും നിങ്ങളുടെ ഡോക്ടറുടെയോ മറ്റ് യോഗ്യതയുള്ള ആരോഗ്യ പ്രൊഫഷണലിന്റെയോ മാർഗ്ഗനിർദ്ദേശം തേടുക.

Read More: രാവിലെയോ രാത്രിയോ, ഫെയ്സ്പാക്ക് ഉപയോഗിക്കാൻ അനുയോജ്യമായ സമയം ഏതാണ്?