ഫേഷ്യൽ ചെയ്യാൻ വീട്ടിലൊരുക്കാം പാർലർ, ഇവ കൈയ്യിലുണ്ടെങ്കിൽ

ടാൻ, കറുത്ത പാടുകൾ, മുഖക്കുരു എന്നിവ അകറ്റാൻ വ്യത്യസ്ത ചർമ്മ പരിചരണ വിദ്യകൾ പാർലറുകളിൽ ലഭ്യമാണ്. അവ സ്വയം ചെയ്യാൻ സാധിക്കില്ല എന്നത് തെറ്റിദ്ധാരണയാണ്. 

വീട്ടിൽ സ്ഥിരമായി ഉപയോഗിക്കുന്ന പല വസ്തുക്കളും ഫേഷ്യൽ ചെയ്യാൻ ഉപയോഗിക്കാവുന്നതാണ്. പാർശ്വഫലങ്ങൾ ഇല്ലാത്ത ചർമ്മ പരിചരണ ഉത്പന്നങ്ങൾ വീട്ടിലെ അടുക്കളയിൽ തന്നെയുണ്ട്. അവ തിരിച്ചറിഞ്ഞ് ഉപയോഗിക്കാം. 

ഫേഷ്യൽ ചെയ്യേണ്ട വിധം

ചർമ്മം ക്ലെൻസ് ചെയ്യാം

കറ്റാർവാഴ അല്ലെങ്കിൽ റോസ് വാട്ടർ ഉപയോഗിച്ച് മുഖം മൃദുവായി മസാജ് ചെയ്ത് തണുത്ത വെള്ളത്തിൽ കഴുകി കളയാം. 

എക്സ്ഫോളിയേറ്റർ

കാപ്പിപ്പൊടി, തേനും പഞ്ചസാരയും, ഓട്സ് പൊടിച്ചത്, ഇവയൊക്കെ മികച്ച പ്രകൃതി ദത്ത സ്ക്രബറുകളാണ്. ഇതിൽ ഉചിതമായത് ചർമ്മത്തിൽ പുരട്ടി മൃദുവായി മസാജ് ചെയ്യാം. ശേഷം തണുത്ത വെള്ളത്തിൽ കഴുകി കളയാം. 

സ്റ്റീം ചെയ്യാം

ചർമ്മ സുഷിരങ്ങളിലെ തടസ്സം നീക്കം ചെയ്യുന്നതിന് ആവി പിടിക്കുന്നത് ഗുണകരമാണ്. വെള്ളം നന്നായി തിളപ്പിച്ച് അതൊരു ബൗളിലേയ്ക്കു മാറ്റാം. ഇതിലയ്ക്ക് ലാവൻഡർ അല്ലെങ്കിൽ ടീ ട്രീ ഓയിലോ ചേർത്ത് ആവി പിടിക്കാം. 5 മുതൽ 7 മിനിറ്റ് വരെ ഇങ്ങനെ ചെയ്യാം. 

ഫെയ്സ് മാസ്ക്

ചർമ്മ പ്രകൃതത്തിനനുസരിച്ചുള്ള ഫെയ്സ്പാക്ക് ഉപയോഗിക്കാം. കാപ്പിപ്പൊടിൽ അൽപം തൈര് ചേർത്തിളക്കി യോജിപ്പിച്ച് മുഖത്ത് പുരട്ടി 15 മിനിറ്റിനു ശേഷം കഴുകി കളയാം. ലഭ്യത അനുസരിച്ച് ചേരുവകൾക്ക് മാറ്റം വരുത്താം. മഞ്ഞൾപ്പൊടിയും തൈരും, കടലമാവും മഞ്ഞളും തൈരും, മുൾട്ടാണി മിട്ടി എന്നിവ ഏത് ചർമ്മാവസ്ഥയിലുള്ളവർക്കും ഉപയോഗിക്കാവുന്ന ഫെയ്സ്മാസ്ക്കുകളാണ്. 

ടോണർ, മോയ്സ്ച്യുറൈസർ

കറ്റാർവാഴ ജെൽ ചർമ്മത്തിൽ പുരട്ടാം. ഇത് ഈർപ്പം തടഞ്ഞു നിർത്തുന്നതിന് സഹായിക്കും.

മുകളിലുള്ള ലേഖനം അറിവ് നൽകുന്നതിന് മാത്രമുള്ളതാണ്, പ്രൊഫഷണൽ മെഡിക്കൽ നിർദേശത്തിന് പകരമാകാൻ ഉദ്ദേശിച്ചുള്ളതല്ല. നിങ്ങളുടെ ആരോഗ്യത്തെക്കുറിച്ചോ ആരോഗ്യസ്ഥിതിയെക്കുറിച്ചോ ഉണ്ടായേക്കാവുന്ന എന്തെങ്കിലും ചോദ്യങ്ങൾക്ക് എല്ലായിപ്പോഴും നിങ്ങളുടെ ഡോക്ടറുടെയോ മറ്റ് യോഗ്യതയുള്ള ആരോഗ്യ പ്രൊഫഷണലിന്റെയോ മാർഗ്ഗനിർദ്ദേശം തേടുക.

Read More

• ഒരു കപ്പ് കാപ്പി മാറ്റി വച്ചോളൂ, നര അകറ്റാൻ ഇനി ഡൈ വാങ്ങേണ്ട
• പാർലറിൽ പോയി സമയം കളയേണ്ട, നഖ സൗന്ദര്യത്തിന് ഇതാ 5 നുറുങ്ങു വിദ്യകൾ
• ലിപ്സ്റ്റിക്കും ബാമും ഇനി കടയിൽ നിന്നും വാങ്ങേണ്ട, ഒരു ബീറ്റ്റൂട്ട് കൈയ്യിലുണ്ടെങ്കിൽ അത് വീട്ടിൽ തയ്യാറാക്കാം
• വിട്ടുമാറാത്ത വായ്നാറ്റത്തിനും പ്രതിവിധിയുണ്ട്, അടുക്കളയിലെ ഈ 6 ചേരുവകൾ മതി