ബ്ലാക്ക് ബോഡികോൺ ഡ്രസും ഡെനിം ജാക്കറ്റും; മെറ്റേർണിറ്റി ഫാഷനിലും തിളങ്ങി ദീപിക

ആദ്യ കുഞ്ഞിനായുള്ള കാത്തിരിപ്പിലാണ് ബോളിവുഡ് താരദമ്പതികളായ രൺവീർ സിങ്ങും ദീപിക പദുക്കോണും. ഗർഭകാലത്തും പൊതുവിടങ്ങളിൽ ദീപിക എത്തുന്നുണ്ട്. കഴിഞ്ഞ ദിവസം കുടുംബത്തിനൊപ്പം മുംബൈയിലെ റസ്റ്ററന്റിൽ ഡിന്നറിന് ദീപിക എത്തിയിരുന്നു.

ദീപികയുടെ മെറ്റേർണിറ്റി ഫാഷനാണ് ആരാധകശ്രദ്ധ നേടുന്നത്. സ്റ്റൈലിഷ് സ്ലൈഡ് സ്ലിറ്റുകളുള്ള ബ്ലാക്ക് ബോഡികോൺ മിഡ് ലെങ്ത് ഡ്രസിലാണ് ദീപിക എത്തിയത്. അതിനൊപ്പം ബ്ലൂ ഡെനിം ജാക്കറ്റും ദീപിക ധരിച്ചിരുന്നു. ഔട്ട്ഫിറ്റിന് ചേരുന്ന സിൽവർ കമ്മലുകളാണ് താരം അണിഞ്ഞത്.

ദീപിക അമ്മയാകാൻ പോകുന്നുവെന്ന വാർത്ത ഈ വർഷമാദ്യമാണ് താരദമ്പതികൾ അറിയിച്ചത്. സെപ്റ്റംബറിൽ തങ്ങളുടെ കുഞ്ഞെത്തുമെന്നും ഇരുവരും ഇൻസ്റ്റഗ്രാമിലൂടെ ആരാധകരെ അറിയിച്ചു. പബ്ലിക് വേദികളിൽ നിന്നുമൊക്കെ അകന്ന് ഗർഭകാല വിശ്രമത്തിലാണ് ദീപിക.

View this post on Instagram

A post shared by DEEPIKA PADUKONE FANPAGE (@deepika.vibes)

കഴിഞ്ഞയാഴ്ച മുംബൈയിൽ വോട്ട് രേഖപ്പെടുത്താൻ എത്തിയപ്പോഴാണ് ഏറെ നാളുകൾക്കു ശേഷം താരത്തെ പാപ്പരാസികൾ കണ്ടത്. ഷാരൂഖ് ഖാനൊപ്പം ജവാനിലാണ് ദീപികയെ പ്രേക്ഷകർ അവസാനമായി കണ്ടത്. രോഹിത് ഷെട്ടിയുടെ സിങ്കം എഗെയ്‌നിലും ദീപികയുണ്ട്. 

2018 നവംബർ 14ന് ഇറ്റലിയിലെ ലേക്ക് കോമോയിൽ വച്ചായിരുന്നു ദീപിക- രൺവീർ വിവാഹം. ആറ് വർഷത്തോളം ഇരുവരും ഡേറ്റിങ്ങിലായിരുന്നു. സഞ്ജയ് ലീല ബൻസാലിയുടെ ഗോലിയോൻ കി രാസ് ലീല രാം ലീലയുടെ സെറ്റിൽ വെച്ചാണ് ഇരുവരും പ്രണയത്തിലാകുന്നത്. ഫൈൻഡിംഗ് ഫാനി, പദ്മാവത്, ബാജിറാവു മസ്താനി തുടങ്ങിയ ചിത്രങ്ങളിലും ഇരുവരും ഒന്നിച്ചു അഭിനയിച്ചിട്ടുണ്ട്. 

Read More

• ഗ്ലാമറസ് ലുക്ക് വിട്ട് ദാവണിയിൽ നാടൻ സുന്ദരിയായി ദീപ്തി സതി
• വൈൻ കളർ ഔട്ട്ഫിറ്റിൽ ബോൾഡ് ലുക്കിൽ സാമന്ത
• സ്വന്തമായി ഫാം ഹൗസ്, 70 ലക്ഷത്തിന്റെ കാർ, ലക്ഷങ്ങൾ വിലവരുന്ന മിനിഡ്രസും ബാഗും; സുഹാന ഖാന്റെ ആസ്തി 13 കോടി
• ഹീരമാണ്ഡിയിലെ രാജകുമാരിയായി മിയ ജോർജ്, 'ബ്യൂട്ടി ക്യൂൻ' എന്ന് ആരാധകർ