/indian-express-malayalam/media/agency_attachments/RBr0iT1BHBDCMIEHAeA5.png)
Follow Us/indian-express-malayalam/media/media_files/mcLrI6xL0pvH21K9latY.jpg)
ആലിയ ഭട്ട്
ബോളിവുഡ് നടി ആലിയ ഭട്ട് ദിവസം കഴിയും തോറും ചെറുപ്പമായി മാറുകയാണെന്ന് തോന്നും. കഴിഞ്ഞ ദിവസം താരം പങ്കെടുത്ത പുസ്തക പ്രകാശന പരിപാടിയിൽ 16 കാരിയെപ്പോലെയാണ് ആലിയ എത്തിയത്. യെല്ലോ ഫ്ലോറൽ പ്രിന്റഡ് ഡ്രസിൽ സ്റ്റൈലിഷ് ലുക്കിലാണ് അമ്മ കൂടിയായ ആലിയ എത്തിയത്.
'ഇഡി ഫൈൻഡ് എ ഹോം' എന്ന ആലിയയുടെ ആദ്യ നോവലിന്റെ പ്രകാശനമാണ് മുംബൈയിൽ നടന്നത്. പരിപാടിക്കായി ഫ്ലോറൽ പ്രിന്റ് നിറഞ്ഞ മാക്സി ഡ്രസാണ് ആലിയ തിരഞ്ഞെടുത്തത്. ബ്രിട്ടീഷ് ആഡംബര ഫാഷൻ ബ്രാൻഡായ ഹൗസ്ഓഫ്സിബിയുടേതാണ് ആലിയ ധരിച്ച ഈ ഔട്ട്ഫിറ്റ്. 17,875 രൂപയാണ് ഈ ഡ്രസിന്റെ വില.
സെലിബ്രിറ്റി സ്റ്റൈലിസ്റ്റ് പ്രിയങ്ക കപാഡിയയാണ് ആലിയയെ സ്റ്റൈൽ ചെയ്തത്. ചെറിയ കമ്മലുകളും മോതിരങ്ങളും ആലിയ അണിഞ്ഞിരുന്നു. ദേവ് ബ്രാൻഡിന്റേതാണ് ആലിയ ധരിച്ച ആഭരണങ്ങൾ. 140,800 രൂപയാണ് ആലിയയുടെ കമ്മലിന്റെ വില. 65,800, 8,500, 10,000 എന്നിങ്ങനെ വിലയുള്ള മോതിരങ്ങളാണ് ആലിയ അണിഞ്ഞത്.
ഫാദേഴ്‌സ് ഡേയിലാണ് തന്റെ ആദ്യ നോവല്‍ ആലിയ പുറത്തിറക്കിയത്. ആലിയയുടെ കിഡ്‌സ് വെയര്‍ ബ്രാന്‍ഡായ ഇഡിഎമ്മയില്‍ നിന്ന് പ്രചോദനം ഉള്‍ക്കൊണ്ടാണ് പരമ്പരയിലെ ആദ്യ പുസ്തകമായ 'ഇഡി ഫൈന്‍ഡ്‌സ് എ ഹോം' പുറത്തിറക്കിയതെന്നാണ് ആലിയ ഇൻസ്റ്റഗ്രാമിൽ കുറിച്ചത്. അഭിനേത്രി, നിർമ്മാതാവ് എന്നീ റോളുകൾക്കു പുറമേ ഒരു എഴുത്തുകാരിയായി കൂടി മാറിയിരിക്കുകയാണ് ഇപ്പോൾ ആലിയ ഭട്ട്.
Read More
Stay updated with the latest news headlines and all the latest Lifestyle news. Download Indian Express Malayalam App - Android or iOS.