മഞ്ജിമ മോഹൻ ധരിച്ച ഈ സാരിയുടെ വില അറിയാമോ?

ബാലതാരമായി അഭിനയ രംഗത്തേക്ക് എത്തിയ താരമാണ് മഞ്ജിമ മോഹൻ. സിനിമയിൽ സജീവമല്ലെങ്കിലും പ്രേക്ഷകർക്ക് ഇന്നും നടി പ്രിയങ്കരിയാണ്. തമിഴ് നടൻ ഗൗതം കാർത്തിക്കിനെയാണ് മഞ്ജിമ വിവാഹം ചെയ്തിരിക്കുന്നത്. ചെന്നൈയിൽ അടുത്ത ബന്ധുക്കളുടെയും സുഹൃത്തുക്കളുടെയും സാന്നിധ്യത്തിൽ ലളിതമായിട്ടായിരുന്നു ഇരുവരുടെയും വിവാഹം.

സോഷ്യൽ മീഡിയയിൽ സാരിയിലുള്ള ചിത്രങ്ങൾ പങ്കുവച്ചിരിക്കുകയാണ് മഞ്ജിമ. റോസ് നിറത്തിലുള്ള ലിനൻ സാരിയിലുള്ള ചിത്രങ്ങളാണ് മഞ്ജിമ പങ്കുവച്ചത്. സാരിയുടെ ഒരു വശത്തായി മാത്രം ചെയ്തിരിക്കുന്ന എംബ്രോയിഡറി വർക്കുകളാണ് ആകർഷണീയം. ഫുൾ സ്ലീവോടുകൂടിയ ബ്ലൗസാണ് മഞ്ജിമ സാരിക്കൊപ്പം തിരഞ്ഞെടുത്തിട്ടുള്ളത്. വലിയൊരു കമ്മൽ മാത്രമാണ് അക്സസറിസായിട്ടുള്ളത്. 

View this post on Instagram

A post shared by Manjima Mohan (@manjimamohan)

കാവാന ബ്രാൻഡിന്റേതാണ് മഞ്ജിമ ധരിച്ച ഈ സാരി. 12,200 രൂപയാണ് സാരിയുടെ വില.

ഗൗതവുമായുള്ള വിവാഹത്തോടെ ആരോഗ്യകരമായ ജീവിതരീതിയിലേക്ക് മാറിയെന്ന് മഞ്ജിമ മുൻപൊരു അഭിമുഖത്തിൽ പറഞ്ഞിരുന്നു. രാവിലെ നേരത്തെ എഴുന്നേൽക്കാൻ തുടങ്ങി. വളരെ വൈകി ഉറങ്ങുകയും എഴുന്നേൽക്കുകയും ചെയ്തിരുന്ന വ്യക്തിയായിരുന്നു ഞാൻ. പക്ഷെ ഇപ്പോൾ മാറി. രാവിലെ നാല് മണിക്ക് ​ഗൗതം എഴുന്നേൽക്കും. രാത്രി എട്ട് മണിക്ക് ഉറങ്ങും. ​ഗൗതം ബോർ‍ഡിങ് സ്കൂളിൽ പഠിച്ചതിനാൽ എല്ലാത്തിനും ചിട്ടയുണ്ട്. താനും ഇപ്പോൾ രാവിലെ എഴുന്നേറ്റു തുടങ്ങിയതായും മഞ്ജിമ അഭിമുഖത്തിൽ പറഞ്ഞു.

Read More

• ബ്ലാക്ക് സാരിയിൽ ട്രെഡീഷണൽ ലുക്കിൽ ലക്ഷ്മി റായ്
• ലോകത്തെ ഏറ്റവും ഉയരം കുറഞ്ഞ ദമ്പതികളെ പരിചയപ്പെടാം
• ഗസലുകളിൽ കേട്ടു മറന്ന നായികയെപ്പോൽ സൽവാറണിഞ്ഞ് പാർവതി തിരുവോത്ത്
• നോക്കിയിരുന്നു പോവും, എന്തൊരു ഭംഗി; സാരിയിൽ മനോഹരിയായി നവ്യ നായർ