പ്രശ്നം പരിഹരിച്ചു; ജോലിയിൽ തിരികെ പ്രവേശിക്കുമെന്ന് ഭീഷണി നേരിട്ട വില്ലേജ് ഓഫീസർ

പത്തനംതിട്ട: സിപിഎം പത്തനംതിട്ട ഏരിയ സെക്രട്ടറിയിൽ നിന്ന് ഭീഷണി നേരിട്ടതായി ആരോപിച്ച വില്ലേജ് ഓഫീസർ തിരികെ ജോലിയിൽ പ്രവേശിക്കും. പ്രശ്നം പരിഹരിച്ചെന്നും നാളെ മുതൽ ജോലിയിൽ പ്രവേശിക്കുമെന്നും നാരങ്ങാനം വില്ലേജ് ഓഫീസർ ജോസഫ് ജോർജ് പറഞ്ഞു.

സിപിഎം ഏരിയാ സെക്രട്ടറി എം.വി സഞ്ജു ഭീഷണിപ്പെടുത്തിയെന്നായിരുന്നു വില്ലേജ് ഓഫീസറുടെ ആരോപണം. നികുതി കുടിശ്ശിക അടയ്ക്കാൻ ആവശ്യപ്പെട്ടതിനെ തുടർന്ന് ഏരിയ സെക്രട്ടറി ഓഫീസിൽ കയറി വെട്ടുമെന്ന് വില്ലേജ് ഓഫിസറെ ഭീഷണിപ്പെടുത്തുന്നതിന്റെ ശബ്ദരേഖയടക്കം പുറത്തു വന്നിരുന്നു.

നികുതി കുടിശ്ശിക തീർക്കാമെന്നും അണികളിൽ നിന്ന് പ്രശ്നമൊന്നും ഉണ്ടാകില്ലെന്നും ഏരിയാ സെക്രട്ടറി അറിയിച്ചെന്ന് വില്ലേജ് ഓഫീസർ പറഞ്ഞു. ഭീഷണിയെ തുർന്ന് വില്ലേജ് ഓഫീസർ സ്ഥലംമാറ്റം ആവശ്യപ്പെട്ടിരുന്നു. പത്തനംതിട്ട ജില്ല കളക്ടർക്ക് നൽകിയ അവധി അപേക്ഷയിലായിരുന്നു സ്ഥലംമാറ്റം ആവശ്യപ്പെട്ടത്. നാരങ്ങാനം വില്ലേജ് ഓഫീസിൽ ജോലി ചെയ്യാൻ ഭയമാണെന്നായിരുന്നു ജോസഫ് ജോർജ് പറഞ്ഞത്. 

Read More

• എമ്പുരാനെപ്പറ്റി മോഹൻലാൽ ഹാപ്പിയല്ല,പിന്നെ താൻ എന്തിന് കാണണം: രാജീവ് ചന്ദ്രശേഖർ
• 'എമ്പുരാൻ' രാഷ്ട്രീയവൽക്കരിച്ചതിന്റെ ക്രെഡിറ്റ് സഖാവ് പിണറായി വിജയന് കൊടുക്കണം: രാജീവ് ചന്ദ്രശേഖർ
• Empuraan: സുപ്രിയ അർബൻ നക്‌സൽ,മല്ലിക സുകുമാരൻ മരുമകളെ നിലക്ക് നിർത്തണം:വിവാദ പരാമർശവുമായി ബി ഗോപാലകൃഷ്ണൻ
• Empuraan: പൃഥിരാജിനെതിരെ വീണ്ടും വിമർശനവുമായി ആർ.എസ്.എസ് മുഖവാരിക;സിനിമയിൽ ശത്രുക്കളുണ്ടെന്ന് മല്ലിക സുകുമാരൻ