യുഡിഎഫ് നേതൃയോഗം ഇന്ന്; ശശി തരൂർ വിഷയം ചർച്ചയായേക്കും

കൊച്ചി: വിവാദങ്ങൾക്കിടെ യുഡിഎഫ് നേതൃയോഗം ഇന്ന് ചേരും. രാവിലെ 10 ന് എറണാകുളം കളമശ്ശേരിയിലാണ് യോഗം. പ്രതിപക്ഷ നേതാവ് വിഡി സതീശൻ നയിക്കുന്ന തീരദേശ ജാഥയുടെ സമയക്രമം തീരുമാനിക്കലാണ് പ്രധാന അജണ്ട. തദ്ദേശ തിരഞ്ഞെടുപ്പ് മുന്നൊരുക്കങ്ങളും മലയോര ജാഥയുടെ അവലോകനവും യോഗത്തിലുണ്ടായേക്കും.

ശശി തരൂർ വിഷയം

യുഡിഎഫിനെ ഏറെ പിടിച്ചുകുലുക്കിയ ശശി തരൂരുമായി ബന്ധപ്പെട്ടുള്ള വിഷയങ്ങൾ നേതൃയോഗത്തിൽ ചർച്ചയായേക്കും. ഐഇ മലയാളം പോഡ്‌കാസ്റ്റ് പരിപാടി വർത്തമാനം പുറത്തുവന്നതിന് പിന്നാലെ പ്രതികരണവുമായി കോൺഗ്രസ്, ഘടകകക്ഷി നേതാക്കൾ രംഗത്തെത്തിയിരുന്നു.

അതിനിടെ തരൂർ ക്രൗഡ് പുള്ളറാണെന്നും അദ്ദേഹത്തിന് യുഡിഎഫ് വേണ്ട രീതിയിൽ ഉപയോഗികണമെന്നും ആവശ്യപ്പെട്ട് മുസ്ലീം ലീഡ് സംസ്ഥാന അധ്യക്ഷൻ പാണക്കാട് ഷിബാബ് തങ്ങൾ രംഗത്തെത്തിയിരുന്നു. 

തരൂർ വിവാദം യുഡിഎഫിന് തിരിച്ചടിയുണ്ടാക്കിയേക്കുമെന്ന ആശങ്ക ചില ഘടകകക്ഷികൾ യോഗത്തിൽ ഉന്നയിച്ചേക്കും. തരൂർ വിവാദത്തിൽ പരസ്യപ്രതികരണങ്ങളിൽ നിന്നും കോൺഗ്രസ് സംസ്ഥാന നേതൃത്വത്തെ ഹൈക്കമാൻഡ് വിലക്കിയിട്ടുണ്ട്.

ഹൈക്കമാൻഡുമായുള്ള ചർച്ച നാളെ

നിയമസഭ തിരഞ്ഞെടുപ്പ് ഒരുക്കങ്ങൾക്കായി ഹൈക്കമാൻഡ് വിളിച്ച സംസ്ഥാന നേതാക്കളുമായിട്ടുള്ള ചർച്ച ഇന്ന് ആരംഭിക്കും. അസം അടക്കമുള്ള സംസ്ഥാന നേതാക്കളുമായിട്ടാണ് ഇന്ന് ചർച്ച.

കേരളത്തിലെ നേതാക്കളുമായിട്ടുള്ള ചർച്ച നാളെയാണ്. പുതിയ ആസ്ഥാന മന്ദിരമായ ഇന്ദിരാ ഭവനിൽ നടക്കുന്ന ചർച്ചകളിൽ പ്രസിഡന്റ് മല്ലികാർജുൻ ഖാർഗെയും രാഹുൽഗാന്ധിയും അടക്കം സംബന്ധിക്കും.

Read More

• Shashi Tharoor Podcast:"ഞാൻ മോഹൻ ഭാഗവതിനോട് പറഞ്ഞു, ‘സർ, ഇത് എന്റെ ഹിന്ദു മതമല്ല.’ അദ്ദേഹം പറഞ്ഞു, ‘എന്റേതും അല്ല’: ശശി തരൂർ
• Shashi Tharoor Podcast: കോൺഗ്രസിൽ ധാരാളം നേതാക്കളുണ്ട്, പക്ഷേ പ്രവർത്തകരില്ല: ശശിതരൂർ
• Shashi Tharoor Podcast: ഞാൻ ചെയ്യുന്ന എന്തിലും കുറ്റം കണ്ടെത്തുന്നവർ തുടക്കം മുതൽ എന്റെ സ്വന്തം പാർട്ടിയിലുണ്ട്: ശശിതരൂർ
• Shashi Tharoor Podcast: ജ്യോതിഷിയല്ല, ഭാവിയിൽ എന്താണ് സംഭവിക്കാൻ പോകുന്നതെന്ന് എനിക്കറിയില്ല: ശശി തരൂർ
• Shashi Tharoor Podcast: കമ്മ്യൂണിസ്റ്റുകാർ എപ്പോഴും പുതിയത് എന്തിനെയും എതിർക്കുന്നു, 15 വർഷത്തിന് ശേഷം അതിനെ സ്വീകരിക്കുന്നു: ശശി തരൂർ
• Shashi Tharoor Podcast: പാർട്ടിക്ക് വേണ്ടെങ്കിൽ, ഞാൻ എന്റെ വഴിക്ക് പോകും: ശശി തരൂർ