റെയിൽ പാളത്തിന് കുറുകെ ടെലിഫോൺ പോസ്റ്റ്; പ്രതികൾ പിടിയിൽ

കൊല്ലം: കുണ്ടറയിൽ റെയിൽ പാളത്തിന് കുറുകെ ടെലിഫോൺ പോസ്റ്റ് വച്ച സംഭവത്തിൽ പ്രതികൾ പിടിയിൽ. കുണ്ടറ സ്വദേശി രാജേഷ്, പെരുമ്പുഴ സ്വദേശി അരുൺ‌ എന്നിവരെയാണ് കുണ്ടറ പൊലീസ് കസ്റ്റഡിയിലെടുത്തിരിക്കുന്നത്. സിസി‍ടിവി ദൃശ്യങ്ങളിൽ കണ്ടവർ തന്നെയാണ് പിടിയിലായിരിക്കുന്നതെന്നാണ് പ്രാഥമിക വിവരം.

പ്രതികളെ പൊലീസ് ചോദ്യം ചെയ്യുകയാണ്. ഇവർ മുൻപും ചില കേസുകളിൽ പ്രതികളായിരുന്നുവെന്ന് പൊലീസ് പറയുന്നു. റെയിൽവേ പൊലീസ്, കുണ്ടറ പൊലീസ്, എഴുകോൺ പൊലീസ്, മധുര റെയിൽവേ ക്രൈം ബ്രാഞ്ചും ചേർന്നാണ് സംഭവത്തിൽ അന്വേഷണം നടത്തിയത്. ഇന്ന് പുലര്‍ച്ചെ രണ്ടു മണിയോടെയാണ് റെയിൽവേ ട്രാക്കിൽ ടെലിഫോൺ പോസ്റ്റ് കണ്ടെത്തിയത്.

റെയില്‍ പാളത്തിന് കുറുകെ വച്ച നിലയില്‍ ടെലിഫോൺ പോസ്റ്റ് കണ്ട പ്രദേശവാസിയാണ് പൊലീസിനെ വിവരം അറിയിച്ചത്. ഉടന്‍ തന്നെ എഴുകോണ്‍ പൊലീസ് സ്ഥലത്തെത്തി ടെലിഫോൺ പോസ്റ്റ് നീക്കം ചെയ്തു. സംഭവത്തിൽ അട്ടിമറി സാധ്യത ഉള്‍പ്പെടെ പൊലീസ് അന്വേഷിക്കുന്നുണ്ട്. ഇവര്‍ക്ക് പുറമെ കൂടുതൽ പ്രതികളുണ്ടോയെന്നും പൊലീസ് അന്വേഷിച്ചു വരുകയാണ്.

Read More

• തായലൻഡിൽ നിന്ന് കാരക്കാമുറിയിലെ പാർസലായി കഞ്ചാവ്; കൈയ്യോടെ പൊക്കി കസ്റ്റംസ്
• കാക്കനാട് ക്വാർട്ടേഴ്സിൽ മൃതദേഹം കണ്ടെത്തിയ സംഭവം: മൂന്ന് പേരുടേതും തൂങ്ങിമരണമെന്ന് പോസ്റ്റ്‌മോര്‍ട്ടം റിപ്പോര്‍ട്ട്
• ഒന്നര ലക്ഷം കോടിയുടെ നിക്ഷേപ വാഗ്ദാനം; ഇൻവെസ്റ്റ് കേരള സമാപിച്ചു
• പിസി ജോർജിനെ അറസ്റ്റ് ചെയ്യാൻ സാധ്യത
• പാളത്തിന് കുറുകെ ടെലിഫോൺ പോസ്റ്റ്; കൊല്ലത്ത് ട്രെയിൻ അട്ടിമറിക്കാൻ ശ്രമം നടന്നതായി സംശയം