പാളത്തിന് കുറുകെ ടെലിഫോൺ പോസ്റ്റ്; കൊല്ലത്ത് ട്രെയിൻ അട്ടിമറിക്കാൻ ശ്രമം നടന്നതായി സംശയം

കൊല്ലം: കൊല്ലം കുണ്ടറയിൽ ട്രെയിൻ അട്ടിമറിക്കാൻ ശ്രമം നടന്നതായി സംശയം. റെയിൽവേ പാളത്തിന് കുറുകേ വച്ച നിലയിൽ ടെലിഫോൺ പോസ്റ്റ് കണ്ടെത്തി. ശനിയാഴ്ച പുലർച്ചെയാണ് സംഭവം. പുനലൂര്‍ റെയില്‍വേ പൊലീസ് അന്വേഷണം ആരംഭിച്ചിട്ടുണ്ട്.

പാലരുവി ട്രെയിൻ കടന്നുപോകുന്നതിന് മുൻപായി രാത്രി രണ്ടു മണിയോടെയാണ് സംഭവം. പ്രദേശവാസി അറിയിച്ചതിനെ തുടർന്ന് ഏഴുകോണ്‍ പൊലീസ് സ്ഥലത്തെത്തി പോസ്റ്റ് പാളത്തിൽ നിന്ന് മാറ്റുകയായിരുന്നു. ഇതിനു ശേഷവും പോസ്റ്റ് പാളത്തിൽ കണ്ടതോടെയാണ് അട്ടിമറിയാകാമെന്ന് സംശയം ശക്തമായത്.

ട്രാക്കിൽ നിന്ന് പോസ്റ്റു മാറ്റി ഏതാനും മണിക്കൂറുകൾക്ക് ശേഷം റെയിൽവേ പൊലീസ് സ്ഥലത്ത് നടത്തിയ പരിശോധനയിലാണ് വീണ്ടും പാളത്തിൽ പോസ്റ്റു കണ്ടത്. അട്ടിമറി സാധ്യത കേന്ദ്രീകരിച്ചാണ് അന്വേഷണം നടക്കുന്നത്. പ്രദേശത്തെ സിസിടിവി ദൃശ്യങ്ങളും പൊലീസ് പരിശോധിക്കുന്നുണ്ട്.

Read More

• ഇടുക്കിയിൽ ജീപ്പ് കൊക്കയിലേക്ക് മറിഞ്ഞ് അപകടം; ഒളിമ്പ്യൻ ബീനാമോളുടെ സഹോദരിയും ഭർത്താവും അടക്കം 3 പേർ മരിച്ചു
• കേരളത്തിന് മൂന്നു ലക്ഷം കോടിയുടെ വികസന പദ്ധതികൾ; പ്രഖ്യാപനവുമായി കേന്ദ്രമന്ത്രി നിതിൻ ഗഡ്കരി
• വിദ്വേഷപരാമര്‍ശ കേസ്; പി.സി ജോര്‍ജിന്റെ മുന്‍കൂര്‍ ജാമ്യാപേക്ഷ തള്ളി ഹൈക്കോടതി
• വ്യവസായ നിക്ഷേപ രംഗത്ത് മാറ്റം ഉണ്ടാകുമോ? ഇന്‍വെസ്റ്റ് കേരള ആഗോള നിക്ഷേപക സംഗമത്തിന് ഇന്ന് തുടക്കം