ശബരിമലയിൽ പ്രത്യേക കാലാവസ്ഥ മുന്നറിയിപ്പ്; മൂന്ന് മണിക്കൂർ ഇടവിട്ട് പ്രവചനം

തിരുവനന്തപുരം: ശബരിമല തീർഥാടകർക്ക് പ്രത്യേക കാലാവസ്ഥാ പ്രവചനവുമായി തിരുവനന്തപുരം കാലാവസ്ഥാ നിരീക്ഷണ കേന്ദ്രം. മാറുന്ന കാലാവസ്ഥ കണക്കിലെടുത്താണ് പ്രത്യേക മുന്നറിയിപ്പുകൾ നൽകിയത്. സന്നിധാനം, പമ്പ, നിലയ്ക്കൽ എന്നിങ്ങനെ ശബരിമല തീർഥാടനകേന്ദ്രത്തെ മൂന്ന് സ്റ്റേഷനുകളായി തിരിച്ചാണ് പ്രവചനം. 

ഈ മൂന്നിടങ്ങളിലും ബുധൻ, വ്യാഴം, ദിവസങ്ങളിൽ ഇടിമിന്നലോട് കൂടിയ ശക്തമായ മഴയ്ക്ക് സാധ്യതയുണ്ടെന്നാണ് ആദ്യ പ്രവചനം. മൂന്നുമണിക്കൂർ ഇടവിട്ട് മഴ മുന്നറിയിപ്പും തത്സമയം പ്രത്യേകമായി നൽകുമെന്നും കാലാവസ്ഥാ വകുപ്പ് അറിയിച്ചു. ഇതാദ്യമായാണ് ശബരിമലയിൽ കാലാവസ്ഥ പ്രവചനത്തിന് വിപുലമായ ക്രമീകരണങ്ങൾ ഏർപ്പെടുത്തുന്നത്. 

നേരത്തെ ശബരിമലയിലെത്തുന്ന തീർഥാടകർക്ക് സുഗമമായ തീർഥാടനം ഏർപ്പെടുത്തുന്നതിന്റെ ഭാഗമായി എഐ ചാറ്റ് ബോട്ട് പത്തനംതിട്ട ജില്ലാ ഭരണകൂടം ആവിഷ്‌കരിച്ചിരുന്നു. സ്വാമി ചാറ്റ് ബോട്ട് എന്ന് പേര് നൽകിയ എഐ അസിസ്റ്റന്റിലൂടെ ശബരിമലയെ സംബന്ധിച്ചുള്ള എല്ലാ വിവരങ്ങളും ലഭ്യമാക്കും. ആറ് ഭാഷകളിൽ ഇത് ലഭ്യമാണ്.

Read More

• ശബരിമലയിൽ സേവനത്തിന് 'സ്വാമി ചാറ്റ് ബോട്ട്'; എന്താണ് പുതിയ സംവിധാനം
• ശബരിമല തീർഥാടനം; പമ്പയിൽ ചെറുവാഹനങ്ങൾക്ക് പാർക്കിങ് അനുവദിച്ചു
• ശബരിമല തീർഥാടനം; ബെംഗളൂരു റൂട്ടിൽ സ്‌പെഷ്യൽ ട്രെയിൻ
• ശബരിമല ഭക്തർക്ക് ദാഹമകറ്റാൻ ചൂടുവെള്ളം; പതിനാറായിരത്തോളം ഒരേ സമയം വിരിവയ്ക്കാൻ സൗകര്യം
• ഇരുമുടിക്കെട്ടിൽ ഇനി ഇവ വേണ്ട; കെട്ടുനിറയ്ക്കുമ്പോൾ ശ്രദ്ധിക്കേണ്ടവ