തൃശ്ശൂർ ജില്ലാ കമ്മിറ്റിക്ക് വിലക്ക്; തിരഞ്ഞെടുപ്പ് കമ്മീഷന് കത്തയച്ച് സീതാറാം യെച്ചൂരി

ഡൽഹി: സിപിഎം തൃശ്ശൂർ ജില്ലാ കമ്മിറ്റിക്ക് ആദായ നികുതി വകുപ്പ് നോട്ടീസ് അയച്ച സംഭവത്തിൽ തിരഞ്ഞെടുപ്പ് കമ്മീഷന് കത്തയച്ച് സീതാറാം യെച്ചൂരി. ആദായ നികുതി നടപടി അപലപനീയമാണെന്നും ബാങ്ക് അക്കൗണ്ടുകളുടെ വിവരം തിരഞ്ഞെടുപ്പ് കമ്മീഷനും ആദായ നികുതി വകുപ്പിനും നൽകിയതാണെന്നും അദ്ദേഹം പറഞ്ഞു.

"കേരളത്തിൽ സിപിഎം നേതൃത്വം നൽകുന്ന എൽഡിഎഫ് സർക്കാരിനെതിരായ മോദി സർക്കാരിന്റെ ആസൂത്രിത നീക്കമാണിത്. സമാനമായ മറ്റൊരു കേസിൽ ആദായ നികുതി വകുപ്പ് സുപ്രീം കോടതിയിൽ പറഞ്ഞത് തിരഞ്ഞെടുപ്പ് സമയത്ത് അക്കൗണ്ട്‌ മരവിപ്പിക്കുന്നത് അടക്കമുള്ള നടപടികൾ ഉണ്ടാകില്ല എന്നായിരുന്നു," യെച്ചൂരി പറഞ്ഞു.

"ഇത്തരം നടപടികൾ സ്വീകരിക്കുന്നതിന് മുന്നേ ആദായ നികുതി വകുപ്പ് തിരഞ്ഞെടുപ്പ് കമ്മീഷന്റെ അനുമതി വാങ്ങിയോ എന്ന് അറിയില്ല. തിരഞ്ഞെടുപ്പ് പെരുമാറ്റ ചട്ടം നിലനിൽക്കുന്ന സാഹചര്യത്തിലെ ഇത്തരം നടപടികൾ സുതാര്യമായ തിരഞ്ഞെടുപ്പ് അട്ടിമറിക്കാനാണ്," യെച്ചൂരി പറഞ്ഞു.

"ബിജെപി തൃശ്ശൂരിൽ മത്സരിക്കുന്നത് യാദൃശ്ചികമാണോ. ഭരണഘടനാ അനുച്ഛേദം 324 പ്രകാരം തിരഞ്ഞെടുപ്പ് പൂർത്തിയാക്കുന്നത് വരെ നടപടികൾ നിർത്തിവെക്കാൻ ആദായ നികുതി വകുപ്പിന് തിരഞ്ഞെടുപ്പ് കമ്മീഷൻ നിർദേശം നൽകണം," യെച്ചൂരി കത്തിലൂടെ ആവശ്യപ്പെട്ടു.

Read More:

• സിദ്ധാർത്ഥന്റെ മരണം; സിബിഐക്ക് പിന്നാലെ മനുഷ്യാവകാശ കമ്മീഷനും പൂക്കോട്ടേക്ക്
• കരുവന്നൂ‍ര്‍ ബാങ്ക് കേസ്; സിപിഎമ്മിനെ കുരുക്കാൻ ഇ.ഡി; 5 രഹസ്യ അക്കൗണ്ട് വിവരങ്ങൾ തിരഞ്ഞെടുപ്പ് കമ്മീഷന് നൽകി
• കടലാക്രമണ സാധ്യത; തീരപ്രദേശത്ത് ഇന്നും ജാഗ്രതാ നിര്‍ദേശം
• 'മുഖ്യമന്ത്രി ചതിച്ചു, ക്ലിഫ് ഹൗസിന് മുന്നിൽ സമരമിരിക്കും'; സർക്കാരിനെതിരെ സിദ്ധാർത്ഥന്റെ അച്ഛൻ
• 'സർക്കാർ മാറുമ്പോൾ മറുപടി നൽകും'; ബിജെപിക്കെതിരെ രാഹുൽ ഗാന്ധി