എസ്.അരുൺകുമാർ നമ്പൂതിരി ശബരിമല മേൽശാന്തി, വാസുദേവൻ നമ്പൂതിരി മാളികപ്പുറം മേൽശാന്തി

പത്തനംതിട്ട: എസ്.അരുൺകുമാർ നമ്പൂതിരി ശബരിമലയിലെ പുതിയ മേൽശാന്തി. കൊല്ലം ശക്തികുളങ്ങര സ്വദേശിയാണ്. ആറ്റുകാൽ ക്ഷേത്രത്തിലെ മുൻ മേൽശാന്തിയായിരുന്നു. പന്തളം കൊട്ടാരത്തിലെ ഇളംമുറക്കാരൻ ഋഷികേശ് വർമയാണ് ശബരിമല മേൽശാന്തിയെ തിരഞ്ഞെടുത്തത്. 

കോഴിക്കോട് സ്വദേശിയായ വാസുദേവൻ നമ്പൂതിരിയാണ് മാളികപ്പുറം മേൽശാന്തി. പന്തളം കൊട്ടാരത്തിലെ ഇളംമുറക്കാരി വൈഷ്ണവിയാണ് മാളികപ്പുറം മേൽശാന്തിയെ തിരഞ്ഞെടുത്തത്. നവംബർ 15 ന് പുതിയ മേൽശാന്തിമാർ ചുമതലയേൽക്കും.

തുലാമാസ പൂജകൾക്കായി ശബരിമല നട ഇന്നലെ തുറന്നു. ഇന്നലെ വൈകിട്ട് തന്ത്രിമാരായ കണ്ഠര് രാജീവര് , കണ്ഠര് ബ്രഹ്മദത്തൻ എന്നിവരുടെ സാന്നിധ്യത്തിൽ മേൽശാന്തി പി.എൻ.മഹേഷ് നട തുറന്നു. ഇന്നു രാവിലെ 5ന് അഷ്ടദ്രവ്യ മഹാഗണപതി ഹോമത്തോടെ പൂജകൾ തുടങ്ങി. 

വൃശ്ചികപ്പുലരിയിൽ പുതിയ മേൽശാന്തിമാരാകും ക്ഷേത്ര നടകൾ തുറക്കുക. ചിത്തിര ആട്ട വിശേഷത്തിനായി 30ന് വൈകിട്ട് 5ന് നടതുറക്കും. തുലാമാസ പൂജകൾ പൂർത്തിയാക്കി 21-ന് രാത്രി 10ന് നട അടയ്ക്കും. മണ്ഡലകാലത്തിന് തുടക്കം കുറിച്ച് നവംബർ 15-ന് ക്ഷേത്രനട വീണ്ടും തുറക്കും.

Read More

• പാലക്കാട് പി.സരിൻ ഇടത് സ്വതന്ത്ര സ്ഥാനാർത്ഥിയായേക്കും; വന്നാൽ ചേർത്തു പിടിക്കുമെന്ന് സിപിഎം
• അപകടം സംഭവിച്ചാല്‍ ആദ്യ മണിക്കൂറുകള്‍ പ്രധാനം; സമഗ്ര ട്രോമ കെയര്‍ സംവിധാനം എല്ലാ ജില്ലകളിലേക്കുമെന്ന് മന്ത്രി
• ദിവ്യയുടെ പെരുമാറ്റം അപക്വം; സിപിഎം പത്തനംതിട്ട ജില്ലാ കമ്മറ്റി
• മണലിപ്പുഴയിൽ തലയില്ലാത്ത മൃതദേഹം കണ്ടെത്തി