നായകളെ പൂട്ടിയിട്ട് തീകൊളുത്തി; കണ്ണൂരിൽ റിസോര്‍ട്ട് ജീവനക്കാരൻ തൂങ്ങിമരിച്ച നിലയിൽ

കണ്ണൂർ: കണ്ണൂരിൽ റിസോർട്ടിനു തീയിട്ടശേഷം ജീവനക്കാരൻ തൂങ്ങിമരിച്ച നിലയിൽ. റിസോര്‍ട്ടിലെ സുരക്ഷാ ജീവനക്കാരനായ പാലക്കാട് സ്വദേശിയാണ് ജീവനൊടുക്കിയത്. കണ്ണൂർ പയ്യാമ്പലത്ത് ബുധനാഴ്ച ഉച്ചയോടെയാണ് സംഭവം. റിസോർട്ടിലെ നായകളെ മുറിയിൽ പൂട്ടിയിട്ട് തീകൊളുത്തിയതിനു പിന്നാലെയാണ് ഇയാളെ മരിച്ച നിലയിൽ സമീപത്തെ വീട്ടിൽ കണ്ടെത്തിയത്.

റിസോര്‍ട്ടിലെ രണ്ടു വളർത്തുനായകളെ താഴത്തെ നിലയിൽ പൂട്ടിയിട്ട ശേഷം ഗ്യാസ് സിലിണ്ടര്‍ തുറന്ന് തീയിടുകയായിരുന്നു എന്നാണ് വിവരം. ഫയര്‍ ഫോഴ്‌സ് എത്തി രക്ഷാപ്രവര്‍ത്തനം നടത്തുന്നതിനിടെയാണ് തീകൊളുത്തിയത്. ഇയാളെ ജോലിയിൽ നിന്ന് പിരിച്ചുവിടുമെന്ന് റിസോർട്ട് ഉടമ അറിയിച്ചിതിനെ തുടർന്നുള്ള വൈരാഗ്യമാണ് സംഭവത്തിന് പിന്നിലെന്നാണ് റിപ്പോർട്ട്. 

റിസോർട്ട് ഭാഗികമായി കത്തിനശിച്ചു. തീയിട്ട ശേഷം ഇയാൾ റിസോർട്ടിൽ നിന്ന് പുറത്തേക്ക് ഓടി പോവുകയായിരുന്നു. സമീപത്തെ ആളൊഴിഞ്ഞ വീട്ടിൽ നിന്നാണ് ഇയാളെ തൂങ്ങിമരിച്ച നിലയിൽ കണ്ടെത്തിയത്. മൃതദേഹം കണ്ണൂര്‍ ജില്ലാ ആശുപത്രിയിൽ സൂക്ഷിച്ചിരിക്കുകയാണ്.

സംഭവത്തിൽ പൊലീസ് അന്വേഷണം ആരംഭിച്ചിട്ടുണ്ട്. പയ്യാമ്പലം ബീച്ചിന് സമീപത്തായി പ്രവർത്തിക്കുന്ന റിസോര്‍ട്ടിലാണ് സംഭവം. പൊള്ളലേറ്റ രണ്ടു വളർത്തു നായകളും ചത്തു.

ശ്രദ്ധിക്കുക, ആത്മഹത്യ ഒന്നിനും പരിഹാരമല്ല. മാനസികാരോഗ്യ വിദഗ്ധരുടെ സഹായത്തിനായി വിളിക്കൂ:Pratheeksha: 0484 2448830; Roshni: 040 790 4646, Aasra: 022 2754 6669 and Sanjivini: 011-24311918

Read More

• ആരിഫ് മുഹമ്മദ് ഖാനെ മാധ്യമങ്ങള്‍ മഹത്വവല്‍ക്കരിക്കുന്നു; വിമർശിച്ച് എം.വി.ഗോവിന്ദൻ
• നവീൻ ബാബുവിന് കൈക്കൂലി നല്‍കിയതിന് തെളിവില്ലെന്ന് വിജിലന്‍സ് റിപ്പോര്‍ട്ട്
• പ്രതീക്ഷകളുടെ പുൽക്കൂട് ഒരുക്കി വീണ്ടുമൊരു ക്രിസ്മസ്
• സംഭവബഹുലം; ആരിഫ് മുഹമ്മദ് ഖാന്റെ അഞ്ച് വർഷം
• ആരിഫ് മുഹമ്മദ് ഖാന് മാറ്റം; രാജേന്ദ്ര വിശ്വനാഥ് ആർലേകർ പുതിയ കേരള ഗവർണ്ണർ