ആരിഫ് മുഹമ്മദ് ഖാന് മാറ്റം; രാജേന്ദ്ര വിശ്വനാഥ് ആർലേകർ പുതിയ കേരള ഗവർണ്ണർ

ന്യൂഡൽഹി: കേരള ഗവർണ്ണർ ആരിഫ് മുഹമ്മദ്ദ് ഖാന് സ്ഥലമാറ്റം .ബീഹാർ ഗവർണ്ണറായി ആരിഫ് മുഹമ്മദ് ഖാനെ രാഷ്ട്രപതി നിയമിച്ചു. രാജേന്ദ്ര വിശ്വനാഥ് ആർലേകറാണ് പുതിയ കേരള ഗവർണ്ണർ. നിലവിൽ ബീഹാറിന്റെ ഗവർണ്ണറായി ചുമതല വഹിച്ചുവരികയായിരുന്നു അദ്ദേഹം. വരുന്ന വർഷം ബീഹാറിൽ നിയമസഭാ തിരഞ്ഞെടുപ്പ് നടക്കാനിരിക്കെയാണ് ആരിഫ് മുഹമ്മദ് ഖാനെ അവിടെ ഗവർണ്ണറായി നിയമിക്കുന്നതെന്നത് ശ്രദ്ധേയമാണ്. കഴിഞ്ഞ സെപ്റ്റംബറിൽ ആരിഫ് മുഹമ്മദ് ഖാൻറെ കാലാവധി പൂർത്തിയായിരുന്നു. അതിനുശേഷവും അദ്ദേഹം ഗവർണ്ണറുടെ ചുമതല വഹിച്ചുവരികയായിരുന്നു.

സംസ്ഥാന സർക്കാരും ആരിഫ് മുഹമ്മദ് ഖാനുമായി ഭിന്നത തുടരുന്നതിനിടയിലാണ് അദ്ദേഹത്തിൻറ സ്ഥലമാറ്റം. സംഭവബഹുലമായ ഒരുകാലഘട്ടമായിരുന്നു ആരിഫ് മുഹമ്മദ് ഖാൻ ഗവർണ്ണറായിരുന്ന നാളുകൾ. സർവ്വകലാശാല വിസി നിയമനം ഉൾപ്പടെ നിരവധി വിഷയങ്ങളിൽ പലപ്പോഴും മുഖ്യമന്ത്രി പിണറായി വിജയനും ഗവർണ്ണറും നേർക്കുനേർ ഏറ്റുമുട്ടിയിരുന്നു.

ബീഹാർ ഗവർണ്ണറായ രാജേന്ദ്ര വിശ്വനാഥ് ആർലേകർ നേരത്തെ ഹിമാചൽ പ്രദേശിലും ഗവർണ്ണറായി സേവനം അനുഷ്ഠിച്ചിരുന്നു. ഗോവയിൽ മന്ത്രിയായും സ്പീക്കറായും സേവനം അനുഷ്ഠിച്ചിട്ടുണ്ട്. മണിപ്പുർ ഉൾപ്പടെയുള്ള സംസ്ഥാനങ്ങളിലെയും ഗവർണ്ണർമാർക്ക് മാറ്റമുണ്ട്.ആഭ്യന്തര സെക്രട്ടറി അജയ് കുമാർ ഭല്ലെയാണ് മണിപ്പൂരിൻറ പുതിയ ഗവർണ്ണർ. 

Read More

• പുഷ്‌പ 2 പ്രീമിയർ പ്രദർശനത്തിനിടെ ദുരന്തം: ചോദ്യം ചെയ്യലിന് ഹാജരായി അല്ലു അർജുൻ
• അരി മോഷ്ടിച്ചെന്ന് സംശയം, ദലിത് യുവാവിനെ മരത്തിൽ കെട്ടിയിട്ട് മർദിച്ച് കൊലപ്പെടുത്തി
• ഷെയ്ഖ് ഹസീനയെ കൈമാറണം: ബംഗ്ലാദേശ്
• നിസാനും ഹോണ്ടയും ഒന്നിക്കുന്നു; ഇനി ലോകത്തിലെ മൂന്നാം നമ്പർ വാഹന നിർമ്മാതാക്കൾ