Kerala Rain: ഇന്ന് കനത്ത മഴ, ആറ് ജില്ലകളിൽ അവധി; സംസ്ഥാനത്ത് ജാഗ്രതാ നിർദേശം

Kerala Rain Updates: കൊച്ചി: സംസ്ഥാനത്ത് ഇന്ന് അതിതീവ്ര മഴയ്ക്ക് സാധ്യതയുണ്ടെന്ന് കാലാവസ്ഥ നിരീക്ഷണ കേന്ദ്രത്തിന്റെ മുന്നറിയിപ്പ്. നാല് ജില്ലകളിലാണ് ഇന്ന റെഡ് അലർട്ട് പ്രഖ്യാപിച്ചിരിക്കുന്നത്.  പത്തനംതിട്ട,ഇടുക്കി,കണ്ണൂർ,കാസർകോട് ജില്ലകളിലാണ് റെഡ് അലർട്ട് പ്രഖ്യാപിച്ചിരിക്കുന്നത്. 24 മണിക്കൂറിൽ 204.4 മില്ലി മീറ്ററിൽ കൂടുതൽ മഴ ലഭിക്കുന്ന സാഹചര്യത്തെയാണ് റെഡ് അലർട്ട്് കൊണ്ട് കാലാവസ്ഥ വകുപ്പ് അർത്ഥമാക്കുന്നത്. 

പത്തിടത്ത് ഓറഞ്ച് അലർട്ട്

തിരുവനന്തപുരം,കൊല്ലം,ആലപ്പുഴ,കൊല്ലം,കോട്ടയം,എറണാകുളം,തൃശൂർ,പാലക്കാട്,മലപ്പുറം,കോഴിക്കോട്,വയനാട് ജില്ലകളിൽ ഇന്ന്   ഓറഞ്ച് അലർട്ട് പ്രഖ്യാപിച്ചു. 24 മണിക്കൂറിൽ 115.6 മില്ലിമീറ്റർ മുതൽ 204.4 മില്ലിമീറ്റർ വരെ മഴ ലഭിക്കുന്ന സാഹചര്യത്തെയാണ് ഓറഞ്ച് അലർട്ട കൊണ്ട് അർത്ഥമാക്കുന്നത്. 

ആറ് ജില്ലകളിൽ അവധി

സംസ്ഥാനത്ത് അതിതീവ്ര മഴ മുന്നറിയിപ്പിന് പിന്നാലെ സംസ്ഥാനത്ത് ആറ് ജില്ലകളിലെ വിദ്യാഭ്യാസ സ്ഥാപനങ്ങൾക്ക് ഇന്ന് അവധി പ്രഖ്യാപിച്ച് ജില്ലാ കളക്ടർമാർ. കാസർകോട്, കണ്ണൂർ, എറണാകുളം, ഇടുക്കി, പത്തനംതിട്ട,വയനാട് വയനാട് എന്നീ ജില്ലകളിലെ വിദ്യാഭ്യാസ സ്ഥാപനങ്ങൾക്കാണ് അവധി പ്രഖ്യാപിച്ചത്.

Also Read: കാലവർഷം കനക്കും; സംസ്ഥാനത്ത് നാളെ അതിതീവ്ര മഴ

ട്യൂഷൻ സെൻററുകൾ, മദ്രസകൾ, അങ്കണവാടികൾ, പ്രൊഫഷണൽ കോളേജുകൾ ഉൾപ്പെടെയുള്ള എല്ലാ വിദ്യാഭ്യാസ സ്ഥാപനങ്ങൾക്കും അവധി ബാധകമാണ്. അതേസമയം മുൻ നിശ്ചയിച്ച പരീക്ഷകൾ നടക്കുമെന്ന് കാസർകോട് കളക്ടറും റസിഡൻഷ്യൽ സ്‌കൂളുകൾക്ക് അവധി ബാധകമല്ലെന്ന് ഇടുക്കി കളക്ടറും വ്യക്തമാക്കി.

അധിക മഴ ലഭിക്കും

തെക്ക് പിടഞ്ഞാറൻ മൺസൂൺ വളരെ സജീവമായതിനാൽ കേരളത്തിൽ വരുന്ന നാല് മാസം അധികം മഴ പെയ്യുമെന്നും കാലാവസ്ഥ വകുപ്പിന്റെ മുന്നറിയിപ്പിൽ പറയുന്നു. സാധാരണ കാലവർഷത്തിൽ പെയ്യുന്നതിലും എട്ട് ശതമാനം അധികമഴ ലഭിക്കാനാണ് സാധ്യതയെന്നും കാലാവസ്ഥ നിരീക്ഷണ കേന്ദ്രം അറിയിച്ചു. 

51 ദുരിതാശ്വാസ ക്യാമ്പുകൾ

കനത്ത മഴയെ തുടർന്ന് സംസ്ഥാനത്ത് 51 ദുരിതാശ്വാസ ക്യാമ്പുകൾ തുറന്നു.382 കുടുംബങ്ങളാണ് ക്യാമ്പുകളിൽ കഴിയുന്നത്. 1282 കുടുംബങ്ങളിലെ മറ്റ് സുരക്ഷിത സ്ഥലങ്ങളിലേക്ക് മാറ്റിപാർപ്പിച്ചിട്ടുണ്ട്.  വയനാട് ജില്ലയിലാണ് ഏറ്റവുമധികം ക്യാമ്പുകൾ പ്രവർത്തിക്കുന്നത്. 18 ക്യാമ്പുകളിലായി 739 പേരാണ് കഴിയുന്നത്. കോട്ടയം ജില്ലയിൽ 15 ക്യാമ്പുകൾ തുറന്നിട്ടുണ്ട്. 181 പേരാണ് ജില്ലയിൽ ക്യാമ്പുകളിൽ കഴിയുന്നത്. 

രക്ഷാപ്രവർത്തനങ്ങൾ ഏകോപിപ്പിക്കാൻ എല്ലാ ജില്ലകളിലും താലൂക്ക് കൺട്രോൾ റൂമുകൾ സജ്ജീകരിച്ചിട്ടുണ്ട്. 24 മണിക്കൂറും പ്രവർത്തിക്കുന്ന കൺട്രോൾ റൂമുകളാണ് സജ്ജികരിച്ചിരിക്കുന്നത്. 

Read More

• നിലമ്പൂർ ഉപതിരഞ്ഞെടുപ്പ്; അൻവറിനായി സുധാകരൻ, പറഞ്ഞതിൽ മാറ്റമില്ലെന്ന് സതീശൻ: യുഡിഎഫിൽ ഭിന്നത രൂക്ഷം
• ഇനി യുഡിഎഫിന്റെ കാലുപിടിക്കാനില്ല, പ്രതീക്ഷ കെ.സി.വേണുഗോപാലിൽ: പി.വി.അൻവർ
• വിഷു ബംപർ; ഒന്നാം സമ്മാനം പാലക്കാട്ട് വിറ്റ ടിക്കറ്റിന്
• കൊച്ചി കപ്പൽ അപകടം; ആലപ്പുഴ തീരത്ത് എണ്ണപ്പാടകൾ, കണ്ടെത്തിയത് ബങ്കർ ഓയിൽ