വിദ്യാർത്ഥിനിയെ പീഡിപ്പിച്ച യുവതിക്കെതിരെ വീണ്ടും പോക്സോ കേസ്; 15 കാരനും ലൈഗിക അതിക്രമം നേരിട്ടു

കണ്ണൂർ: തളിപ്പറമ്പിൽ 12 വയസുകാരിയെ ലൈംഗികമായി പീഡിപ്പിച്ചെന്ന കേസിൽ റിമാൻഡിൽ കഴിയുന്ന യുവതിക്കെതിരെ വീണ്ടും പോക്സോ കേസ്. പുളിപറമ്പ് തോട്ടാറമ്പിലെ സ്നേഹ മെർലിൻ എന്ന 23 കാരിക്കെതിരെയാണ് കേസെടുത്തത്. അതിജീവിതയായ 12 കാരിയുടെ സഹോദരനെയും യുവതി ലൈംഗികമായി പീഡനത്തിനിരയാക്കിയെന്നാണ് പരാതി. 

15 കാരനായ ആൺകുട്ടിയെ പീഡിപ്പിച്ചെന്ന മാതാപിതാക്കളുടെ പരാതിയുടെ അടിസ്ഥാനത്തിലാണ് യുവതിക്കെതിരെ വീണ്ടും പോക്സോ കേസ് ചുമത്തിയത്. നേരത്തെ പോക്സോ വകുപ്പ് ചുമത്തി തളിപ്പറമ്പ് പൊലീസെടുത്ത കേസിൽ സ്നേഹ റിമാൻഡിൽ തുടരുകയാണ്.

12 കാരിയെ പീഡിപ്പിച്ച കേസിൽ കഴിഞ്ഞ മാസമായിരുന്നു സ്നേഹ മെർലിനെ അറസ്റ്റു ചെയ്തത്. 12 കാരിയുടെ ബാഗിൽ നിന്ന് അധ്യാപിക ഫോൺ കണ്ടെടുത്തതോടെയാണ് പീഡിന വിവരം പുറത്തറിയുന്നത്. ഫോൺ പരിശോധിച്ചപ്പോൾ സംശയം തോന്നിയ അധ്യാപിക മാതാപിതാക്കളെയും തുടർന്ന് ചൈൽഡ് ലൈനിലും വിവരം അറിയിക്കുകയായിരുന്നു.

ചൈൽഡ് ലൈൻ കുട്ടിക്ക് നൽകിയ കൗൺസിലിങ്ങിലാണ് പീഡന വിവരം പുറത്തുവന്നത്. തുടർന്ന് പൊലീസിന് വിവരം കൈമാറുകയും കേസെടുക്കുകയുമായിരുന്നു. നിരവധി തവണ പ്രതി 12 കാരിയെ പീഡനത്തിനിരയാക്കിയെന്നാണ് കണ്ടെത്തൽ.

Read More

• ഗോകുലം സ്ഥാപനങ്ങളിലെ റെയ്ഡ്; മൂന്നു മാസമായി നിരീക്ഷണത്തിലെന്ന് ഇ.ഡി; ഇന്നും ചോദ്യം ചെയ്തേക്കും
• വഖഫ് ബിൽ പാസായതിനു പിന്നാലെ മുനമ്പത്ത് 50 പേർ ബിജെപിയിൽ ചേർന്നു
• ED Raids Gokulam Gopalan's Offices: ഗോകുലം ​ഗോപാലന്റെ വീട്ടിലും സ്ഥാപനങ്ങളിലും റെയ്ഡ് തുടരുന്നു; പരിശോധന നടക്കുന്നത് അഞ്ചിടങ്ങൾ
• Suresh Gopi angry with Media: നിങ്ങളാരാ? ബി കെയർഫുൾ;മാധ്യമങ്ങളോട് കയർത്ത് വീണ്ടും സുരേഷ് ഗോപി