മാസപ്പടി കേസിൽ സിബിഐ അന്വേഷണം ആവശ്യപ്പെട്ടുള്ള ഹ‍ർജി; മുഖ്യമന്ത്രിക്കും മകൾക്കും ഹൈക്കോടതി നോട്ടീസ്

കൊച്ചി: മാസപ്പടി കേസിൽ സിബിഐ അന്വേഷണം ആവശ്യപ്പെട്ടുള്ള ഹർജിയിൽ മുഖ്യമന്ത്രി പിണറായി വിജയനും മകൾ വീണ വിജയനും സിഎംആർഎല്ലും കെഎസ്ഐഡിസിയും അടക്കം 19 എതിർകക്ഷികൾക്ക് ഹൈക്കോടതി നോട്ടീസ്. പേര് വിവരങ്ങൾ മുദ്രവച്ച കവറിൽ ഹാജരാക്കണം. 

ആദായ നികുതി ഇന്ററിം സെറ്റിൽമെന്റ് ബോർഡിൻ്റെ റിപ്പോർട്ടിൽ പരാമർശിച്ചിട്ടുള്ളവരുടെ പേരു വിവരങ്ങളാണ് ഹാജരാക്കേണ്ടത്. ബോർഡിന് മുന്നിലുള്ള തെളിവുകളും സാക്ഷിമൊഴികളും ഹാജരാക്കണം. വിഷയത്തിൽ സിബിഐ അന്വേഷണം ആവശ്യപ്പെട്ട് മാധ്യമ പ്രവർത്തകൻ എം.ആർ അജയൻ സമർപ്പിച്ച ഹർജിയിലാണ് ജസ്റ്റിസ് അമിത് റാവൽ അധ്യക്ഷനായ ബഞ്ചിൻ്റെ നിർദേശം.

കേസിൽ എസ്എഫ്ഐഒ അന്വേഷണം പൂർത്തിയായതയും അന്തിമ റിപ്പോർട്ട്‌ വിചാരണ കോടതിയിൽ സമർപിച്ചതായും കേന്ദ്ര സർക്കാർ  അറിയിച്ചു. പ്രതികളുടെ ഹർജിയിൽ സിംഗിൾ ബെഞ്ച് തൽസ്ഥിതി നിലനിർത്താൻ ഇടക്കാല ഉത്തരവ് പുറപെടുവിച്ചതായും കേന്ദ്ര സർക്കാർ അറിയിച്ചു.

കുറ്റപത്രം കോടതി സ്വീകരിച്ച സാഹചര്യത്തിൽ പ്രതികൾക്കു സമൻസ് അയക്കുന്നതിനുള്ള നടപടിയാണ് അടുത്ത ഘട്ടമെന്ന് അഡീഷണൽ സോളിസിറ്റർ ജനറൽ എആർഎൽ സുന്ദരേശൻ അറിയിച്ചു.

Read More

• CMRL Case: മാസപ്പടി കേസിൽ തൽസ്ഥിതി തുടരാൻ ഹൈക്കോടതി നിർദേശം
• Waqf Amendment Bill: മുനമ്പം നിവാസികളെ പ്രധാനമന്ത്രി കാണും; രാഷ്ട്രീയക്കാർ തെറ്റിദ്ധരിപ്പിച്ചെന്ന് സഭാ നേതൃത്വം
• Kollam Pooram: കൊല്ലം പൂരം കുടമാറ്റത്തിൽ ആർ.എസ്.എസ്.നേതാവിന്റെ ചിത്രം; പരാതിയുമായി യൂത്ത് കോൺഗ്രസും ഡി.വൈ.എഫ്.ഐയും
• ADGP M.R Ajith Kumar: എം.ആർ.അജിത് കുമാറിന് ക്ലീൻ ചിറ്റ്; എ.ഡി.ജി.പി.യെ കുറ്റവിമുക്തനാക്കിയുള്ള വിജിലൻസ് റിപ്പോർട്ട് മുഖ്യമന്ത്രി അംഗീകരിച്ചു