Naveen Babu's Death: നവീന്‍ ബാബുവിന്റെ മരണം: സിബിഐ അന്വേഷണം ആവശ്യപ്പെട്ടുള്ള ഹർജി തള്ളി സുപ്രീം കോടതി

Kannur ADM Naveen Babu's Death: ഡൽഹി: കണ്ണൂര്‍  എഡിഎം ആയിരുന്ന നവീൻ ബാബുവിൻറെ മരണത്തിൽ സിബിഐ അന്വേഷണം ആവശ്യപ്പെട്ട് കുടുംബം സമർപ്പിച്ച ഹർജി തള്ളി സുപ്രീം കോടതി. എല്ലാ കേസുകളും സിബിഐക്ക് കൈമാറാനാകില്ലെന്ന് വ്യക്തമാക്കിക്കൊണ്ടാണ് നവീൻ ബാബുവിന്റെ ഭാര്യ സമർപ്പിച്ച ഹർജി തള്ളിയത്.

നിലവിലെ അന്വേഷണത്തില്‍ വിശ്വാസമില്ലെന്ന് ചൂണ്ടിക്കാട്ടിയായിരുന്നു കുടുംബം സുപ്രീം കോടതിയെ സമീപിച്ചത്. സിബിഐ അന്വേഷണം വേണമെന്ന ആവശ്യം നേരത്തെ ഹൈക്കോടതി തള്ളിയിരുന്നു. തുടര്‍ന്നാണ് കുടുംബം സുപ്രീം കോടതിയിലെത്തിയത്. നവീന്‍ ബാബുവിന്റെ മരണവുമായി ബന്ധപ്പെട്ട ഗൂഢാലോചന സംബന്ധിച്ച് കേരള പൊലീസ് അന്വേഷിക്കുന്നില്ല. 

പൊലീസ് തയ്യാറാക്കിയ ഇന്‍ക്വസ്റ്റ് റിപ്പോര്‍ട്ടും പോസ്റ്റ്മോര്‍ട്ടം റിപ്പോര്‍ട്ടും തമ്മില്‍ വ്യത്യാസം ഉണ്ട്. അതിനാല്‍ ഇപ്പോള്‍ നടക്കുന്ന അന്വേഷത്തില്‍ തനിക്കോ, കുടുംബത്തിനോ വിശ്വാസമില്ലെന്നും മഞ്ജുഷ ഹര്‍ജിയില്‍ പറഞ്ഞു. അഭിഭാഷകന്‍ എം.ആര്‍ രമേശ് ബാബു ആണ് മഞ്ജുഷയുടെ ഹര്‍ജി സുപ്രീം കോടതിയില്‍ ഫയല്‍ ചെയ്തത്.

നവീന്‍ ബാബുവിന്റെ മരണത്തിലെ ആത്മഹത്യാ പ്രേരണ കേസില്‍ പി.പി ദിവ്യയാണ് ഏക പ്രതി. ദിവ്യയുടെ പ്രസംഗം എഡിഎം ജീവനൊടുക്കാന്‍ പ്രേരണയായെന്ന് കുറ്റപത്രം വിശദമാക്കുന്നത്. നവീന്‍ ബാബുവിനെ അപമാനിക്കാന്‍ പി.പി ദിവ്യ ആസൂത്രണം നടത്തി. യാത്രയയപ്പ് യോഗത്തിലേക്ക് ക്ഷണമില്ലാതെ പോയത് എഡിഎമ്മിനെ അപമാനിക്കാന്‍ ലക്ഷ്യമിട്ടായിരുന്നുവെന്നും കുറ്റപത്രം വിശദമാക്കുന്നു.

Read More

• Munambam Waqf Issue: മുനമ്പം പ്രശ്‌നം; മുഖ്യമന്ത്രി ക്രൈസ്തവ നേതൃത്വവുമായി ചർച്ച നടത്തും
• Munambam Waqf Issue: കിരൺ റിജിജുവിന്റെ പ്രസ്താവന; മുനമ്പം വിഷയത്തിൽ പ്രതിരോധത്തിലായി ബി.ജെ.പി
• Waqf Amendment വഖഫ് നിയമഭേദഗതി; മുസ്ലീം ജനവിഭാഗത്തിനിടയിൽ പ്രചാരണവുമായി ബി.ജെ.പി.
• Waqf Amendment Bill: വഖഫ് നിയമഭേദഗതി; സുപ്രീംകോടതി ഇന്ന് ഇടക്കാല ഉത്തരവിറക്കിയേക്കും
• Waqf Amendment Bill: മുസ്ലീങ്ങളെ ഹിന്ദു ട്രസ്റ്റുകളുടെ ഭാഗമാക്കാൻ അനുവദിക്കുമോ? കേന്ദ്രത്തോട് സുപ്രീം കോടതി