Kerala Rain: കനത്ത മഴയിൽ കോഴിക്കോടും ആലുവയിലും റെയിൽവെ ട്രാക്കിൽ മരം വീണു, ട്രെയിനുകൾ വൈകിയോടുന്നു

Kerala Rain Updates: കോഴിക്കോട്: കനത്ത മഴയിൽ കോഴിക്കോടും ആലുവയിലും റെയിൽവേ ട്രാക്കിൽ മരം വീണു. കോഴിക്കോട് നല്ലളം അരീക്കാട് റെയിൽവേ ട്രാക്കിന് മുകളിലേക്കാണ് മരം വീണത്. ഗതാഗതം പുനഃസ്ഥാപിച്ചെങ്കിലും പല ട്രെയിനുകളും മൂന്നും നാലും മണിക്കൂർ വൈകിയാണ് ഓടുന്നത്. എറണാകുളം അമ്പാട്ട് കാവിൽ മെട്രോ സ്റ്റേഷനു സമീപം റെയിൽവേ ട്രാക്കിലേക്ക് മരം വീണ് നാല് മണിക്കൂർ ട്രെയിൻ ഗതാഗതം തടസപ്പെട്ടു.

വൈകിയോടുന്ന ട്രെയിനുകള്‍ 

• ചെന്നൈ-മാംഗ്ലൂർ മെയിൽ
• കോഴിക്കോട്-ഷൊർണ്ണൂർ പാസഞ്ചർ
• തിരുവനന്തപുരം-മാംഗ്ലൂർ മലബാർ എക്സ്പ്രസ് 
• അന്ത്യോദയ എക്സ്പ്രസ്
• ചെന്നൈ-എഗ്മോർ ഗുരുവായൂർ എക്സ്പ്രസ്
• നിസാമുദ്ദീൻ - എറണാകുളം മംഗള എക്സ്പ്രസ് 
• ഗുരുവായൂർ-തിരുവനന്തപുരം എക്സ്പ്രസ്
• രാജ്യറാണി എക്സ്പ്രസ്
• അമൃത്സർ - തിരുവനന്തപുരം നോർത്ത് സൂപ്പർഫാസ്റ്റ് എക്സ്പ്രസ്

സംസ്ഥാനത്ത് അതിശക്തമായ മഴ തുടരുകയാണ്. കോഴിക്കോട്, വയനാട്, കണ്ണൂർ എന്നീ മൂന്ന് ജില്ലകളിൽ റെഡ് അലർട്ട് പ്രഖ്യാപിച്ചിട്ടുണ്ട്. തൃശ്ശൂർ, മലപ്പുറം, കാസർകോട് ജില്ലകളിൽ ഓറഞ്ച് അലർട്ടും, മറ്റ് ജില്ലകളിൽ യെല്ലോ അലർട്ടും പ്രഖ്യാപിച്ചിട്ടുണ്ട്. ശക്തമായ മഴ തുടരുന്ന സാഹചര്യത്തിൽ ഇന്ന് മൂന്ന് ജില്ലകളിലെ വിദ്യാഭ്യാസ സ്ഥാപനങ്ങൾക്ക് ജില്ലാ കലക്ടർ അവധി പ്രഖ്യാപിച്ചു. കണ്ണൂർ, വയനാട്, കോട്ടയം ജില്ലകളിലെ വിദ്യാഭ്യാസ സ്ഥാപനങ്ങൾക്കാണ് അവധി പ്രഖ്യാപിച്ചത്. 

Also Read:കാലവർഷത്തിനൊപ്പം ന്യൂനമർദ്ദവും; അഞ്ച് ദിവസം അതിതീവ്ര മഴ, മൂന്ന് ജില്ലകളിൽ അവധി പ്രഖ്യാപിച്ചു

സംസ്ഥാനത്ത് അടുത്ത അഞ്ച് ദിവസം അതിതീവ്ര മഴയ്ക്ക് സാധ്യതയുണ്ടെന്ന് കേന്ദ്ര കാലാവസ്ഥ നിരീക്ഷണ കേന്ദ്രം മുന്നറിയിപ്പ് നൽകി. മാറാത്തവാഡക്ക് മുകളിലായി നിലവിലൊരു ന്യൂനമർദം സ്ഥിതി ചെയ്യുന്നു. േയ്  27ഓടെ മധ്യ പടിഞ്ഞാറൻ - വടക്കൻ ബംഗാൾ ഉൾക്കടലിനു  മുകളിലായി മറ്റൊരു ന്യൂനമർദം കൂടി രൂപപ്പെടാൻ സാധ്യതയുണ്ട്. ഇതിനാലാണ് വരും ദിവസങ്ങളിൽ കേരളത്തിൽ തീവ്രമഴയ്ക്ക് സാധ്യതയുള്ളതെന്ന് കാലാവസ്ഥ നിരീക്ഷണ കേന്ദ്രം അറിയിച്ചു.

Read More

• തിരുവനന്തപുരത്തെ തീരപ്രദേശങ്ങളിലും കണ്ടെയ്നറുകൾ; തീരദേശത്ത് ജാഗ്രത തുടരുന്നു
• നിലമ്പൂർ ഉപതിരഞ്ഞെടുപ്പ്; ഇടഞ്ഞുതന്നെ അൻവർ, തത്കാലം പ്രചാരണത്തിനില്ല
• അൻവറിനോട് അയവില്ല; നിലമ്പൂരിൽ ആര്യാടൻ ഷൗക്കത്ത് യു.ഡി.എഫ് സ്ഥാനാർഥി