പതിനാറുകാരിക്ക് മോതിരം സമ്മാനിച്ച് ലൈംഗിക പീഡനം; മദ്രസ അധ്യാപകന് 187 വർഷം തടവ്

കണ്ണൂർ: കണ്ണൂരിൽ പതിനാറുകാരിയെ ലൈംഗികമായി പീഡിപ്പിച്ച കേസിൽ മദ്രസ അധ്യാപകന് 187 വർഷം തടവ് ശിക്ഷ. ആലക്കോട് ഉദയഗിരി സ്വദേശി മുഹമ്മദ് റാഫിക്കിന് (39) ആണ്  തളിപ്പറമ്പ് പോക്സോ അതിവേഗ കോടതി ശിക്ഷ വിധിച്ചത്. തടവ് ശിക്ഷയ്ക്കു പുറമെ 9.10 ലക്ഷം രൂപ പിഴയും കോടതി വിധിച്ചു.

സ്വർണ മോതിരം സമ്മാനം നൽകിയും പീഡന വിവരം പുറത്ത് പറഞ്ഞാൽ ശപിക്കുമെന്ന് ഭീഷണിപ്പെടുത്തിയുമായിരുന്നു പ്രതി പതിനാറുകാരിയോട് ലൈംഗിക അതിക്രമം നടത്തിയത്. 2020- 2021 കോവിഡ് കാലത്താണ് പെൺകുട്ടിയെ പ്രതി പീഡനത്തിനിരയാക്കിയത്.

11-കാരിയെ പീഡിപ്പിച്ച കേസിൽ നേരത്തെ പ്രതിയെ വളപട്ടണം പൊലീസ് അറസ്റ്റ് ചെയ്തിട്ടുണ്ട്. ഈ കേസിൽ 26 വർഷം ശിക്ഷ ലഭിച്ചിരുന്നു. ശിക്ഷാ കാലയളവിനിടെ ജാമ്യത്തിൽ ഇറങ്ങിയപ്പോഴാണ് പതിനാറുകാരിയെ പീഡിപ്പിച്ചത്. സമാന കുറ്റകൃത്യം ആവർത്തിച്ച സാഹചര്യത്തിലാണ് 187 വർഷം തടവ് ശിക്ഷ കോടതി വിധിച്ചത്.

Read More

• ദീപക് വധം: വിചാരണക്കോടതി വെറുതേവിട്ട ആർഎസ്എസ് പ്രവര്‍ത്തകര്‍ക്ക് ജീവപര്യന്തം
• ഗവർണർമാർക്കെതിരായ സുപ്രീം കോടതി വിധി; ജനാധിപത്യ അവകാശങ്ങളെ ഉയർത്തിപ്പിടിക്കുന്നതാണെന്ന് മുഖ്യമന്ത്രി
• ഭാസ്കര കാരണവർ വധക്കേസ് പ്രതി ഷെറിന് പരോൾ; ജയിലിൽനിന്ന് പുറത്തിറങ്ങി
• ഗോകുലം ​ഗോപാലന് വീണ്ടും ഇ.ഡി നോട്ടീസ്; ഏപ്രിൽ 22 ന് ചോദ്യം ചെയ്യലിന് ഹാജരാകാൻ നിർദേശം
• നടിയെ ആക്രമിച്ച കേസ്; സിബിഐ അന്വേഷണം ആവശ്യപ്പെട്ടുള്ള ദിലീപിന്റെ ഹർജി തള്ളി