കെ. സുരേന്ദ്രൻ വയനാട് മത്സരിക്കും; ബിജെപിയുടെ അഞ്ചാംഘട്ട സ്ഥാനാർത്ഥി പട്ടിക പുറത്ത്

തിരുവനന്തപുരം: ബിജെപി സംസ്ഥാന പ്രസിഡന്റ് കെ. സുരേന്ദ്രൻ വയനാട്ടിൽ രാഹുൽ ഗാന്ധിക്കെതിരെ മത്സരിക്കും. ബിജെപിയുടെ അഞ്ചാംഘട്ട സ്ഥാനാർത്ഥി പട്ടിക അൽപ്പസമയം മുമ്പാണ് പുറത്തുവന്നത്. എറണാകുളത്ത് കെ.എസ്. രാധാകൃഷ്ണൻ, കൊല്ലത്ത് നടൻ ജി. കൃഷ്ണകുമാർ, ആലത്തൂരിൽ ഡോ. ടി.എൻ. സരസു എന്നിവരും സ്ഥാനാർത്ഥിയാകും.

രാഹുല്‍ ഗാന്ധിയുടെ മണ്ഡലത്തിൽ ശക്തമായ മത്സരം വേണമെന്ന കേന്ദ്ര തീരുമാനത്തിന്‍റെ അടിസ്ഥാനത്തിലാണ് ബിജെപി സംസ്ഥാന അധ്യക്ഷന്‍ കെ. സുരേന്ദ്രനെ തന്നെ വയനാട്ടില്‍ മത്സരിപ്പിക്കുന്നത്. ഇത്തവണ മത്സരിക്കില്ല എന്ന് പറഞ്ഞ് മാറി നിൽക്കുകയായിരുന്നു സുരേന്ദ്രൻ. ശക്തമായ കേന്ദ്ര നിർദേശം പ്രകാരമാണ് കെ. സുരേന്ദ്രനും അണ്ണാമലൈയും മത്സരിക്കുന്നത്.

ലോക്സഭാ തെരഞ്ഞെടുപ്പിനുള്ള 16 സംസ്ഥാനങ്ങളിലെ സ്ഥാനാർത്ഥികളുടെ അഞ്ചാമത്തെ പട്ടികയാണ് ഭാരതീയ ജനതാ പാർട്ടി (ബിജെപി) ഞായറാഴ്ച പുറത്തിറക്കിയത്. പുതുമുഖങ്ങളിൽ നടി കങ്കണ റണാവത്ത്, മുൻ കൽക്കട്ട ഹൈക്കോടതി ജസ്റ്റിസ് അഭിജിത് ഗംഗോപാധ്യായ എന്നിവരും ഉൾപ്പെടുന്നു. ഹിമാചൽ പ്രദേശിലെ മാണ്ഡി മണ്ഡലത്തിൽ നിന്ന് റണാവത്ത് മത്സരിക്കുമ്പോൾ മുൻ ജഡ്ജി പശ്ചിമ ബംഗാളിലെ തംലുക്കിൽ നിന്ന് മത്സരിക്കും. മനേക ഗാന്ധി സുൽത്താൻപൂരിൽ നിന്ന് മത്സരിക്കും. 

അഞ്ചാം പട്ടികയുടെ ഭാഗമായി ആന്ധ്രാപ്രദേശ്, ഗോവ, ഗുജറാത്ത്, ഹരിയാന, രാജസ്ഥാൻ, പശ്ചിമ ബംഗാൾ, ഉത്തർപ്രദേശ്, തെലങ്കാന, സിക്കിം, ഒഡീഷ, മിസോറം, മഹാരാഷ്ട്ര, കേരളം, കർണാടക, ജാർഖണ്ഡ്, ഹിമാചൽ പ്രദേശ് എന്നീ സംസ്ഥാനങ്ങളിലെ സീറ്റുകളിലേക്കാണ് 111 സ്ഥാനാർത്ഥികളെ നിർത്തിയിരിക്കുന്നത്.

മുഴുവൻ സ്ഥാനാർത്ഥി പട്ടികയും ഇവിടെ വായിക്കുക

Read More:

• 'പറഞ്ഞതിൽ ഒരു കുറ്റബോധവുമില്ല, കലാ പ്രവർത്തനത്തിന് സൗന്ദര്യം വേണം'; പറഞ്ഞതിലുറച്ച് കലാമണ്ഡലം സത്യഭാമ
• ലോക്സഭാ തിരഞ്ഞെടുപ്പ് ഏപ്രിൽ 19 മുതൽ ഏഴ് ഘട്ടങ്ങളിലായി ; കേരളത്തിൽ ഏപ്രിൽ 26 ന്
• ഇലക്ടറൽ ബോണ്ടുകൾ മോദിയുടെ 'ഗുണ്ടാ' പിരിവെന്ന് രാഹുൽ ഗാന്ധി
• തൊഴിലാളിയിൽനിന്നും ലോട്ടറി രാജാവായി മാറിയ സാന്റിയാഗോ മാർട്ടിൻ; തിരഞ്ഞെടുപ്പ് ബോണ്ട് വാങ്ങിയവരിൽ നമ്പർ 1