Shashi Tharoor Interview: ചെയ്തത് ശശിയായില്ലെന്ന് കെ സുധാകൻ; പ്രതികരിക്കാതെ തരൂർ

കൊച്ചി: ശശി തരൂർ ഐഇ മലയാളം പോഡ്കാസ്റ്റ് പരിപാടി വർത്തമാനം-ത്തിന് നൽകിയ അഭിമുഖത്തിൽ പ്രതികരണവുമായി കെപിസിസി അധ്യക്ഷൻ കെ സുധാകരൻ. ശശി തരൂർ ചെയ്തത് ശരിയായില്ലെന്ന് സുധാകരൻ തുറന്നടിച്ചു. "ശശി തരൂർ ചെയ്തത് ശശിയായില്ല. തിരുത്താൻ ഇനിയും അവസരമുണ്ട്, പ്രവൃത്തികൾ അതിരുവിടരുത്. തരൂരിനെ നാലുതവണ ഫോൺ വിളിച്ചെങ്കിലും കിട്ടിയില്ല-കെപിസിസി അധ്യക്ഷൻ പറഞ്ഞു". സംസ്ഥാന നേതൃത്വത്തിനെതിരെയുള്ള വിമർശനങ്ങൾ കരുത്ത് നൽകുമെന്നും സുധാകരൻ പറഞ്ഞു. 

തരൂരിന്റെ അഭുമുഖത്തിൽ ഇതാദ്യമായാണ് കെപിസിസി അധ്യക്ഷൻ പ്രതികരിക്കുന്നത്. ശശി തരൂരിനെ എക്കാലത്തും പിന്തുണച്ചയാളാണ് താനെന്നും കെ സുധാകരൻ കൂട്ടിചേർത്തു.

അതേസമയം, തരൂരിന്റെ അഭിമുഖത്തിൽ കരുതലോടെയാണ് സംസ്ഥാനത്തെ കോൺഗ്രസ് നേതാക്കളുടെ പ്രതികരണം. അഭിമുഖം വിവാദമാക്കാൻ ഉദ്ദേശിക്കുന്നില്ലെന്ന് വ്യക്തമാക്കിയ രമേശ് ചെന്നിത്തല, തരൂരിന് കോൺഗ്രസ് അർഹമായ സ്ഥാനങ്ങൾ നൽകിയിട്ടുണ്ടെന്നും പ്രതികരിച്ചു. തരൂരിന്റെ പ്രശ്‌നങ്ങൾ ഉടൻ പരിഹരിക്കണമെന്ന് കെ മുരളീധരനും വ്യക്തമാക്കി. 

• ശക്തനായ ഒരു നേതാവില്ല; കേരളത്തിലെ കോൺഗ്രസ്സിലെ പ്രശ്നം നേതൃത്വ പ്രതിസന്ധിയെന്ന് തരൂർ
• Shashi Tharoor: Even those against Congress vote for me…that’s what party needs

അതേസമയം, പാർട്ടിയിൽ പരിഗണന ലഭിക്കുന്നില്ലെന്ന ശശി തരൂർ എംപിയുടെ വാദങ്ങൾ തള്ളി എഐസിസി വൃത്തങ്ങൾ. ശശി തരൂരിനെ പാർട്ടിയിൽ നിന്ന് മാറ്റിനിർത്തുന്നു എന്ന രീതിയിലുമുള്ള പ്രചാരണം തെറ്റിദ്ധരിപ്പിക്കുന്നതും അടിസ്ഥാന രഹിതവുമാണെന്നാണ് എഐസിസി നേതാക്കൾ നൽകുന്ന വിശദീകരണം.

സമയം ആകുമ്പോൾ പ്രതികരിക്കാം

അഭിമുഖത്തിൽ ഇപ്പോൾ പ്രതികരണത്തിന് ഇല്ലെന്ന് ശശി തരൂർ എംപി ഡൽഹിയിൽ പ്രതികരിച്ചു. സമയം ആകുമ്പോൾ മാധ്യമങ്ങളെ കാണാമെന്നും ശശി തരൂർ വ്യക്തമാക്കി. കഠിനാധ്വാനം ചെയ്തില്ലെങ്കിൽ അടുത്ത നിയമസഭാ തിരഞ്ഞെടുപ്പിലും കോൺഗ്രസ് പരാജയം നേരിടുമെന്ന് ശശി തരൂർ ഐഇ മലയാളം' വർത്തമാനം' പരിപാടിയിൽ വ്യക്തമാക്കുന്നു.

അടിസ്ഥാന വോട്ടുകൾ കൊണ്ട് ദേശീയ-സംസ്ഥാന രാഷ്ട്രീയത്തിൽ പിടിച്ചുനിൽക്കാനാകില്ലെന്നും പുതിയ വോട്ടർമാരെ ആകർഷിക്കണമെന്നും ശശി തരൂർ വ്യക്തമാക്കി. 

Read More

• ശശി തരൂരിന്റെ അഭിമുഖത്തിൽ പ്രതികരണവുമായി ലീഗ്; ഗൗരവ്വത്തിലെടുക്കണമെന്ന് കുഞ്ഞാലിക്കുട്ടി
• Shasi Taroor Interview: ചെയ്തത് ശശിയായില്ലെന്ന് കെ സുധാകൻ; പ്രതികരിക്കാതെ തരൂർ
• ശശി തരൂരിന് കോൺഗ്രസ് പരിഗണ നൽകുന്നുണ്ട്- രമേശ് ചെന്നിത്തല
• ശശി തരൂർ അനാഥമാകില്ല;പിന്തുണയുമായി സിപിഎം