കേരളത്തിൽ താമര വിരിയും; മൂന്ന് സീറ്റുകൾ വരെ ലഭിച്ചേക്കാം; സംസ്ഥാനത്ത് യുഡിഎഫ് തരംഗം: Exit Poll 2024 Kerala Live Updates

Lok Sabha Election Exit Poll Results Live in malayalam: കേരളത്തിൽ ലോക്സഭാ തിരഞ്ഞെടുപ്പിൽ ഇക്കുറിയും യുഡിഎഫ് തരംഗം തുടരുമെന്ന് എക്സിറ്റ് സർവേ പ്രവചനങ്ങൾ. മുഴുവൻ സർവേകളിലും യുഡിഎഫ് വ്യക്തമായ മുൻതൂക്കം നിലനിർത്തുന്നുണ്ട്. യുഡിഎഫിന് കേരളത്തിൽ 15 മുതൽ 19 സീറ്റുകൾ വരെ ലഭിക്കാമെന്നാണ് എക്സിറ്റ് പോൾ പ്രവചനങ്ങളുടെ ആകെത്തുക.

അതേസമയം, ബിജെപി നയിക്കുന്ന എൻഡിഎ മുന്നണിക്ക് കേരളത്തിൽ ഒന്നു മുതൽ പരമാവധി മൂന്ന് സീറ്റുകൾ വരെ ലഭിക്കുമെന്നും വോട്ട് ഷെയറിൽ വലിയ വർധനവ് ഉണ്ടാകുമെന്നുമാണ് ഇന്ത്യ ടുഡെ - ആക്സിസ് മൈ ഇന്ത്യ എക്സിറ്റ് പോൾ ഫലം പ്രവചിക്കുന്നത്. എൻഡിഎ 27 ശതമാനം വോട്ടുകൾ നേടുമെന്നും സർവേകൾ പ്രവചിക്കുന്നു.

എൽഡിഎഫിന് 29 ശതമാനം വോട്ട് ലഭിക്കുമെന്നും പരമാവധി നാല് സീറ്റ് വരെ മാത്രമെ ലഭിക്കൂവെന്നും ഇന്ത്യ ടുഡെ - ആക്സിസ് മൈ ഇന്ത്യ എക്സിറ്റ് പോൾ ഫലം പറയുന്നു. രണ്ടാം സ്ഥാനക്കാരായ എൽഡിഎഫിന് 29 ശതമാനവും, എൻഡിഎയ്ക്ക് 27 ശതമാനവും വോട്ട് ലഭിക്കുമ്പോൾ ഇവർ തമ്മിലുള്ള വോട്ട് വിഹിതത്തിൽ വലിയ മാറ്റങ്ങൾ ഉണ്ടാകില്ലെന്നും ആക്സിസ് മൈ ഇന്ത്യ ഫലം സൂചിപ്പിക്കുന്നു.

മറ്റുള്ള സ്ഥാനാർത്ഥികൾ മൂന്ന് ശതമാനം വോട്ട് നേടുമെന്നാണ് പ്രവചനം.

കേരളത്തിലെ എക്സിറ്റ് പോൾ ഫലം: വിവിധ സർവേകൾ

• ഇന്ത്യ ടുഡെ - ആക്സിസ് മൈ ഇന്ത്യ: എൽഡിഎഫ് - 0-1, യുഡിഎഫ് - 17-18, എൻഡിഎ - 2-3
• ടൈംസ് നൌ - ഇടിജി: എൽഡിഎഫ് - 4, യുഡിഎഫ് - 14-15, എൻഡിഎ - 1
• ഇന്ത്യ ടിവി - സിഎൻഎക്സ്: എൽഡിഎഫ് - 3-5, യുഡിഎഫ് - 13-15, എൻഡിഎ - 1-3
• എബിപി - സി വോട്ടർ: എൽഡിഎഫ് - 0, യുഡിഎഫ് - 17-19, എൻഡിഎ - 1-3

Read More

• ഹൈറേഞ്ചിൽ 'ഹൈ പവർ മഴ'; ഇടുക്കിയിൽ രാത്രി യാത്ര നിരോധിച്ചു
• 'കർണ്ണാടക സർക്കാരിനെ താഴെയിറക്കാൻ കേരളത്തിൽ ശത്രു ഭൈരവി യാഗവും പഞ്ചബലിയും നടത്തി'
• സംസ്ഥാനത്ത് കാലവർഷമെത്തി; തിങ്കളാഴ്ച്ച വരെ വ്യാപക മഴ
• വീണാ വിജയന്റെ കമ്പനിക്ക് വിദേശ അക്കൗണ്ട്; ലാവ്ലിനും പിഡബ്ല്യുസിയും കോടികൾ നിക്ഷേപിച്ചു: ഷോൺ ജോർജ്
• കേരളത്തിൽ മഴ കനക്കുന്നു; കാലവർഷം സാധാരണയേക്കാൾ ശക്തമാകുമെന്ന് കാലവസ്ഥ റിപ്പോർട്ട്