ലോക കേരളസഭ ഉദ്ഘാടന വേദിയിൽ ദേശീയ ഗാനം മുടങ്ങി; രക്ഷകയായത് പെൺപട, വീഡിയോ

ലോക കേരള സഭയുടെ നാലാം പതിപ്പിന്റെ ഉദ്ഘാടന വേദിയിൽ ദേശീയ ഗാനം മുഴങ്ങാതിരുന്നത് മന്ത്രിമാർക്കിടയിൽ അങ്കലാപ്പിനിടയാക്കി. കേരള നിയമസഭാ മന്ദിരത്തിലെ ആർ. ശങ്കരനാരായണൻ തമ്പി ഹാളിൽ നടന്ന ഉദ്ഘാടനത്തിന് മുന്നോടിയായി ദേശീയ ഗാനം പ്ലേ ചെയ്യുന്നത് മുടങ്ങുകയായിരുന്നു. എന്നാൽ നോർക്ക സെക്രട്ടറി കെ. വാസുകിയുടെയും മറ്റ് ഉദ്യോഗസ്ഥരുടെയും സമയോചിതമായ ഇടപെടൽ രക്ഷയായി.

വൈകിട്ട് അഞ്ച് മണിയോടെയാണ് മുഖ്യമന്ത്രി ഉദ്ഘാടന വേദിയിലെത്തിയത്. ദേശീയ ഗാനത്തിനായി മുഖ്യമന്ത്രി അടക്കം എല്ലാവരും എഴുന്നേറ്റ് നിന്നു. എന്നാൽ ആ സമയം ഓഡിയോ പ്ലേയർ പണിമുടക്കി. മൂന്ന് മിനിറ്റോളം മുഖ്യമന്ത്രിയും വേദിയിലുള്ളവരും ദേശീയ ഗാനത്തിനായി കാത്തു നിന്നു.

ദേശീയഗാനം മുടങ്ങിയെന്ന് മനസിലായതോടെ, ആരെയെങ്കിലും കൊണ്ട് പാടിക്കാൻ തൊട്ടടുത്ത് നിന്ന് റവന്യൂമന്ത്രി കെ രാജനോട് മുഖ്യമന്ത്രി പറയുന്നുണ്ടായിരുന്നു. ഇതിനിടെയാണ് നോർക്ക സെക്രട്ടറി കെ വാസുകിയും മറ്റ് ഉദ്യോഗസ്ഥരും ചേര്‍ന്ന് ദേശീയ ഗാനം ആലപിച്ചത്. ഡോ. കെ. വാസുകിയും അവതാരകയും ഉൾപ്പെടെ മൈക്കിന് മുന്നിലെത്തി ദേശീയ ഗാനം ആലപിക്കുകയായിരുന്നു. വീഡിയോ കാണൂ.

കേരള നിയമസഭാമന്ദിരത്തിലെ ആർ ശങ്കരനാരായണൻ തമ്പി ഹാളിൽ ചേരുന്ന ലോകകേരള സഭയിൽ 103 രാജ്യങ്ങളിൽ നിന്നും 25 ഇന്ത്യൻ സംസ്ഥാനങ്ങളിൽ നിന്നും പ്രവാസികേരളീയ പ്രതിനിധികൾ പങ്കെടുക്കും.

Read More

• കുവൈത്തിലെത്തിയത് 5 ദിവസം മുൻപ്, ഒരു വിളിപ്പാടകലെ അച്ഛൻ; വിങ്ങലായി ശ്രീഹരി
• കുവൈത്ത് ദുരന്തം: മരിച്ചവരുടെ കുടുംബങ്ങൾക്ക് 5 ലക്ഷം ധനസഹായം, കൈത്താങ്ങായി പ്രമുഖ വ്യവസായികളും
• കുവൈത്ത് തീപിടിത്തത്തിൽ മരിച്ചത് 24 മലയാളികൾ, 16 പേരെ തിരിച്ചറിഞ്ഞു
• 'മകളുടെ കോളേജ് അഡ്മിഷനായി നാട്ടിൽ വരാനിരിക്കുകയായിരുന്നു': കുവൈത്ത് ദുരന്തത്തിൽ ആശ്രയമറ്റ് കുടുംബങ്ങൾ
• പ്രവാസ ലോകം കണ്ട ഏറ്റവും വലിയ ദുരന്തമെന്ന് മുഖ്യമന്ത്രി; കുടുംബങ്ങളുടെ ദുഃഖത്തിൽ പങ്കുചേരുന്നെന്ന് വി.ഡി സതീശൻ